မန္တလေးတိုင်း၊ ပြင်ဦးလွင်မြို့ နယ် အနီးစခန်း ရဲစခန်းရှေ့မှာ ဒီနေ့မနက်ပိုင်းက မိုးသည်းပြီးလေပြင်းတိုက်ချိန် သစ်ပင်လဲကျလို့အမျိုးသားတစ်ဦး သေဆုံးခဲ့ရပါတယ်။
မနက် ၈ နာရီခန့်က မိုးသည်းပြီး လေပြင်းတိုက်ချိန်မှာ လမ်းသွားလမ်းလာ အမျိုးသားတစ်ဦးပေါ် သစ်ပင်ပိကျသွားတာလို့ တုသိတာလူမှုကူညီရေးအသင်းထံကသိရပါတယ်။
“သစ်ပင်ကြီးကဆွေးပြီးခြောက်နေတာကြာပြီ လက်ဖက်ရည်ဆိုင်ကနေ လမ်းလျှောက်ထွက်လာတဲ့ အမျိုးသားပေါ်ကျသွားတာ”လို့ တုသိတာလူမှုကူညီရေးအသင်းက တာဝန်ရှိသူတစ်ဦးကပြောပါတယ်။
အသက် ၅၀ အရွယ် အဲဒီအမျိုးသား ဟာ အခင်းဖြစ်တဲ့နေရာမှာပဲ ဦးခေါင်းထိခိုက်ပြီး သေဆုံးသွားတယ်လို့သိရပါတယ်။အလောင်းကိုတော့ ပြင်ဦးလွင်ဆေးရုံကို ပို့ဆောင်လိုက်ပြီဖြစ်ပါတယ်။
Public Service Announcement
ရခိုင်ပြည်နယ်ကို ဖြတ်ကျော်ဝင်ရောက်နေတဲ့ ဆိုင်ကလုန်းမုန်တိုင်းအရှိန်ကြောင့် ပြင်ဦးလွင်မြို့နယ်မှာ လေပြင်းတိုက်ပြီး မိုးကြီးနေတယ်လို့သိရပါတယ်။
