Connect with us

Hi, what are you looking for?

LuduNwayOo

သတင်း

မုံရွာ – မန္တလေးလမ်းပိုင်းတွင် စစ်ကောင်စီယာဥ်တစ်စီးအား ခြောက်ကြိမ်မိုင်းဆွဲတို​က်ခိုက်

မတ်လ၂၈ ရက် မွန်းလွဲပိုင်းကလည်း မြင်းမူမြို့နယ်၊ ဘိုးမင်းကျီးကင်းကျေးရွာ၌ အထိုင်ချတပ်စွဲထားသော စစ်ကောင်စီတပ်သားများကို PKDF-MMUနှင့် မဟာမိတ်အဖွဲ့များက (၆၀)မမလက်နက်ကြီးဖြင့် ပစ်ခတ်တိုက်ခိုက်ခဲ့သေးသည်။

(မုံရွာ - မန္တလေးလမ်းပေါ်တွင် ယမန်နှစ်ကုန်ပိုင်းက မိုင်းထိ၍ ရပ်တန့်ထားသော စစ်ကောင်စီယာဥ်တစ်စီးအား တွေ့ရစဥ်။ ဓာတ်ပုံ-LPDF)
(မုံရွာ - မန္တလေးလမ်းပေါ်တွင် ယမန်နှစ်ကုန်ပိုင်းက မိုင်းထိ၍ ရပ်တန့်ထားသော စစ်ကောင်စီယာဥ်တစ်စီးအား တွေ့ရစဥ်။ ဓာတ်ပုံ-LPDF)

စစ်ကိုင်းတိုင်း၊ မုံရွာ – မန္တလေးလမ်းမကြီးပေါ်တွင် စစ်ကိုင်းမြို့မှထွက်လာသော စစ်ကောင်စီယာဥ်တစ်စီးအား ခြောက်ကြိမ်တိုင် မိုင်းဆွဲတို​က်ခိုက်ရာ စစ်သား ၁၃ဦးသေဆုံးကြောင်း People’s knight Defense Force Myinmu၏ သတင်းနှင့် ပြန်ကြားရေးတာဝန်ခံက ပြောကြားသည်။

ယမန်နေ့ (မတ်လ၂၉ ရက်) ည ၁၀နာရီခန့်က စစ်ကိုင်းတပ်မှ ဘိုးမင်းကျီးကင်းကျေးရွာစခန်းသို့လာသော အင်အား ၄၀ခန့်ပါ စစ်ကောင်စီယာဥ်တစ်စီးအား မြင်းမူမြို့နှင့် ဝမ်းပြည့်ကျေးရွာကြားတွင် နှစ်ကြိမ်၊ ဝမ်းပြည့်ကျေးရွာနှင့် အလ္လကပ္ပကျေးရွာကြားတွင်​လေးကြိမ် စုစုပေါင်း ခြောက်ကြိမ် မိုင်းဆွဲတိုက်ခိုက်ခဲ့ကြောင်း PKDF-MMU ၏ သတင်းနှင့် ပြန်ကြားရေးတာဝန်ခံက ပြောသည်။

ထိုသို့တိုက်ခိုက်မှုကြောင့် စစ်သား ၁၃ ဦးသေဆုံးပြိး အများအပြားထိခိုက်ဒဏ်ရာ ရရှိသွားကြောင်း ၎င်းက ဆိုသည်။ သို့သော် သေဆုံးမှုနှင့်ပတ်သက်ပြီး လူထုနွေဦးက သီးခြားအတည်မပြုနိုင်သေးပေ။

အဆိုပါယာဥ်အား ပဒေသာမိုင်းဖြင့် ပထမအကြိမ် မိုင်းဆွဲတိုက်ခိုက်လိုက်ရာ ယာဥ်မှာ ရပ်သွားပြီးပစ်ခတ်နေစဉ် နောက်ထပ် ထပ်မံဖောက်ခွဲလိုက်ရာ ယာဥ်အားထိမှန်ခဲ့ကြောင်း၊ ရှေ့ဆက်ပြီး မောင်းနှင်လာချိန်တွင် နောက်တစ်ကြိမ်ထပ်မံတိုက်ခိုက်ခဲ့ကြောင်း အာဏာရှင်စနစ်တိုက်ဖျက်ရေးပြည်သူ့တပ်ဖွဲ့(PAFD)၏ သတင်းနှင့်ပြန်ကြားရေးတာဝန်ခံက ပြောသည်။

Public Service Announcement

Public Service Announcement

“တော်တော်ကိုပြန်ပစ်တယ်။ ညပိုင်းမှာကားကို ဆက်မသွားနိုင်တော့ဘဲနဲ့ သေကုန်ပြီဘာညာနဲ့အသံကြားရတယ်။ ဘယ်မှဆက်မသွားနိုင်တော့ဘဲ မြောင်လမ်းခွဲက သူတို့ခြံထဲကိုဝင်တာ။”ဟု PAFDတာဝန်ခံက ပြောသည်။

အဆိုပါ စစ်ဆင်ရေးများကို People’s knight Defense Force Myinmu (PKDF-MMU) နှင့်အတူ People’s Army To Fight Dictatorship(PAFD) တပ်ခွဲ Dog Killers Defense Force Myinmu( DKPDF -MMU) ၊ D.B.B.F-MMU စသည့် မဟာမိတ်အဖွဲ့များက ပူးပေါင်းဆောင်ရွက်ခဲ့ပြီး ရဲဘော်များထိခိုက်မှုမရှိဟု အသိပေးထားသည်။

မတ်လ၂၈ ရက် မွန်းလွဲပိုင်းကလည်း မြင်းမူမြို့နယ်၊ ဘိုးမင်းကျီးကင်းကျေးရွာ၌ အထိုင်ချတပ်စွဲထားသော စစ်ကောင်စီတပ်သားများကို PKDF-MMUနှင့် မဟာမိတ်အဖွဲ့များက (၆၀)မမလက်နက်ကြီးဖြင့် ပစ်ခတ်တိုက်ခိုက်ခဲ့သေးသည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။