ပြည်သူတွေအနေနဲ့ ခွင့်ပြုချက်မရဘဲ နိုင်ငံခြားငွေ လက်ဝက်ကိုင်ဆောင်ထားရင် ထောင် ၃ နှစ်အထိ ချလို့ရတဲ့ နိုင်ငံခြားသုံးငွေ စီမံခန့်ခွဲမှု ဥပဒေနဲ့အရေးယူမယ်လို့ စစ်ကောင်စီက ခြိမ်းခြောက်လိုက်ပါတယ်။
ပြည်တွင်းမှာ ကျပ်ငွေ တန်ဖိုး တဟုန်ထိုးကျဆင်းနေချိန် ဒေါ်လာနဲ့ ဘတ်ငွေ တန်ဖိုး တက်လာချိန်မှာ စစ်ကောင်စီ ရဲ့ ဗဟိုဘဏ်က နိုင်ငံခြားငွေကိုင်ဆောင်မှုအပေါ် အရေးယူမယ့်ကြေညာချက်ထုတ်လိုက်တာပါ။
ပြည်တွင်းမှာနေထိုင်သူတွေအနေနဲ့ တရားဝင်နည်းလမ်းကနေ ရထားတဲ့ အမေရိကန် ဒေါ်လာ ၁ သောင်းအထိ ဒါမှမဟုတ် ဒေါ်လာ ၁သောင်းနဲ့ တန်ဖိုးညီနဲ့ နိုင်ငံခြားငွေ ကို ၆ လ ပဲ ကိုင်ဆောင်ခွင့်ပြုမယ်လို့ စစ်ကောင်စီက ဆိုပါတယ်။
၆ လကျော်ရင်အဲဒီနိုင်ငံခြားငွေကို ငွေလဲကောင်တာတွေမှာ သွားရောင်းရမယ်လို့ နိုင်ငံခြားသုံးငွေစီမံခန့်ခွဲမှု ဥပဒေကို ကိုးကားပြီး စစ်ကောင်စီက ဖိထားပေးထားတာပါ။
Public Service Announcement
ညွှန်ကြားချက်ကိုမလိုက်နာလို့ နိုင်ငံခြားငွေ လက်ထဲတွေ့ရင် နိုင်ငံခြားသုံးငွေစီမံခန့်ခွဲမှု ဥပဒေနဲ့အရေးယူမယ်လို့ စစ်ကောင်စီက ခြိမ်းခြောက်ပါတယ်။
အဲဒီဥပဒေ ရဲ့ ပြစ်မှုနဲ့ပြစ်ဒဏ်ပိုင်းအရ ထောင်ဒဏ် ၃ နှစ်ထိချလို့ရတာတွေ့ရပါတယ်။
