Connect with us

Hi, what are you looking for?

သတင်း

ကရင်နီ​ရှေ့တန်းက မှတ်တမ်းတင်ထားတဲ့ ဓာတ်ပုံတစ်ပုံဂုဏ်သိက္ခာကြီးမားတဲ့Word Press Photo ဆုရရှိ

ပြည်သူ့ကာကွယ်ရေးတပ်မတော် (PDF) တပ်ဖွဲ့ဝင်တွေက ကျဆုံးသွားတဲ့ ရဲဘော်ရဲဘက် တစ်ဦးရဲ့ ရုပ်အလောင်းကို ထမ်းပိုး သယ်ဆောင်ရင်း ပြန်လာကြပုံကို ရိုက်ကူးထားတဲ့ မှတ်တမ်း ဓာတ်ပုံဟာ အရှေ့တောင်အာရှနဲ့ သမုဒ္ဒရာပိုင်းဇုန် နယ်မြေအတွက် Singles ဓာတ်ပုံ ကဏ္ဍမှာ ဆုရခဲ့တာ ဖြစ်ပါတယ်။

Photo : Mauk Kham Wah

သတင်းဓါတ်ပုံဆု​တွေ ထဲမှာ သြဇာကြီးမားတဲ့ World Press Photo ရဲ့ ၂၀၂၃ ခုနှစ်အတွက် ဒေသအလိုက် ချီးမြှင့်တဲ့ သတင်းဓာတ်ပုံတွေဆုမှာကရင်နီပြည်နယ်​ရှေ့တန်းတစ်​နေရာမှာ ဓာတ်ပုံဆရာ မောက်ခမ်းဝါ ရိုက်ကူးထားတဲ့ Retrieving the Dead ဓာတ်ပုံကို ရွေးချယ်ခံရပါတယ်။

ပြည်သူ့ကာကွယ်ရေးတပ်မတော် (PDF) တပ်ဖွဲ့ဝင်တွေက ကျဆုံးသွားတဲ့ ရဲဘော်ရဲဘက် တစ်ဦးရဲ့ ရုပ်အလောင်းကို ထမ်းပိုး သယ်ဆောင်ရင်း ပြန်လာကြပုံကို ရိုက်ကူးထားတဲ့ မှတ်တမ်း ဓာတ်ပုံဟာ အရှေ့တောင်အာရှနဲ့ သမုဒ္ဒရာပိုင်းဇုန် နယ်မြေအတွက် Singles ဓာတ်ပုံ ကဏ္ဍမှာ ဆုရခဲ့တာ ဖြစ်ပါတယ်။

ကရင်နီပြည်နယ်က မိုးဗြဲမြို့နယ်မှာ ပြီးခဲ့တဲ့နှစ်၊ ဖေဖော်ဝါရီ ၂၁ ရက်က အာဏာသိမ်း စစ်ကောင်စီ တပ်တွေနဲ့ ဖြစ်ပွားခဲ့တဲ့ တိုက်ပွဲအပြီး ပြန်လည် ဆုတ်ခွာလာတဲ့ PDFတွေက သူတို့ရဲ့ ကျဆုံး ရဲဘော် တစ်ဦးရဲ့ အလောင်းကို မရရအောင် ပြန်သယ်လာတာကို ဓာတ်ပုံဆရာက မှတ်တမ်းတင်ခဲ့တာ ဖြစ်ပါတယ်။

PDF တပ်ဖွဲ့ဝင် တစ်ဦးက ကျဆုံးရဲဘော်ကို ကျောပိုး သယ်ယူလာတဲ့အချိန် ရဲဘော်တချို့က နွမ်းနွမ်းလျလျနဲ့ လိုက်ပါလာရင်း ရိုးပြတ် ကိုင်းတောတစ်ခုကို ဖြတ်လျှောက်နေကြချိန်မှာ အဲဒီဓာတ်ပုံကို ရိုက်ကူးထားခဲ့တာပါ။

Public Service Announcement

Public Service Announcement

ကာယကံရှင် ဓာတ်ပုံဆရာကတော့ အဲဒီနေ့က တိုက်ပွဲဟာ သူ့ဘဝမှာ ကြုံဖူးသမျှ အကျည်းတန်ဆုံး ညနေခင်း တစ်ခုအဖြစ် Facebookမှာ ရေးသားမျှဝေထားတာကို တွေ့ရပါတယ်။ အဲဒီဓာတ်ပုံက ဆုရခဲ့ပေမယ့် ရင်နင့်ကြေကွဲစွာ မှတ်တမ်းတင်ခဲ့တဲ့ ဓာတ်ပုံတစ်ပုံဖြစ်တယ်လို့လည်း ဓာတ်ပုံဆရာက ရေးသားထားပါတယ်။

