Connect with us

Hi, what are you looking for?

LuduNwayOo

သတင်း

ဖားကန့်တွင် အရပ်သားလူငယ် တစ်ဦးကို စစ်ကောင်စီ ပစ်သတ်

သေဆုံးသူမှာ အရပ်သားလူငယ်ဖြစ်ပြီး သေနတ်ဒဏ်ရာပြင်းပြင်းထန်ထန်ရထားသည်ကို လူမှုကွန်ရက်၌ ပျံ့နှံ့လာသော ဓာတ်ပုံများတွင် တွေ့ရသည်။ ယနေ့(မေလ ၁ရက်) နံနက် ၃နာရီခန့်တွင် စစ်ကောင်စီတပ်က ပစ်သတ်လိုက်ခြင်းဟု ဒေသခံများက ပြောသည်။

(ဖားကန့်မြို့တွင် တွေ့ရသော စစ်ကောင်စီလက်ပါးစေ ရဲများအားတွေ့ရစဥ်။ ဓာတ်ပုံ - CJ)
(ဖားကန့်မြို့တွင် တွေ့ရသော စစ်ကောင်စီလက်ပါးစေ ရဲများအားတွေ့ရစဥ်။ ဓာတ်ပုံ - CJ)

ကချင်ပြည်နယ် ဖားကန့်မြို့ မရှီကထောင်ရပ်ကွက် တံတားထိပ်တွင် အရက်သားလူငယ်တစ်ဦးကို စစ်ကောင်စီတပ်က သေနတ်ဖြင့် ပစ်သတ်သွားကြောင်းဒေသခံများက ပြောသည်။

“မရှီကထောင်တံတားထိပ်နားက အေဒင်လဖက်ရည်ဆိုင်ရှေ့မှာ သေနတ်ကိုအတွဲလိုက်ဆွဲပြီး ပစ်သတ်သွားတာ “ဟု ဒေသခံတစ်ဦးက ပြောသည်။

သေဆုံးသူမှာ အရပ်သားလူငယ်ဖြစ်ပြီး သေနတ်ဒဏ်ရာပြင်းပြင်းထန်ထန်ရထားသည်ကို လူမှုကွန်ရက်၌ ပျံ့နှံ့လာသော ဓာတ်ပုံများတွင် တွေ့ရသည်။ ယနေ့(မေလ ၁ရက်) နံနက် ၃နာရီခန့်တွင် စစ်ကောင်စီတပ်က ပစ်သတ်လိုက်ခြင်းဟု ဒေသခံများက ပြောသည်။

စစ်ကောင်စီတပ်သည် ဖားကန့်ဒေသခံအရပ်သားများအား ကချင်လွတ်လပ်ရေးတပ်မတော် (KIA)၊ PDFနှင့် ဆက်နွယ်သည်ဟုဆိုကာ ဆက်တိုက်ဖမ်းဆီးနေပြီး အလွယ်တကူ သတ်ဖြတ်နေကြောင်း ဒေသခံများက ပြောသည်။

Public Service Announcement

Public Service Announcement

Public Service Announcement
Public Service Announcement

မရှီကထောင်ရပ်ကွက်ရှိ HAPPY KTV တွင် ဧပြီ ၂၃ရက် နံနက်အစောပိုင်းက စစ်ကောင်စီ၏ တပ်မ(၃၃) လက်အောက်ခံတပ်ရင်းခလရ(၁၃)စစ်ကြောင်းမှူး ဒုဗိုလ်မှူးဇော်မောင် (DSA အပတ်စဥ် ၄၇)နှင့်အတူ ကျောက်စိမ်းလုပ်ငန်းရှင် အမျိုးသားနှစ်ဦးနှင့် အမျိုးသမီးနှစ်ဦးတို့ သေနတ်ဖြင့် ပစ်သတ်ခံလိုက်ရသည်။ ဧပြီ ၂၄ရက် နံနက်တွင်ယခင်ကတည်းကဖမ်းဆီးထား​သော PDFတစ်ဦးနှင့် အရပ်သားတစ်ဦးကို စစ်ကောင်စီက ပစ်သတ်လိုက်ပြီး Happy KTV ရှေ့ အများပြည်သူမြင်ကွင်းတွင် ရုပ်အလောင်း လာချထားခဲ့သည်ဟု ဒေသခံများက ပြောသည်။

ထို့အပြင် ပြီးခဲ့သည့် ဧပြီ ၂၁ရက်ကလည်း ဆန်ခါနှင့် မှော်ပုံကျေးရွာကို စစ်ကောင်စီတပ်က ဝင်ရောက်စီးနင်းပြီး လူငယ်အများစုပါဝင်သော ဒေသခံအရပ်သား ၂၀၀ကျော်ကို ဖမ်းဆီးခဲ့သည်။ ၅၀ခန့်ကိုသာ ပြန်လွှတ်ပေးပြီး ကျန်သူများ ယနေ့အထိ ဖမ်းဆီးခံထားရဆဲဟု သတင်းရရှိသည်။

ဆက်စပ်သတင်းများ

သတင်း

TNLA နှင့် မဟာမိတ် ကိုးကန့်တပ်ဖွဲ့(MNDAA) တို့သည် ဇူလိုင် ၁၄ရက်ည ၁၂နာရီမှ ဇူလိုင် ၁၈ရက် ည ၁၂နာရီအထိ ၄ရက်တာ တစ်ဖက်သတ်အပစ်ရပ်ထားခြင်းဖြစ်သည်။

သတင်း

တရုတ်နိုင်ငံ၏ စိုးရိမ်ချက်အရ ဇူလိုင် ၁၄ရက်ည ၁၂နာရီမှ ၁၈ရက် ည ၁၂နာရီအထိ အပစ်ရပ်ထားမည်ဟု ကိုးကန့်တပ် MNDAA က ယမန်နေ့က ထုတ်ပြန်သည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။