Connect with us

Hi, what are you looking for?

LuduNwayOo

သတင်း

မြန်မာဝမ်ပေါင်ကုမ္ပဏီဝင်း တပ်စွဲထားသော စစ်ကောင်စီ၏ ရဲတပ်သားတစ်ဦး သေနတ်နှစ်လက်နှင့် အလင်းဝင်လာ

ယနေ့(သြဂုတ် ၂၄ ရက်)နံနက်ပိုင်းက ဆားလင်းကြီးမြို့နယ်၊ မြန်မာဝမ်ပေါင်ကုမ္ပဏီဝင်းအတွင်း တပ်စွဲထားသော စစ်ကောင်စီတပ်မှ ရဲတပ်သားတစ်ဦးသည် ဆားလင်းကြီးအခြေစိုက်သမန်းကျားတပ်ဖွဲ့ထံပူးပေါင်း၍ အလင်းဝင်ရောက်လာခြင်းဖြစ်သ​ည်။

(အလင်းဝင်လာသော ရဲတပ်သားယူဆောင်လာသော လက်နက်နှင့်ကျည်များ။ ဓာတ်ပုံ-ဆားလင်းကြီးမြို့နယ်သတင်းမှန်ပြန်ကြားရေး)
(အလင်းဝင်လာသော ရဲတပ်သားယူဆောင်လာသော လက်နက်နှင့်ကျည်များ။ ဓာတ်ပုံ-ဆားလင်းကြီးမြို့နယ်သတင်းမှန်ပြန်ကြားရေး)

စစ်ကိုင်းတိုင်း၊ ဆားလင်းကြီးမြို့နယ်၊ မြန်မာဝမ်ပေါင်ကုမ္ပဏီဝင်းအတွင်း တပ်စွဲထားသော စစ်ကောင်စီ၏ ရဲတပ်သားတစ်ဦး သေနတ်နှစ်လက်နှင့် ကျည်များဖြင့် အလင်းဝင်ရောက်လာကြောင်း ဆားလင်းကြီးမြို့နယ် သတင်းမှန်ပြန်ကြားရေးအဖွဲ့က ပြောသည်။

ယနေ့(သြဂုတ် ၂၄ ရက်)နံနက်ပိုင်းက ဆားလင်းကြီးမြို့နယ်၊ မြန်မာဝမ်ပေါင်ကုမ္ပဏီဝင်းအတွင်း တပ်စွဲထားသော စစ်ကောင်စီတပ်မှ ရဲတပ်သားတစ်ဦးသည် ဆားလင်းကြီးအခြေစိုက်သမန်းကျားတပ်ဖွဲ့ထံပူးပေါင်း၍ အလင်းဝင်ရောက်လာခြင်းဖြစ်သ​ည်။

အဆိုပါရဲတပ်သားသည် အူစီ တစ်လက်၊G3 တစ်လက်၊ကျဥ်ဘောက် တစ်ခု၊7.62 ကျည် ၁၀တောင့်၊ (၉) မမကျည် ၉ တောင့်နှင့် စကားပြောစက်တစ်လုံးကိုပါ ယူဆောင်လာပြီး သမန်းကျားတပ်ဖွဲ့ထံသို့ အပ်နှံခဲ့ကြောင်း ဆားလင်းကြီးမြို့နယ်သတင်းမှန်ပြန်ကြားရေးအဖွဲ့က ပြောသည်။

၎င်းရဲတပ်သားသည် ပထမအကြိမ်ထွက်ပြေးရန်ကြိုးပမ်းခဲ့သော်လည်း မအောင်မြင်ခဲ့ဘဲ ယခု ဒုတိယအကြိမ်မှ အောင်မြင်ခဲ့ခြင်းဖြစ်ကြောင်း သိရသည်။

Public Service Announcement

Public Service Announcement

“သူက အာဏာသိမ်းကာလမှာ ရဲထဲကိုဝင်ရောက်တာ။ စဝင်ခါစက သူတို့ကိုစစ်တပ်စည်းရုံးတာ တစ်လကို လေးသိန်းပေးမယ်ဆိုပြီး။ လေးသိန်းမပေးဘဲနဲ့ စဝင်ဝင်ချင်း သင်တန်းခြောက်လမှာပဲ တစ်လတစ်သိန်းခွဲပေးတယ်။ ပြန်မေးတဲ့အခါမျိုးမှာ ကျန်တဲ့ဟာတွေက လမ်းစရိတ်တွေသုံးလိုက်ပြီ ပိုတဲ့ပိုက်ဆံကို ငါတို့သုံးတယ်။ကျေနပ်လားဆိုပြီး မေးခွန်းထုတ်တာတွေရှိတယ်ပြောတယ်။”ဟု ဆားလင်းကြီးမြို့နယ် သတင်းမှန်ပြန်ကြားရေးအဖွဲ့ဝင်တစ်ဦးက ပြောသည်။

အလင်းဝင်ရောက်လာသော ရဲတပ်သားအား လုံခြုံသည့်နေရာသို့ပို့ဆောင်ထားကြောင်း၊ ရန်ပုံငွေအခက်အခဲကြောင့် ရဲတပ်သားအား လက်တလော ဆုကြေးငွေ ချီးမြှင့်နိုင်ခြင်းမရှိသေး၍ ပြည်သူများ ထည့်ဝင်လှုဒါန်းပေးကြပါရန် သမန်းကျားတပ်ဖွဲ့နှင့် ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က မေတ္တာရပ်ခံထားသည်။

အဆိုပါ ရဲတပ်သားအား ဆုချီးမြှင့်ရာတွင် ပါဝင်လိုပါက ဆားလင်းကြီးမြို့နယ် သမန်းကျားတပ်ဖွဲ့နှင့် ဆားလင်းကြီးမြို့နယ် သတင်းမှန်ပြန်ကြားရေး Facebook စာမျက်နှာများသို့ ဆက်သွယ်နိုင်ကြောင်း အသိပေးထားသည်။

ဆက်စပ်သတင်းများ

သတင်း

ရန်ကုန်မြို့ရှိ ကျောက်တံတား၊ စမ်းချောင်း၊ ဒဂုံ၊ ကြည့်မြင်တိုင်၊ မရမ်းကုန်း စသည့် မြို့နယ်တို့တွင် စစ်ကောင်စီက သင်္ကြန်မဏ္ဍပ်များ တည်ဆောက်၍ ရေပက်ခံသူပြည်သူများဖြင့် စည်ကားနေကြောင်း ပြသရန် ကြိုးပမ်းလျက်ရှိသည်။

သတင်း

အဆိုပါတပ်ရင်းအတွင်းမှ ရွှေချောင်းအချို့လည်းရရှိခဲ့ကြောင်း ကနဦးသတင်းများထွက်ပေါ်ခဲ့သော်လည်း နောက်ဆက်တွဲစုံစမ်းမှုအရ အဆိုပါရွှေချောင်းများမှာအတုဖြစ်ကြောင်းသိရသည်။

သတင်း

ဖေဖော်ဝါရီ ၂၉ ရက်ကစတင်ခဲ့သည့် ဖားဆောင်းမြို့တိုက်ပွဲတွင် စစ်ကောင်စီအခြေစိုက်စခန်း ၉ ခုခန့်ကို ကရင်နီတပ်ပေါင်းစုက သိမ်းဆည်းထားနိုင်သည်။

သတင်း

လောလောဆယ်အခြေအနေတွင် မြဝတီမြို့၌ တိုက်ပွဲဖြစ်လာနိုင်ဖွယ်မရှိိကြောင်း လုံခြုံရေးသတင်းရင်းမြစ်က ပြောသည်။