Connect with us

Hi, what are you looking for?

LuduNwayOo

သတင်း

စစ်ကိုင်းတွင် ပျူများ ရေကစားနေစဉ် ဒရုန်းဖြင့်တိုက်ခိုက်ရာ ခုနစ်ဦးသေ၊ ၃၀ ကျော်ဒဏ်ရာရဟုဆို

မတ်လ ၃၁ ရက်ကလည်း ကြွယ်ပုံရွာမှ ပျူနှင့်စစ်ကောင်စီတပ်သားများသ​ည် စစ်ကိုင်းမြို့ပေါ်မှစျေးဝယ်ပြန်လာသည့် ဒရုန်းဖြင့်ဗုံးချတိုက်ခိုက်ခံခဲ့ရသေးသည်။

(မတ်လ ၃၁ ရက်က ကြွယ်ပုံရွာကပျူနှင့်စစ်သားများအား စစ်ကိုင်းမြို့မှစျေးဝယ်ပြန်လာစဥ် ဒရုန်းဖြင့်ဗုံးချ တိုက်ခိုက်ခဲ့စဥ်)
(မတ်လ ၃၁ ရက်က ကြွယ်ပုံရွာကပျူနှင့်စစ်သားများအား စစ်ကိုင်းမြို့မှစျေးဝယ်ပြန်လာစဥ် ဒရုန်းဖြင့်ဗုံးချ တိုက်ခိုက်ခဲ့စဥ်)

စစ်ကိုင်းတိုင်း၊ စစ်ကိုင်းမြို့နယ်ရှိ ပျူစောထီးကြီးစိုးရာ ကြွယ်ပုံကျေးရွာတွင် ပျူများက အရက်သောက် ရေကစားနေစဉ် ဒရုန်းဖြင့် ဗုံးချတိုက်ခိုက်ခံရကြောင်း ဒေသတွင်းသတင်းရင်းမြစ်များက ပြောသည်။

ယမန်နေ့ (ဧပြီ ၁၃ ရက်)သင်္ကြန်အကြိုနေ့ ညေန ၅ နာရီခန့်က ပျူစောထီးများ မူးယစ်သောက်စား ရေကစားနေစဉ် ဒရုန်းဖြင့် ဗုံးချတိုက်ခိုက်ခြင်းဖြစ်ပြီး ပျူအုပ်အတွင်း တည့်တည့်ကျသွားကြောင်း၊ တိုက်ခိုက်မှုကြောင့် ခုနစ်ဦးသေဆုံးပြီး ၃၀ ကျော် ဒဏ်ရာရရှိသွားကြောင်း စစ်ကိုင်းမြို့နယ် သတင်းမှန်ပြန်ကြားရေးအဖွဲ့က ပြောသည်။

“ရွာမှာရှိတဲ့ စာသင်ကျောင်းရဲ့ တောင်ဘက်က ဘောလုံးကွင်းထဲမှာ ရေကစားမဏ္ဍပ်လုပ်ပြီး ပျူစောထီးတွေ မူးယစ်သောက်စား ရေကစားနေကြတာကို ဒရုန်းနဲ့ ဗုံးချသွားတာ။ ဒဏ်ရာရရှိသွားတဲ့ ပျူတွေကို ဆေးရုံပို့ဖို့အတွက်လည်း လမ်းပန်းအခြေအနေအရ အခက်တွေ့နေတယ်။”ဟု စစ်ကိုင်းမြို့နယ် သတင်းမှန်ပြန်ကြားရေးအဖွဲ့က ပြောသည်။

အဆိုပါဖြစ်စဥ်ကို မည်သည့်အဖွဲ့က ဆောင်ရွက်ခဲ့ကြောင်း ထုတ်ပြန်ထားခြင်းမရှိသေးပေ။ ထိခိုက်သေဆုံးမှုများအား သီးခြားအတည်ပြု၍ မရသေးပေ။

Public Service Announcement

Public Service Announcement

“သူတို့ခံရတော့ မနေ့ညက ရွာနီးချုပ်စပ်ရွာတွေကိုလက်နက်ကြီးတွေနဲ့ရမ်းထုတော့တာပဲ။ အကုန် ပြေးနေရတာ။”ဟု ဒေသခံတစ်ဦးက ပြောသည်။

မတ်လ ၃၁ ရက်ကလည်း ကြွယ်ပုံရွာမှ ပျူနှင့်စစ်ကောင်စီတပ်သားများသ​ည် စစ်ကိုင်းမြို့ပေါ်မှစျေးဝယ်ပြန်လာသည့် ဒရုန်းဖြင့်ဗုံးချတိုက်ခိုက်ခံခဲ့ရသေးသည်။

စစ်ကိုင်းမြို့ ကမ်းနားလမ်းတွင်လည်း စစ်ကောင်စီက သင်္ကြန်ရေကစားမဏ္ဍပ်ပြုလုပ်ကာ ဟန်ပြသင်္ကြန် ဖော်ဆောင်နေပြီး ပြည်သူများလာရောက်ခြင်းမရှိကြောင်း ဒေသခံများက ပြောသည်။

ဆက်စပ်သတင်းများ

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

သတင်း

စဉ့်ကူးမြို့သည် ဧရာဝတီမြစ်ဘေးရှိ မြို့ဖြစ်ပြီး စစ်ကောင်စီသည် ထုံးကြီးရွာအပါအဝင်မြစ် အရှေ့ပိုင်းကျေးရွာအချို့၌ တပ်စွဲထားသည်။

သတင်း

မုံရွာ - မန္တလေးလမ်းပိုင်း ခရီးသွားယာဥ်များအနေဖြင့် စစ်ကောင်စီယာဥ်များနှင့် အနီးကပ်လိုက်ပါမောင်းနှင်ခြင်းများ လုံးဝမပြုလုပ်ရန် ဒေသတွင်းတော်လှန်ရေးအင်အားစုများက သတိပေးထားသည်။