ကရင်အမျိုးသားအစည်းအရုံး(KNU) ညောင်လေးပင်ခရိုင် မူးမြို့နယ် နောင်ကုန်းကျေးရွာကို စစ်ကောင်စီတပ်က ဒရုန်းဖြင့်တိုက်ခိုက်ခဲ့၍ စာသင်ကျောင်းနှင့် လူနေအိမ်အချို့ ထိခိုက်ပျက်စီးခဲ့ရကြောင်း KNUက သတင်းထုတ်ပြန်သည်။
မေလ ၂၁ရက် နေ့လည်ပိုင်းတွင် စစ်ကောင်စီတပ်က နောင်ကုန်းကျေးရွာအတွင်းသို့ ဒရုန်းဖြင့် နှစ်ကြိမ်တိုက်ခိုက်ခဲ့သည်ဟု ဆိုသည်။
ထိုသို့ တိုက်ခိုက်မှုကြောင့် နေအိမ် နှစ်လုံး၊ ထင်းတဲ တစ်တဲနှင့် ရွာစာသင်ကျောင်း ပျက်စီးခဲ့ကြောင်း၊ နောင်ကုန်းရွာ၌ အိမ်ခြေ ၁၁၀ကျော်ရှိပြီး လူဦးရေ ၇၈၀ ကျော်ရှိရာ ရွာလုံးကျွတ် အသက်ဘေးလွတ်ရာသို့ ထွက်ပြေးတိမ်းရှောင်နေရဆဲဖြစ်ကြောင်း ဖော်ပြထားသည်။
KNU မူးမြို့နယ် ညောင်ပင်သာရွာမှ ဒေသခံ ၂၀ခန့်ကို စစ်ကောင်စီတပ်က မေလ ၁၀ ရက်တွင် မီးရှို့သတ်ဖြတ်ခဲ့သည့်နေ့မှစ၍ စစ်ကောင်စီတပ်၍ အကြမ်းဖက်ရန်ကြောင့် ထွက်ပြေးတိမ်းရှောင်ရသည့် ပြည်သူအများအပြားရှိခဲ့ကြောင်း KNU က ထုတ်ပြန်သည်။
Public Service Announcement
မူးမြို့နယ်အတွင်းရှိ ညောင်ပင်သာ၊ နောင်ချို၊ ဒိုက်ပုံ၊ မီးတိုင်တော၊ အောင်ချမ်းသာ၊ ကျောင်းစု၊ မြောင်းဦး၊ ရေအိုးစည်၊ ကော့ပြင်း၊ ကျောက်ကန်၊ နောင်ကုန်း၊ တောင်စု၊ စဝေ၊ ကျွန်းတော၊ ညောင်ပင်ဆိပ်၊ မြောင်းရိုးကြီး၊ ရွာဟောင်းနှင့် တပ်ကုန်းစသည့် ကျေးရွာပေါင်း ၁၈ ရွာမှ ပြည်သူ ၂၂,၀၀၀ နီးပါး စစ်ဘေးရှောင်နေကြရကြောင်း ဖော်ပြထားသည်။
အာဏာသိမ်းပြီးနောက်ပိုင်း စစ်ကောင်စီတပ်များသည် ကျေးရွာများအတွင်းသို့ လက်နက်ကြီး၊ လက်နက်ငယ်များဖြင့် ပစ်ခတ်ခြင်း၊ ဒရုန်းဖြင့် ပစ်ခတ် ခြင်း၊ လေယာဉ်ဖြင့် ဗုံးကြဲတိုက်ခိုက်ခြင်းနှင့် ကျေးရွာများအတွင်းသို့ စစ်ကြောင်းထိုး ဝင်ရောက်ပြီး ပြည်သူ လူထုများကို ဖမ်းဆီးသတ်များခြင်းများ ပြုလုပ်ခဲ့ရာ ဒေသခံ ပြည်သူများ နေရပ်စွန့်ခွာထွက်ပြေးတိမ်းရှောင်ခဲ့ကြရသည်။
