Connect with us

Hi, what are you looking for?

LuduNwayOo

သတင်း

ဒီးမော့ဆိုအရှေ့ခြမ်း၌ ၉ရက်ကြာတိုက်ပွဲများတွင် ရဲဘော်လေးဦးကျဆုံးဟု KNDF အသိပေး

ဘောလခဲ​မြို့မှ ဒီးမော့ဆိုအရှေ့ခြမ်းရှိ ဒေါညေးခူ၊ ဒေါတမကြီးကျေးရွာဘက်သို့ စစ်ကောင်စီက ခမရ(၅၁၆၊ ၅၁၅) ၊ ခလရ (၁၂၊၁၄၊ ၈၀)တို့ အသုံးပြုထားသည်။

(ဒီးမော့ဆိုအရှေ့ခြမ်းတိုက်ပွဲအတွင်း ကျဆုံးခဲ့ရသည့် ရဲဘော်များအား သဂြိုလ်နေစဉ်။ ဓာတ်ပုံ - KNDF)

စစ်ကောင်စီ၏ ဝေဟင်၊မြေပြင်ထိုးစစ် ခုခံနေရသည့် ဒီးမော့ဆိုအရှေ့ခြမ်း၌ ၉ရက်ကြာတိုက်ပွဲများတွင် ရဲဘော်လေးဦးကျဆုံးခဲ့ရကြောင်း ကရင်နီအမျိုးသားများကာကွယ်ရေးတပ်(KNDF)က ထုတ်ပြန်သည်။

မေလ ၁၄ ရက်ကစ၍ ဒီးမော့ဆိုမြို့နယ်အရှေ့ဘက်ခြမ်းရှိ တနီးလာလဲ နှင့် ဒေါလျားခူကျေးရွာများအတွင်း ဝင်ရောက်တပ်စွဲရန်ကြိုးပမ်းနေသည့် စစ်ကောင်စီတပ်​၏ ထိုးစစ်ကိုခုခံစဥ် တပ်ရင်း (၁၊ ၇ ၊ ၉)နှင့် (၁၀)မှ ရဲဘော်တစ်ဦးစီ ကျဆုံးခဲ့ရခြင်းဖြစ်သည်။

ထိုအနက် မေလ ၁၉ ရက်တိုက်ပွဲတွင် KNDF တပ်ရင်း (၁)မှ ရဲဘော်နေဝင်းနှင့် တပ်ရင်း (၇)မှ ရဲဘော် ရဲဘော်ဘဲနဒစ်(အောင်အောင်)တို့နှစ်ဦး ကျဆုံးခဲ့ရသည်။

အလားတူ မေလ ၁၅ ရက်တိုက်ပွဲတွင် KNDF တပ်ရင်း(၁၀)ရဲဘော် ခူးစိုးရယ် ကျဆုံးခဲ့ပြီး မေလ ၁၈ရက်တိုက်ပွဲတွင် KNDFတပ်ရင်း (၉) ဒု-တပ်စုမှူး မောင်ဖရန်စစ္စကို(ဂျားဂျာ) ကျဆုံးခဲ့သည်။

Public Service Announcement

Public Service Announcement

“အဓိကတော့ တနီလားလဲနဲ့ အနီးတစ်ဝိုက်ကို သူတို့ မရမက အသည်းအသန် လိုချင်နေတာ။အဲဒီအတွက် လေကြောင်းနဲ့ နေ့တိုင်း လာပစ်နေသလို မြေပြင်လက်နက်ကြီးကြောင့် ရဲဘော်အချို့ ဆုံးရှုံးခဲ့တယ်။ ကျွန်တော်တို့ဘက်ကတော့ အကောင်းဆုံးခုခံနေတယ်လို့ပဲ လတ်တလော ပြောပါရစေ”ဟု KNDF တာဝန်ရှိသူက လူထုနွေဦးသို့ ပြောသည်။

Public Service Announcement
Public Service Announcement

၉ ရက်ဆက်တိုက်ပွဲအတွင်း စစ်ကောင်စီဘက်က ထိခိုက်သေဆုံးမှုများရှိသော်လည်း မြေပြင် စစ်ရေးအရ အတည်မပြုနိုင်သေးဟု ဆိုသည်။

ကရင်နီပြည် ဒီးမော့ဆိုမြို့နယ်အရှေ့ဘက်ခြမ်းသို့ စစ်ကောင်စီက မတ်လ ၉ ရက်ကစ၍ စစ်ကြောင်းသုံးခုဖြင့် ဝင်ရောက်ခဲ့သည်။

ထိုအနက် လွိုင်ကော်ဘက်မှ ဒီးမော့ဆိုအရှေ့ခြမ်းသို့ စစ်ကြောင်းထိုးလာသည့် စစ်ကောင်စီတပ် ခလရ (၂၈၇)နှင့် ခမရ (၅၁၃၊ ၅၁၇) တပ်ရင်းသည် တနီးလားလဲကျေးရွာ၊ ကန်ခုနစ်ဆင့် နှင့် ဒေါတငူးကျေးရွာတောင်ကြောပေါ်တွင် နေရာယူထားသည်။

ဘောလခဲ​မြို့မှ ဒီးမော့ဆိုအရှေ့ခြမ်းရှိ ဒေါညေးခူ၊ ဒေါတမကြီးကျေးရွာဘက်သို့ စစ်ကောင်စီက ခမရ(၅၁၆၊ ၅၁၅) ၊ ခလရ (၁၂၊၁၄၊ ၈၀)တို့ အသုံးပြုထားသည်။

ဆက်စပ်သတင်းများ

သတင်း

ရှမ်းပြည်နယ်မြောက်ပိုင်းကျောက်မဲမြို့တွင် နှစ်ရက်ဆက်တိုက်ပွဲပြင်းထန်နေကြောင်း သတင်းရရှိသည်။

သတင်း

ထီးချိုင့် နှင့် သပိတ်ကျင်းမြို့ကြား တကောင်းမြို့၊ အင်းနက်ကျေရွာရှိ စစ်‌ကောင်စီတပ်၏ ဆက်သွယ်ရေး တာဝါတိုင်ကုန်း စခန်းကို ကချင်လွတ်လပ်ရေးတပ်မတော်(KIA) နှင့် PDF ပူးပေါင်းတပ်ဖွဲ့က တိုက်ခိုက်သိမ်းယူလိုက်ကြောင်း မြေပြင်စစ်ရေးသတင်းရင်းမြစ်ကပြောသည်။

သတင်း

ကိုးကန့်တပ်မတော်(MNDAA)က အောက်ခြေတပ်ဖွဲ့များအား ထိုးစစ်ဆင်ခြင်းမပြုဘဲ ခုခံမှုသာ ပြုလုပ်ရန် ယခုလကုန်ပိုင်းအထိ အပစ်ရပ်စဲရေးညွှန်ကြားမှု ပြုလုပ်ထားသော်လည်း ယနေ့(ဇူလိုင် ၂၁)နံနက်တွင် လားရှိုးမြို့၌ တိုက်ပွဲများ ပြင်းထန်နေသည်ဟု ဒေသခံများက အသိပေးထားသည်။

သတင်း

စစ်ကိုင်းတိုင်း၊ ဒီပဲယင်းနှင့် ရေဦးမြို့ပေါ်ရှိ စစ်ကောင်စီတပ်စွဲရာ နေရာများ တိုက်ခိုက်ခံရကြောင်း သတင်းရရှိသည်။