မင်းတပ် – ကျောက်ထုလမ်းတိုက်ပွဲ စစ်ကောင်စီတပ် သေဆုံးထိခိုက်မှုရှိ
မင်းတပ် – ကျောက်ထုလမ်းတိုက်ပွဲ စစ်ကောင်စီတပ် သေဆုံးထိခိုက်မှုရှိချင်းပြည်နယ် မင်းတပ်မြို့ပေါ်တွင် ယနေ့နံနက်ပိုင်းက ဒေသခံကာကွယ်ရေးတပ်နှင့် စစ်ကောင်စီတပ်တို့ ထိတွေ့ပစ်ခတ်မှုဖြစ်ပွားခဲ့ကြောင်း မင်းတပ်ဒေသခံ သတင်းရင်းမြစ်က အသိပေးထားသည်။
မင်းတပ်မြို့ပေါ် တစ်နေရာတွင် ယနေ့နံနက် ၇နာရီခန့်က ထိတွေ့မှုဖြစ်ခဲ့၍ ဂိတ်များ၊ မြို့အတွင်းနှင့် မြို့ပတ်ဝန်းကျင်တို့တွင် စစ်ဆေးမှုတင်းကြပ်နိုင်၍ ဂရုစိုက်သွားလာကြရန် ၎င်းက လူမှုကွန်ရက်တွင် ရေးသားဖော်ပြထားသည်။
မင်းတပ် ချင်းကာကွယ်ရေးတပ်(CDF) တာဝန်ရှိသူတစ်ဦးက မင်းတပ်မြို့ပေါ်တိုက်ပွဲဖြစ်ပွားမှုကို အတည်ပြုပြီး အသေးစိတ် သတင်းအချက်အလက်များမရသေးဟု ပြောသည်။
မင်းတပ် CDFအနေဖြင့် မြို့နယ်အတွင်းသာမက နယ်မြေချင်းစပ်ဆက်နေသည့် ဒေသများ၌လည်း စစ်ကောင်စီတပ်ကို အခြား တော်လှန်ရေးအင်အားစုများနှင့် ပူးပေါင်းတိုက်ခိုက်လျက်ရှိသည်။
Public Service Announcement
ဧပြီ ၂၃ရက်ကလည်း မင်းတပ် -ကျောက်ထုလမ်းတစ်နေရာတွင် စစ်ကောင်စီတပ်ကို မင်းတပ် CDF ၊ ကန်ပက်လက် CDFနှင့် ဆော-ကျောက်ထု ဒေသ PDF တို့ ပူးပေါင်းတိုက်ခိုက်ခဲ့ရာစစ်ကောင်စီတပ်သား ၇ဦးသေဆုံးခဲ့ကြောင်း ကန်ပလက် CDF က ထုတ်ပြန်ထားသည်။
အဆိုပါတိုက်ပွဲ၌ ကန်ပက်လက် CDFရဲဘော်တစ်ဦး ဒဏ်ရာရခဲ့သည်ဟု ဆိုသည်။
တိုက်ပွဲတွင် စစ်ကောင်စီတပ်ထံမှ ဗုံးသီးအချို့နှင့် လက်နက်ငယ် ကျည်ဘောက်အချို့သိမ်းဆည်းရရှိခဲ့သည်ဟု အသိပေးထားသည်။
