Connect with us

Hi, what are you looking for?

LuduNwayOo

သတင်း

ဖားကန့်မြို့ စစ်တပ် သိုဏ်းတောင်စခန်း KIA ပူးပေါင်းတပ် တိုက်ခိုက်

နံနက်အစောပိုင်းတွင်KIA၊PDF ပူးပေါင်းတပ်ဖွဲ့က စီးနင်းတိုက်ခိုက်စဉ် စစ်ကောင်စီဘက်က အထိနာကြောင်း သိရသော်လည်း အသေးစိတ်သတင်းမရသေးကြောင်း ပြည်သူ့ကာကွယ်ရေးတပ်ဖွဲ့ ထောက်ပို့ရဲဘော်က ပြောသည်။

(ရှေ့တန်းတစ်နေရာ၌ တွေ့ရသော ကချင်လွတ်လပ်ရေးတပ်မတော်(KIA)မှ တပ်သားများ။ ဓာတ်ပုံ - People’s Spring)
(ရှေ့တန်းတစ်နေရာ၌ တွေ့ရသော ကချင်လွတ်လပ်ရေးတပ်မတော်(KIA)မှ တပ်သားများ။ ဓာတ်ပုံ - People’s Spring)

ကချင်ပြည်နယ် ဖားကန့်မြို့နယ်၊ နမ့်မှော်ကျေးရွာအခြေစိုက် ကသိုဏ်းတောင်စစ်ကောင်စီစခန်းကို ကချင်လွတ်လပ်ရေးတပ်မတော်(KIA)၊PDF ပူးပေါင်းတပ်ဖွဲ့က ယနေ့ နံနက်အစောပိုင်းတွင် စီးနင်းတိုက်ခိုက်ခဲ့ကြောင်း သတင်းရရှိသည်။

မနက် ၅နာရီ ၁၅ မိနစ်မှာ စတိုက်တာ။ တပ်မ (၃၃)ကနေ လက်နက်ကြီးတွေနဲ့ ပစ်ကူပေးနေတယ်။ ဒီကောင်တွေ ဒါပဲ လုပ်တတ်တာ” ဟု ဖားကန့်မြို့နယ် ပြည်သူ့ကာကွယ်ရေးတပ်ဖွဲ့ ထောက်ပို့ရဲဘော်တစ်ဦးက ပြောသည်။

ကသိုဏ်းတောင်စစ်ကောင်စီစခန်းသည် စစ်ကောင်စီအင်အား ၇၀ခန့်တပ်စွဲထားသည့် အခိုင်အမာစခန်းဟု သိရသည်။

နံနက်အစောပိုင်းတွင်KIA၊PDF ပူးပေါင်းတပ်ဖွဲ့က စီးနင်းတိုက်ခိုက်စဉ် စစ်ကောင်စီဘက်က အထိနာကြောင်း သိရသော်လည်း အသေးစိတ်သတင်းမရသေးကြောင်း ပြည်သူ့ကာကွယ်ရေးတပ်ဖွဲ့ ထောက်ပို့ရဲဘော်က ပြောသည်။

ယနေ့ နံနက် ၇ နာရီအထိ စစ်ကောင်စီက ဖားကန့်မြို့စစ်တပ်ကုန်းမှ လက်နက်ကြီးအချက်ပေါင်းများစွာ ပစ်ကူပေးနေကြောင်း ဒေသခံများက ပြောသည်။

Public Service Announcement

Public Service Announcement

” လက်နက်ကြီးသံတွေ ဆက်တိုက်ပဲ။ ခွေးကုန်း(စစ်တပ်ဝင်း)ထဲလည်း ပြန်ကျသံတွေ ကြားရတယ်”ဟု ဒေသခံတစ်ဦးက ပြောသည်။

ယနေ့ နံနက်တိုက်ပွဲနှင့် ပစ်ခတ်သံများကို ဖားကန့်တစ်နယ်လုံးမှ ကြားခဲ့ရသည်ဟု ဒေသခံများကပြောသည်။ ကသိုဏ်းတောင်စစ်ကောင်စီစခန်းကို KIA၊PDF ပူးပေါင်းတပ်ဖွဲ့က သိမ်းပိုက်လိုက်ကြောင်းလည်း သတင်းများထွက်ပေါ်နေသည်။

သို့သော် အသေးစိတ်ကို အတည်ပြု၍ မရသေးပေ။ နံနက် ၈နာရီခန့်မှစတင်ကာ ပစ်ခတ်သံများ ငြိမ်သက်နေကြောင်းပြန်လည် ဒေသခံများက ပြောသည်။