ချင်းပြည်နယ် မင်းတပ်မြို့အရှေ့ပြင် မြို့ဝင်ဂိတ်ကို ပစ်ခတ်တိုက်ခိုက်မှု နှစ်ကြိမ်ပြုလုပ်ခဲ့ရာ စစ်ကောင်စီတပ်မှ သေဆုံးထိခိုက်မှုရှိခဲ့သည်ဟု မင်းတပ် ချင်းကာကွယ်ရေးတပ်(CDF)က ဇွန်လ ၁၈ရက်တွင် ထုတ်ပြန်သည်။
ဇွန်လ ၁၁ရက်တိုက်ခိုက်မှုတွင် စစ်ကောင်စီတပ်သားတစ်ဦးသေဆုံးပြီး ဇွန်လ ၁၃ရက်တွင် ထပ်မံတိုက်ခိုက်ခဲ့ရာ စစ်ကောင်စီတပ်ဖွဲ့ဝင် နှစ်ဦး ဒဏ်ရာရရှိခဲ့ကြောင်း ဖော်ပြထားသည်။
တိုက်ပွဲအသေးစိတ်အခြေအနေကို မင်းတပ် CDF က ထုတ်ပြန်ထားခြင်းမရှိပေ။ မင်းတပ် CDF သတင်းပြန်ကြားရေး တာဝန်ရှိသူထံသို့ မေးမြန်းရန် ဆက်သွယ်ခဲ့သော်လည်း အဆက်အသွယ်မရပေ။
စစ်ကောင်စီတပ်သည် ယမန်နေ့ ဇွန်လ ၁၈ရက်တွင်မြို့ပေါ်၌ ရမ်းသမ်းပစ်ခတ်မှုများ လုပ်ဆောင်ခဲ့ကြောင်း ဒေသခံသတင်းရင်းမြစ်က လူမှုကွန်ရက် ၌ရေးသား အသိပေးထားသည်။
Public Service Announcement
ထို့ပြင် ယမန်နေ့ညပိုင်း၌ မင်းတပ်မြို့နှင့် ကျေးရွာများပေါ်သို့ လေယာဉ် နှစ်စင်းပျံသန်းမှုရှိကြောင်း၊မြို့ပေါ်မှ စစ်ကောင်စီတပ်များက ရမ်းသမ်းပစ်ခတ်မှု ဆက်လုပ်ခဲ့ကြောင်း ၎င်းက ရေးသားထားသည်။
