ကနီမြို့နယ်ရှိ ကျေးရွာနှစ်ရွာကို စစ်ကာင်စီက ယနေ့ (မေလ ၁၇ရက်) နေ့လယ် ၂နာရီ ၅၀မိနစ်တွင် လေကြောင်းမှ ဗုံးကြဲတိုက်ခိုက်နေပြီး ဒေသခံပြည်သူများ ထိခိုက်နိုင်ကြောင်း စစ်ဘေးရှောင်ပြည်သူများကပြောသည်။
“လေယာဉ်နဲ့ ဗုံးကြဲနေလို့ ပြေးနေကြရတယ်။ရွာမှာ လူတွေရှိတယ်။ လူတွေထိနိုင်တယ်” ဟု စစ်ဘေးရှောင်တစ်ဦးက People’s Spring သတင်းဌာနသို့ပြောသည်။
အဆိုပါရွာ ၂ ရွာအနီးတွင်လွန်ခဲ့သောရက်အနည်းငယ်ကတိုက်ပွဲဖြစ်ခဲ့၍ ဒေသခံများ ထွက်ပြေးတိမ်းရှောင်ခဲ့ကြသည်။ ယမန်နေ့(မေလ ၁၆ရက်)ကစစ်ကောင်စီစစ်ကြောင်း ပြန်ထွက်သွား၍ ဒေသခံများ ပြန်လည်ဝင်ရောက်လာစဥ် စစ်ကောင်စီတပ်ကမေ ၁၇ တွင်ဂျက်ဖိုက်တာနှစ်စီးဖြင့် ဗုံးလာကြဲခြင်းဟု ဒေသခံများကပြောသည်။
စစ်ကောင်စီက Yak130နှစ်စီးဖြင့် ဗုံးလာကြဲခြင်းဖြစ်ပြီး ပြည်သူအများအပြားထိခိုက်နိုင်ကြောင်း ဒေသခံပြည်သူ့ကာကွယ်ရေးတပ်ဖွဲ့ တစ်ဖွဲ့ မှ ပြန်ကြားရေးတာဝန်ခံကလည်းပြောသည်။
နောက်ဆက်တွဲသတင်းများကို People’s Spring က ဆက်လက်ဖော်ပြပါမည်။
