ဒီနေ့မနက်ပိုင်း ရှမ်းပြည်နယ်မြောက်ပိုင်း၊ လားရှိုးမြို့မဈေးမှာရှိတဲ့ ဇွဲထက် ရွှေဆိုင်ရှေ့ ဗုံးပေါက်ကွဲမှုမှာ ၁၂ ဦး ဒဏ်ရာရပြီး ၂ ဦး စိုးရိမ်ရတယ်လို့ ကူညီကယ်ဆယ်ရေးအသင်းတွေထံက စုံစမ်းသိရပါတယ်။
ပေါက်ကွဲမှုကြောင့် ဒဏ်ရာရသူတွေထဲမှာ ရွှေဆိုင်ဧည့်ကြိုဝန်ထမ်းတွေနဲ့ ဆိုင်ကယ်ရပ်နားရာနေရာ အစောင့်ဝန်ထမ်း တွေပါတယ်လို့သိရပါတယ်။
မနက် ၈ နာရီဝန်းကျင်က ရွှေဆိုင်ရှေ့မှာ ရပ်ထားတဲ့ ဆိုင်ကယ် ကနေ ပေါက်ကွဲမှု ဖြစ်တာလို့ ကူညီကယ်ဆယ်ရေးလုပ်ဆောင်သူတစ်ဦး တစ်ဦးက ပြောပြပါတယ်။
” အသံကတော့ တစ်ချက်တည်းပဲ ၊ ကွဲတဲ့အရှိန်ကတော်တော်ပြင်းတယ်”လို့ ဈေးအနီးနေထိုင်သူတစ်ဦးကလည်းပြောပါတယ်။
Public Service Announcement
ထိခိုက်ဒဏ်ရာရသူတွေဟာ အမျိုးသား ၆ဦးနဲ့ အမျိုးသမီး ၆ဦးဖြစ်ပြီး လားရှိုးဆေးရုံဆီပို့ထားပါတယ်။
ဒဏ်ရာရသူတွေထဲက အမျိုးသား ၂ ဦး စိုးရိမ်ရတယ်လို့လည်းသိရပါတယ်။
