Connect with us

Hi, what are you looking for?

LuduNwayOo

သတင်း

အရာတော်တွင် LPDFစခန်းတစ်ခုစီးနင်းခံရ

စစ်ကောင်စီတပ်သည် ပြီးခဲ့သည့် မေလ ၂၄ ရက် နံနက်ပိုင်းက အရာတော်မြို့နယ် တောင်မွှာကျေးရွာရှိ နေအိမ် ၆၀ကျော် မီးရှို့ဖျက်ဆီးသွားပြီး သက်ကြီးရွယ်အို လေးဦးအပါအဝင် ပြည်သူ ခြောက်ဦးကို သတ်ဖြတ်သွားခဲ့သည်။

(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)
(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)

▪️အသက် (၅၀)အရွယ် တော်လှန်ရေး အမျိုးသမီးရဲဘော်တစ်ဦးကျဆုံး

စစ်ကိုင်းတိုင်း အရာတော်နယ်ရှိ Danger Force LPDF၏ တပ်စခန်းတစ်ခု ဝင်ရောက်စီးနင်းခံရပြီး ကျပ်သိန်း ၃၀၀ ဖိုးခန့်ဆုံးရှုံးကာ အသက် (၅၀)အရွယ် တော်လှန်ရေး အမျိုးသမီးရဲဘော်တစ်ဦး ကျဆုံးခဲ့ကြောင်း သတင်းရရှိသည်။

ပြီးခဲ့သည့် မေလ ၂၈ ရက် နံနက် ၉ နာရီခန့်က အရာ​တော်မြို့နယ်၊ ကျောက်ပျောက်၊ မြောက်ကုန်းကျေးရွာသို့ ရောက်ရှိနေသောအင်အား ၆၀ ခန့်ပါ စစ်ကောင်စီတပ် စစ်ကြောင်းသည် ကမ်းဖြူရွာနှင့် ဝါးရောင်းကျေးရွာဘက်သို့ စစ်ကြောင်းထိုးလာခဲ့သည်။

ထို့နောက် Danger Force LPDF တပ်စခန်းရှိရာသို့ လက်နက်ကြီး ၊ လက်နက်ငယ်များဖြင့် ပစ်ခတ်ဝင်ရောက်စီးနင်းခဲ့ရာ နှစ်ဖက်ထိတွေ့တိုက်ပွဲဖြစ်ပွားခဲ့ကြောင်း Danger Force LPDF၏ သတင်းနှင့် ပြန်ကြားရေးတာဝန်ခံက ပြောသည်။

(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)
(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)

လက်နက်အင်အားမမျှသည့်အတွက် တပ်စခန်းကို စွန့်ကာဆုတ်ခွာခဲ့ပြီး အသက် (၅၀)အရွယ် တော်လှန်ရေးရဲဘော် ဒေါ်သီတာမြင့်မှာ ကျဆုံးခဲ့ရကြောင်း Danger Force LPDF အဖွဲ့က အသိပေးသည်။

Public Service Announcement

Public Service Announcement

စစ်ကောင်စီတပ်သည် အမျိုးသမီးရဲဘော်အား တပ်စခန်းအတွင်းသို့ထည့်ကာ စခန်းနှင့်အတူ မီးရှို့ သွားကြောင်း Danger Force LPD အဖွဲ့က ပြောသည်။

“သေဆုံးသူက ထောက်ပို့တပ်သားဆိုလည်း မှန်ပါတယ်။တော်လှန်ရေးအဖွဲ့ တွေ မဟာမိတ်အဖွဲ့တွေ အားလုံးကို ချက်ပြုတ်ကျွေးမွေးတဲ့သူလည်းဖြစ်သလို ရဲမေရဲ့ မိခင်လည်းဖြစ်ပါတယ်။ ဆက်သွယ်ရေး ၊ စစ်ဆင်ရေးတွေမှာလည်း ပါဝင်လှုပ်ရှားခဲ့ပါတယ်။”ဟု Danger Force LPDF၏ သတင်းနှင့် ပြန်ကြားရေးတာဝန်ခံက ပြောသည်။

