Connect with us

Hi, what are you looking for?

LuduNwayOo

သတင်း

ဖားကန့်မြို့နယ် ဆယ်ဇင်းဒေသ၌ KIA/PDF နှင့် ရှမ်းနီSNA တိုက်ပွဲဖြစ်၊ SNA အထိနာဟု ဒေသခံပြော

အဆိုပါ ဒေသ၌ ယခင်ကလည်း တိုက်ပွဲများ ဖြစ်ပွားခဲ့ရာ SNA တပ်စခန်းအချို့ကို KIA/PDFက တိုက်ခိုက်သိမ်းပိုက်ခဲ့သည်ဟု ဆိုသည်။

(စစ်ကောင်စီတပ်အား ခုခံတိုက်ခိုက်နေသည့် KPDF မှ ရဲဘော်များအား တွေ့ရစဉ်။ ဓာတ်ပုံ - CJ)
(စစ်ကောင်စီတပ်အား ခုခံတိုက်ခိုက်နေသည့် KPDF မှ ရဲဘော်များအား တွေ့ရစဉ်။ ဓာတ်ပုံ - CJ)

ကချင်ပြည်နယ် ဖားကန့်မြို့နယ် ဆယ်ဇင်းဒေသ ၌ ယမန်နေ့က ကချင်လွတ်လပ်ရေးတပ်မတော် (KIA)၊ ပြည်သူ့ကာကွယ်ရေးတပ်(PDF) ပူးပေါင်းအဖွဲ့နှင့် စစ်ကောင်စီလက်အောက်ခံ ရှမ်းနီတပ်ဖွဲ့ (SNA)တို့ တိုက်ပွဲဖြစ်ပွားခဲ့ကြောင်း ဆယ်ဇင်းဒေသခံက ပြောသည်။

ဧပြီ ၁၇ရက် နံနက် ၄နာရီခန့်တွင် ဆယ်ဇင်းဒေသ နံ့ကသာနှင့် ပန်ချယ်ကျေးရွာအကြား၌ တိုက်ပွဲဖြစ်ခဲ့သည်ဟု ဆိုသည်။

“မနေ့က ၁၇ရက်နေ့ ၄နာရီလောက်မှာ SNAနဲ့ KIA/PDFနဲ့ တိုက်ပွဲဖြစ်တယ်။ နံနက် ၁၀နာရီလောက် မှာ ပြီးသွားတယ်။ KIAနဲ့ PDF ဘက်က အထိအခိုက်မရှိပါဘူး။ SNA ဘက်ကတော့ ၄၀ကျော်လောက်ကျတယ်ကြားတယ်”ဟု ဒေသခံက ပြောသည်။ SNA တပ်ဖွဲ့ဝင်များ ထိခိုက်သေဆုံးအခြေအနေကို သီးခြားအတည်မပြုနိုင်သေးပေ။

Public Service Announcement
Public Service Announcement

အဆိုပါ ဒေသ၌ ယခင်ကလည်း တိုက်ပွဲများ ဖြစ်ပွားခဲ့ရာ SNA တပ်စခန်းအချို့ကို KIA/PDFက တိုက်ခိုက်သိမ်းပိုက်ခဲ့သည်ဟု ဆိုသည်။

Public Service Announcement

Public Service Announcement

“ဘာကြောင့်တိုက်ပွဲဖြစ်တာလဲဆိုတော့ သူတို့က အင်အားတိုးပြီး အရှေ့ကို တိုးခဲ့လို့ပေါ့။ ရှေ့တိုးတယ်ဆိုတာဒီဘက်က KIAနဲ့ PDFနယ်မြေကို ပြန်သိမ်းချင်တဲ့သဘောပေါ့။ သူတို့ လက်လွှတ် ထားရတဲ့နေရာကို ပြန်သိမ်းချင်လို့ တိုက်ပွဲက ဖြစ်ရတာပါ။ ပြောမယ်ဆို သူတို့ SNAကလည်း စစ်ကောင်စီနဲ့ အတူတူပဲလေ။ အတူတူပဲဖြစ်တဲ့အတွက်ကြောင့် တစ်နိုင်ငံလုံး အာဏာရှင်ကို တော်လှန်နေတဲ့အခါသူတို့ကိုပါ တော်လှန်ရမှာ။သူတို့လည်း စစ်ကောင်စီနဲ့ အတူတူပဲ”ဟု ဆယ်ဇင်းဒေသခံက ပြောသည်။

သို့သော် ယနေ့ ဒေသအတွင်း၌ စစ်ရေးအခြေအနေ ငြိမ်နေဆဲဖြစ်ကြောင်း ဒေသခံက ပြောသည်။

ဆက်စပ်သတင်းများ

သတင်း

ပြည်သူ့ကာကွယ်ရေးတပ်မတော်(မန္တလေး)သည် ဇွန်လ ၂၆ ရက်မှစပြီး ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရေး ဒုတိယလှိုင်းနှင့် ရှမ်းမန်းစစ်ဆင်ရေးများကို ဟန်ချက်ညီညီ ပါဝင်ဖော်ဆောင်နေသည်။

သတင်း

ကျောက်မဲမြို့တွင် ဇူလိုင် ၁၄ ရက်ညနေပိုင်းက စစ်ကောင်စီလက်နက်ကြီးပစ်ခတ်မှုတွင် အရပ်သားနှစ်ဦးထပ်မံဒဏ်ရရှိခဲ့ကြောင်း သတင်းရရှိသည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။