Connect with us

Hi, what are you looking for?

LuduNwayOo

သတင်း

BGF တပ်ဖွဲ့ဝင်များ KNUထံ ပြန်လာပူးပေါင်းရန် စခန်းသိမ်းတိုက်ပွဲတစ်ခုတွင် ကော်ဘရာတပ်မှူး ဗိုလ်ဒါဘော တိုက်တွန်း

BGF စခန်းတစ်ခုကို သိမ်းပိုက်စဉ် ဗိုလ်ဒါဘောက သိမ်းထားသည့် စခန်းအတွင်း ဝင်ရောက်ရင်း ကရင်ဘာသာဖြင့် ပြောဆိုခဲ့သည့် ရုပ်သံမှတ်တမ်းကို ကော်ဘရာစစ်ကြောင်း တပ်ခွဲ(၄)က ဗမာဘာသာပြန်၍ ဖော်ပြခဲ့ခြင်းဖြစ်သည်။

BGF တပ်ဖွဲ့ဝင်များ KNUထံ ပြန်လာပူးပေါင်းရန် စခန်းသိမ်းတိုက်ပွဲတစ်ခုတွင် ကော်ဘရာတပ်မှူး ဗိုလ်ဒါဘော တိုက်တွန်း
BGF တပ်ဖွဲ့ဝင်များ KNUထံ ပြန်လာပူးပေါင်းရန် စခန်းသိမ်းတိုက်ပွဲတစ်ခုတွင် ကော်ဘရာတပ်မှူး ဗိုလ်ဒါဘော တိုက်တွန်း

“မင်းတို့က BGF မှာ အလုပ်လုပ်နေလို့ ကြွယ်၀ ချမ်းသာလာမှာ မဟုတ်ဘူး။ မောင်ချစ်သူနဲ့ BGF တခြား ခေါင်းဆောင်တွေပဲချမ်းသာလာတာ။ မင်းအပါအဝင် မင်းမိသားစုက ကျွန်ပဲဖြစ်နေမှာ”

စစ်ကောင်စီလက်အောက်ခံ ကရင်နယ်ခြားစောင့်တပ်ဖွဲ့(BGF) အဖွဲ့ဝင်များ အနေဖြင့် ကရင်အမျိုးသားအစည်းအရုံး(KNU)ထံ ပြန်လည် လာရောက်ပူးပေါင်းပြီး စစ်ကောင်စီကို တိုက်ခိုက်ကြရန် KNU၏ ကော်ဘရာ စစ်ကြောင်း စစ်ဆင်ရေးမှူး ဗိုလ်ကြီးဒါဘောက BGF တပ်စခန်းတစ်ခုကို သိမ်းပိုက်စဉ် ပြောကြားခဲ့သည်။

BGF စခန်းတစ်ခုကို သိမ်းပိုက်စဉ် ဗိုလ်ဒါဘောက သိမ်းထားသည့် စခန်းအတွင်း ဝင်ရောက်ရင်း ကရင်ဘာသာဖြင့် ပြောဆိုခဲ့သည့် ရုပ်သံမှတ်တမ်းကို ကော်ဘရာစစ်ကြောင်း တပ်ခွဲ(၄)က ဗမာဘာသာပြန်၍ ဖော်ပြခဲ့ခြင်းဖြစ်သည်။

“BGFဆိုတာ ကရင်မဟုတ်တော့ဘူး။ မင်းတို့ပြောတော့ ငါတို့ကို မပစ်ဘူးဆိုပြီး မနီးမဝေးရောက်တော့ ငါတို့ကို အရင်လှမ်းပစ်တယ်။ တစ်ခါပစ်တာတော့ လက်ခံနိုင်သေးတယ်။ အခုဟာက ငါ့ကို လာပစ်တော့ ငါက ပြန်ပစ်ရပြီ။ မင်းတို့ပြောတော့ငါတို့ဆင်းလာရင် မပစ်ဘူး ထပ်ခါထပ်ခါ ပြောတယ်။ မနေ့ကကျတော့ ငါတို့နဲ့ မနီးမဝေးနေရာကနေ ထပ်ပစ်တယ်။ ငါတို့လည်း သည်းခံနိုင်တယ်ဆိုတာ အတိုင်းအတာရှိတယ်။ ဘုန်းကြီးတွေလို မဟုတ်ဘူး။မင်းတို့ BGF တွေက ကရင်လိုပြောပြီး ဗမာစစ်တပ်အနံ့ထွက်နေပြီ”ဟု ဗိုလ်ဒါဘောက BGF တပ်စခန်းကို ဝင်ရောက်သိမ်းပိုက်ရခြင်း အကြောင်းအရင်းကို ပြောပြသည်။

အခြားတောင်ကုန်းရှိ BGF တပ်စခန်းတစ်ခုကို ညွှန်ပြပြီး ယင်းတပ်စခန်းအနေဖြင့် ကော်ဘရာ စစ်ကြောင်းကို ပစ်ပါက စခန်းနေရာအထိ လာရောက်တိုက်ခိုက်မည်ဟုလည်း ဗိုလ်ဒါဘောက ပြောကြားခဲ့သည်။

