ရွှေကူရဲစခန်းကို ယနေ့နံနက်က တိုက်ခိုက်ရာ ရဲတစ်ဦးသေ၊ အများအပြားဒဏ်ရာရဟု ထုတ်ပြန်
ကချင်ပြည်နယ်သို့ ဦးတည်လာသည့် စစ်ကောင်စီ၏လက်နက်ရိက္ခာတင်လာသည့် သင်္ဘော(၉)စီးယဉ်တန်းအား ရွှေကူနှင့် ဗန်းမော်မြို့နယ်ကြား၌ (၁၀၇) မမ ရှော့တိုက်ဒုံးများ အသုံးပြု တိုက်ခိုက်ခဲ့ကြောင်း မြို့လှ ကချင်ဒေသ-ပြည်သူ့ကာကွယ်ရေးတပ်(KPDF)က သတင်းထုတ်ပြန်သည်။
ဩဂုတ် ၁၆ရက်နံနက်တွင် ရွှေကူမြို့ သင်္ဘောဆိပ်မှ ဗန်မော်မြို့သို့ ဆန်တက်လာစဉ် မြို့လှK-PDFတပ်ရင်း တပ်ခွဲ (၂) ဗိုလ်တခွန်အဖွဲ့က တိုက်ခိုက်ခဲ့ရာ ရိက္ခာသင်္ဘော(၁)စီးမှာ ထိမှန်ခဲ့ပြီး နောက်တစ်စီးမှာ ရှော့ဒုံး နှစ်လုံးထိမှန်သွားကြောင်း ဖော်ပြထားသည်။
ထိုသို့ ပစ်ခတ်မှုကြောင့် သင်္ဘောနှစ်စီး အချိန်အတော်ကြာရပ်နားခဲ့ရပြီးနောက် နှစ်စီးတွဲ၍ ဆန်တက်သွားရာ စင်းခန်းရွာသို့ ညနေပိုင်းတွင် ရောက်ရှိ ကမ်းကပ်သွားကြောင်း ထုတ်ပြန်သည်။
“ပြင်ဆင်မှုများ အရေးပေါ်ပြုလုပ်နေတယ်ဟုသိရပြီး ဒီညတော့ စင်းခန်းမှာ ညအိပ်မည်ဟုသိရပါတယ်။ သင်္ဘောနှင့်ပတ်သက်ပြီး ထိရောက်မှု့အခြေနေများကိုတော့ စုံးစမ်းနေပါတယ်” ဟု မြို့လှ KPDFက ထုတ်ပြန်သည်။
Public Service Announcement
မြို့လှ K-PDF တပ်ရင်းတပ်ခွဲ(၁) ဗိုလ်မိုးကြိုး၏ မိုးကြိုးဝေဟင်အဖွဲ့ကလည်း ယနေ့နံနက်တွင် ရွှေကူမြို့ ရဲစခန်းထဲသို့ ဗုံးသီးလေးလုံးဖြင့် နှစ်ကြိမ်တိုင်ခိုက်ခဲ့ရာ ရွှေကူမြို့ရဲစခန်းမှ အမှတ်(၄) နယ်ထိန်းတစ်ဦး သေဆုံးသွားသည်ဟု အသိပေးသည်။
ထို့ပြင် နယ်ထိန်းနှစ်ဦးနှင့်အတူ တပ်သားခြောက်ဦးစုစုပေါင်း ရှစ်ဦး ထိခိုက်သွားကြောင်း ဖော်ပြသည်။
မြို့လှတပ်ရင်းအနေဖြင့် နွေဦးတော်လှန်ရေးအတွင်း ပြည်သူအာဏာပြည်သူပြန်ရသည်အထိ စွမ်းစွမ်းတမံ ဆက်လက်ကြိုးစားတိုက်ပွဲဝင်သွားမည်ဟုလည်း ထုတ်ပြန်ခဲ့သည်။
