ရန်ကုန်မြို့ သင်္ဃန်းကျွန်းမြို့နယ် သုဝဏ္ဏဘောလုံးကွင်းရှေ့တွင် ယာဉ်တိမ်းမှောက်မှုဖြစ်ပွားပြီး လူနှစ်ဦးသေဆုံးကြောင်း သေဆုံးသူနှင့်နီးစပ်သူများက ပြောသည်။
“ကိုနောင်နဲ့ မိုးယံ နောက်ဘဝ ဒီလိုအဖြစ်မျိုး မဖြစ်ပါစေနဲ့ဟာ ကိုနောင်ရော မောင်ရော ထွက်သွားတာ အရမ်းစောလွန်းတယ်”ဟု သေဆုံးသူ အမျိုးသားနှစ်ဦး နှင့်ရင်းနှီးသူတစ်ဦးက ဖေ့စ်ဘွတ်ခ်၌ ရေးသားထားသည်။
ဧပြီ ၃ ရက် ည ၁၁ နာရီခန့်တွင် ယာဉ်တိမ်းမှောက်ခဲ့ခြင်းဖြစ်ပြီး ကားပေါ်တွင်လိုက်ပါလာသူ အမျိုးသားနှစ်ဦးမှာ သေဆုံးပြီး အမျိုးသမီးတစ်ဦးမှာ စိုးရိမ်ရသည့် ဒဏ်ရာများရရှိကြောင်း မီးသတ်တပ်ဖွဲ့ကသတင်းထုတ်ပြန်ထားသည်။
တိမ်းမှောက်မှုဖြစ်သည့် ယာဉ်သည် Honda Fit Ge6အမျိုးအစားဖြစ်ပြီး ကားတစ်စီးလုံး ပျက်ဆီးနေသည်ကို အခင်းဓာတ်ပုံများတွင် တွေ့ရသည်။
အမျိုးသားနှစ်ဦးမှာ သေဆုံးသွားပြီး အမျိုးသမီးသည် အရေးပေါ်အခြေအနေဖြင့် ဆေးကုသမှုခံယူနေရကြောင်း အထက်ပါ ရင်းနှီးသူက ရေးသားထားသည်။
Public Service Announcement
သေဆုံးသူနှစ်ဦးအနက် တစ်ဦးသည် Cuba 4 ဆိုင်မှ MC Naung Naung ဖြစ်ကြောင်း ၎င်းနှင့်ရင်းနှီးသူများက လူမှုကွန်ရက်၌ ရေးသားထားကြသည်။
“ငါတကယ်စိတ်မကောင်းဘူးကွာMCနောင်နောင်ရာ၊ မင်းသွားတာတကယ်စောလွန်းတယ်ကွာ DJဖွင့်တိုင်းအမြဲဘေးကနေမင်းစနောက်နေကြလေကွာ၊ တကယ်မဟုတ်ပါစေနဲ့ဆုတောင်းနေတဲ့ကြားကမင်းကွာ ” DJ David Phyo ကရေးသားထားသည်။
အဆိုပါ ယာဉ်တိမ်းမှောက်မှုနှင့်ပတ်သက်၍ အချို့က အာဏာသိမ်းစစ်ကောင်စီ၏ ကန့်သတ်ထားသည့် အချိန်ကြောင့် အမြန်မောင်းနှင်ရာမှ ဖြစ်နိုင်ကြောင်း သုံးသပ် ရေးသားထားသည်။