Public Service Announcement

Public Service Announcement

Public Service Announcement
Public Service Announcement

“ငါ့ကိုတားစရာမလိုဘူး။ ငါက ကရင်လူမျိုးအတွက် အလုပ်လုပ်ပေးနေတာ။ သေရင်တောင် ငါက လိပ်ပြာလုံတယ်။ ဗမာစစ်တပ်ဆီက ပိုက်ဆံယူနေတာမဟုတ်ဘူး။ ငါက ငါ့လူမျိုးအတွက် အလုပ်လုပ်ပေးတာ။ သေသွားရင်တောင် အဓိပ္ပါယ်ရှိယ်။ မင်းတို့ BGF သေရင်တောင် ခွေးလောက် တောင်တန်ဖိုးရှိမှာ မဟုတ်ဘူး။ ဒီနေ့ကစပြီး မင်းတို့ ကိုယ့်ကိုယ်ကိုယ် ကရင်ဆိုတာ သတိရဖို့ ပြောချင်တယ်။ သူများကျွန်သွားလုပ်လို့ ဘာမှ တိုးတက်လာမှာ မဟုတ်ဘူး။ ငါတို့ တိုင်းပြည်နဲ့ လူမျိုးအတွက်လည်း ဘာအကူအညီမှ ရမှာ မဟုတ်ဘူး” ဟု ဗိုလ်ဒါဘောက ပြောသည်။

BGF ခေါင်းဆောင်စောချစ်သူအနေဖြင့်လည်း လာရောက်ပူးပေါင်းရန် တောင်းဆိုကာ ကော်သူးလေတိုင်းပြည်ကို အတူတူထူထောင်ကြရန် ဖိတ်ခေါ်ခဲ့သည်။ BGFတပ်ဖွဲ့ဝင်များ အနေဖြင့်လည်း စောချစ်သူထံ မနေကြဘဲ KNU ထံ ရဲဝံ့စွာ ပြန်လာကြရန် ဗိုလ်ဒါဘောက ပြောကြားခဲ့သည်။

“မင်းတို့က BGFမှာ အလုပ်လုပ်နေလို့ ကြွယ်၀ ချမ်းသာလာမှာ မဟုတ်ဘူး။ မောင်ချစ်သူနဲ့ BGF တခြား ခေါင်းဆောင်တွေပဲချမ်းသာလာတာ။ မင်းအပါအဝင် မင်းမိသားစုက ကျွန်ပဲဖြစ်နေမှာ။ ဒါကြောင့် မင်းတို့ကို ပြောချင်တာက ငါတို့နဲ့ ပြန်လာပူးပေါင်းပြီး ဗမာစစ်တပ်ကို ပြန်တိုက်ကြမယ်။ ငါတို့ ကရင်စစ်တပ်တွေက မင်းတို့ကို အမြဲကြိုဆိုနေတယ်။ အဲဒါကြောင့် ပြန်လာခဲ့ကြ” ဟု ဗိုလ်ဒါဘောက ပြောသည်။

BGF ဖြစ်ရသည်မှာ စိတ်နာစရာကောင်းကြောင်း၊ BGF စစ်သားသုံးယောက်၏ အလောင်းကိုလာယူခိုင်းစဉ် စစ်ကောင်စီတပ် မကြိုက်၍ လာမယူနိုင်ကြောင်း ၎င်းကဆိုသည်။

“မင်းတို့ သေတာတောင် မင်းတို့ ခေါင်းဆောင် တွေက ဘာမှ မလုပ်ပေးဘူး။ ဒီအတိုင်းထားခဲ့တော့ ငါတို့ပဲ လုပ်ပေးရတယ်။ မင်းတို့ ဘက်က ခေါင်းဆောင်တွေက မင်းတို့အတွက် ဘာမှ မစီစဉ်ပေးတာတော့ တော်တော်စိတ်နာဖို့ ကောင်းတယ်”ဟု ဗိုလ်ဒါဘောက ပြောသည်။

ဗိုလ်ဒါဘော ဦးဆောင်သည့် ကော်ဘရာ စစ်ကြောင်းသည် KNU တပ်မဟာ(၆)နယ်မြေ ဒူးပလာယာခရိုင်အတွင်း၌ စစ်ကောင်စီတပ်ကို အထိနာအောင် တိုက်ခိုက်နေသည့်ပူးပေါင်းစစ်ကြောင်းဖြစ်သည်။

ဆက်စပ်သတင်းများ

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။

သတင်း

ထီးမူးထကျေးရွာမှ ပြည်သူနေအိမ် ၁၂ လုံးနှင့် ပြည်သူပိုင်ကားတစ်ချို့ ၊အိမ်သုံးပစ္စည်းများ ပျက်စီးဆုံးရှုံးခဲ့ရသည်ဟု အသိပေးသည်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။

သတင်း

စစ်ကောင်စီကို အားပေး၊ထောက်ခံ၊ ကူညီသော မည်သည့်လုပ်ဆောင်မှုမျိုးကိုမဆို မပြုလုပ်ကြရန်လည်း အသိပေးကြောင်း ဖော်ပြထားသည်။