၂၀၂၁ မှာ ဒီမိုကရေစီ အစိုးရကို လက်နက် အားကိုးနဲ့ အဓမ္မ ဖြုတ်ချပြီးစစ်တပ်က အာဏာသိမ်းလိုက်တဲ့နောက် PDFဟာ လက်နက်ကိုင် တော်လှန်ရေး အင်အားစု တစ်ခုအနေနဲ့ ဖွဲ့စည်း ပေါ်ပေါက်လာပြီး တိုင်းရင်းသား လက်နက်ကိုင် တော်လှန်ရေး အဖွဲ့တွေနဲ့ပါ ပူးပေါင်းရင်း စစ်တပ်ကို တော်လှန်နေကြောင်း Word Press Photoက ဖော်ပြထားပါတယ်။

မောက်ခမ်းဝါဟာ ဓာတ်ပုံဆရာ၊ ရုပ်ရှင် ဖန်တီးသူနဲ့ မြန်မာ့အရေး တက်ကြွ လှုပ်ရှားသူ တစ်ဦးဖြစ်ပြီး အာဏာသိမ်း စစ်ကောင်စီကို ရဲရဲရင့်ရင့် တွန်းလှန် တိုက်ခိုက်နေတဲ့ ကရင်နီ (ကယား) လူငယ် အမျိုးသား အမျိုးသမီးတွေနဲ့အတူ ရှေ့တန်းထိ လိုက်ပါပြီး ဓာတ်ပုံမှတ်တမ်းတွေ ရယူနေသူ ဖြစ်ပါတယ်။ သူဟာ စစ်မြေပြင်က ကြမ်းတမ်းတဲ့ တိုက်ပွဲတွေ၊ ရဲဘော်ရဲဘက် စိတ်ဓာတ်နဲ့ ကြေကွဲစရာ မြင်ကွင်းတွေကို သမိုင်းမှတ်တမ်း တင်ပေးနေသူ တစ်ဦးအဖြစ်လည်း သတ်မှတ်နိုင်ပါတယ်။​ရှေ့တန်းစစ်​မြေပြင်​တွေမှာ အန္တရာယ်​တွေကြားစွန့်စွန့် ဒီလိုမှတ်တမ်းတင်ပြီး ဖြန့်​ဝေ​ပေး​နေတဲ့ ဓါတ်ပုံသတင်း​ထောက်​တွေ၊ သတင်းစာဆရာ​တွေ​ကြောင့် ကမ္ဘာက မြန်မာ​နွေဦး​တော်လှန်​ရေးကို ပိုမိုအာရုံစိုက်လာ​၊သိလာ​စေပါတယ်။

ဆက်စပ်သတင်းများ

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

သတင်း

ရှမ်းပြည်နယ်တောင်ပိုင်းနဲ့ ကရင်နီပြည်နယ်အစပ်မှာ တိုက်ပွဲတွေ အပြင်းအထန်ဖြစ်နေတယ်လို့ မိုးဗြဲပြည်သူ့ကာကွယ်ရေးတပ်(MBPDF)က ဒီကနေ့ ညပိုင်းမှာ ထုတ်ပြန်ပါတယ်။

သတင်း

ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) ရဲ့ အတွင်းရေးမှူး အဖွဲ့ဝင်တစ်ဦးဖြစ်သလို ကရင်နီပြည် အတိုင်ပင်ခံကောင်စီ (KSCC)ရဲ့ဥက္ကဋ္ဌ၊ကရင်နီအမျိုးသားတိုးတက်ရေးပါတီ (KNPP) ရဲ့ အထွေထွေအတွင်းရေးမှူး စတဲ့ တာဝန်တွေယူထားတဲ့ ဦးအောင်ဆန်းမြင့် ကွယ်လွန်ခြင်းအတွက် ဝမ်းနည်းကြောင်း၊ကောင်းရာသုဂတိမှာငြိမ်းချမ်းစွာ အနားယူနိုင်ပါစေ​ကြောင်း SCEFကထုတ်ပြန်ပါတယ်။

သတင်း

ကရင်နီပြည်နယ်နဲ့ စစ်ကိုင်းတိုင်းအတွင်းက တော်လှန်သပိတ်အင်အားစုတွေ၊ ဒေသခံပြည်သူတွေဟာ (၃၈) နှစ်မြောက် ရှစ်လေးလုံး အရေးတော်ပုံနေ့ အထိမ်းအမှတ်အဖြစ် လှုပ်ရှားမှုတွေ ဒီကနေ့ (သြဂုတ် ၈) မှာ ပြုလုပ်ခဲ့ပါတယ်။