(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)
(စခန်းအား စီးနင်းမီးရှို့ခံရပြီးနောက် တွေ့ရစဥ်။ ဓာတ်ပုံ- Danger Force LPDF)

ထိုသို့ မီးရှို့ဖျက်ဆီးမှုကြောင့် စခန်းအတွင်းရှိ ကျပ် ၁၈သိန်း ၊ မိုင်းအလုံး ၃၇ လုံး ၊ ၇.၆၂ အမျိုးအစားကျည် ၄၀၀ တောင့်၊၅.၅၆အမျိုးအစားကျည် ၁၅၀တောင့် ၊9mm အမျိုးအစားကျည် ၅၀ တောင့် ၊ 9ballအမျိူးအစားကျည် ၁၀၀ တောင့် နှင့်အတူ ဆိုင်ကယ်သုံးစီး ၊ ကားတစ်စီးနှင့် အခြားဆက်စပ်ပစ္စည်းများစွာ (ကာလတန်ဖိုး သိန်း ၃၀၀နီးပါး) ပျက်စီးဆုံးရှုံးခဲ့ရကြောင်း Danger Force LPDF အဖွဲ့က ထုတ်ပြန်သည်။

ကျဆုံးသွားသော တော်လှန်ရေးရဲ​ဘော် ဒေါ်သီတာမြင့်အား Danger Force LPDF ရဲဘော်များအားလုံးက အလေးနီပြုပြီးတော်လှန်ရေး လုပ်ငန်းများ မရပ်တန့်ဘဲဆက်လက်လုပ်ဆောင်သွားမည်ဖြစ်ကြောင်း Danger Force LPDF အဖွဲ့က ကတိပြုသည်။

စစ်ကောင်စီတပ်သည် ပြီးခဲ့သည့် မေလ ၂၄ ရက် နံနက်ပိုင်းက အရာတော်မြို့နယ် တောင်မွှာကျေးရွာရှိ နေအိမ် ၆၀ကျော် မီးရှို့ဖျက်ဆီးသွားပြီး သက်ကြီးရွယ်အို လေးဦးအပါအဝင် ပြည်သူ ခြောက်ဦးကို သတ်ဖြတ်သွားခဲ့သည်။

ဆက်စပ်သတင်းများ

သတင်း

ကျားဖြန့်ရုံသည် နေ့ရောညပါ ဖွင့်သောကြောင့် မနက်ပိုင်းလာရောက်မည့် ဝန်ထမ်းများ အဖမ်းမခံရစေရေးအတွက် မြို့ခံများက အချင်းချင်းသတိပေးနေသည်။

သတင်း

တိုက်ခိုက်မှုကြောင့် စစ်ဗိုလ် တစ်ဦးနှင့် တပ်သား လေးဦးသေဆုံးပြီး ပြင်းထန်ဒဏ်ရာရရှိသော တပ်သားအများအ​ပြားရှိသည်ဟု အတည်ပြုနိုင်ကြောင်း ၎င်းက ပြောသည်။

သတင်း

စခန်းများမှဆုတ်ခွာရန် လှုံ့ဆော်နေခြင်းသည် ရှေ့တန်းမှ စစ်ကောင်စီတပ်ဖွဲ့ဝင်များသည် ​တော်လှန်​​ရေးအဖွဲ့များထံ လက်နက်ချအလင်းဝင်သွားမည်ကို စိုးရိမ်ခြင်းကြောင့်ဟု စစ်ရေးလေ့လာသုံးသပ်သူချို့က ပြောသည်။

နိုင်ငံတကာ

ခြံဝင်းထဲမှာ အနှိပ်ခန်းတစ်ခု၊ ကာရာအိုကေခန်းတွေ၊ စားသောက်ဆိုင် တစ်ခုနဲ့ လိင်ဖျော်ဖြေရေး ပစ္စည်းတွေ စီစဉ်ထားရှိတာကိုလည်း ရဲတွေက ရှာတွေ့ခဲ့ပါတယ်။