▪︎တိုက်ပွဲများကြောင့်မြို့ပေါ်မှပြည်သူများ အမြန်ဆုံးစစ်ဘေးရှောင်ရန် မိုးဗြဲPDF တိုက်တွန်း
မိုးဗြဲမြို့တွင် ယနေ့(ဇွန် ၁၆) နံနက်ပိုင်းကစ၍ တိုက်ပွဲ ဖြစ်ပွားနေကြောင်း မိုးဗြဲ PDF တာဝန်ရှိသူက လူထုနွေဦးသို့ ပြောသည်။
မိုးဗြဲမြို့နယ်သို့ အင်အားအလုံးအရင်း ဖြည့်တင်းနေသော စစ်ကောင် စီတပ်ကို ကရင်နီပူးပေါင်းအဖွဲ့က တိုက်ခိုက်နေသည်မှာ ၂ ပါတ်ကျော်ရှိလာဖြစ်ဖြစ်သည်။
“မနက်ကတည်းကနေ အခုထိပဲ လို့ ပြောရမယ်။ထိတွေ့မှု ပြင်းထန်နေတယ်”ဟုမိုးဗြဲPDFတာဝန်ရှိသူကရှင်းပြသည်။
လက်ရှိ တိုက်ပွဲအခြေအနေကြောင့် မိုးဗြဲမြို့ရှိ သာယာကုန်း၊ပင်သာ၊သစ်ယာကုန်း၊ဈေးကုန်း၊ကွက်သစ်ရပ်ကွက်၊စည်ကား၊လယ်တီ နှင့် ညောင်ဝန်းရပ်ကွက်မှ ပြည်သူများအနေဖြင့် အမြန်ဆုံး စစ်ဘေးရှောင်ရှား ရန်လည်းမိုးဗြဲ PDFက တိုက်တွန်းထားသည်။
Public Service Announcement
“လွိုင်ကော်က စကစရဲ့ ခလရ (၅၄) တပ် ကနေ မနက် ကတည်းက လက်နက်ကြီးတွေနဲ့ ပစ်နေတာ။၁၀ ကြိမ် ကျော်ပြီ။နယ်ခံတွေတော့ ပြေးနေရတုန်းပဲ”ဟု ကရင်နီစစ်ရေးသတင်းရင်းမြစ်က ပြောသည်။
ဇွန် ၁၅ ရက်နေ့ကလည်း မိုးဗြဲ အခြေစိုက် ခလရ ၄၂၂ တပ်မှာ ဒရုန်းဖြင့်တိုက်ခိုက်ခံခဲ့ရသဖြင့် စစ်ကောင်စီတပ်သားနှစ်ဦးထက်မနည်းသေဆုံးကြောင်း၎င်းက ဆက်ပြောသည်။
ဇွန်လဆန်းပိုင်းကစ၍ မိုးဗြဲမြို့တွင်သို့စစ်ကောင်စီနှင့် PNO ပြည်သူ့စစ်ပူးပေါင်းကာ အင်အား ၄၀၀ ခန့်ဖြင့် စစ်ကြောင်းထိုးလာပြီး မိုးဗြဲမြို့နယ်ကိုထိန်းချုပ်နိုင်ရန် ထိုးစစ်ဆင်လာသောကြောင့် ဒေသခံပြည်သူ့ကာကွယ်ရေးတပ်များနှင့်တိုက်ပွဲမကြာခဏ ဖြစ်ပွားနေသည်။
အင်အား ၄၀၀ ခန့်ပါရှိသော စစ်ကောင်စီတပ် မှာ မိုးဗြဲ မြို့စည်ကား ၂ နှင့် ၃ ရပ်ကွက်တွင် ကနဦး တပ်စွဲထားသည်။
ထိပ်တိုက်ထိတွေ့မှုများတွင်စစ်ကောင်စီတပ်မှလက်နက်ကြီးများဖြင့်အဆမတန် ပစ်ခတ်နေသောကြောင့်ဒေသခံပြည်သူများသေဆုံးမှုများရှိနေသည်။
ဇွန်လအတွင်းမှာပင် မိုးဗြဲမြို့အနီးတဝိုက်၌ ထိုးစစ်ဆင်နေသည့် စစ်ကောင်စီက အပြစ်မဲ့ ရွာသား ၂၆ ဦးကိုရက်ရက်စက်စက်အစုလိုက်အပြုံလိုက်သတ်ဖြတ်မှုကျူးလွန်ခဲ့ကြောင်းအမျိုးသားညီ ညွတ်ရေးအစိုးရ၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ကဇွန် ၁၄ ထုတ်ပြန်ထားသည်။
