'/%3E%3C/svg%3E){kind=small}
စစ်ကိုင်းတိုင်း၊ ထီးချိုင့်မြို့နယ် ပျဉ်းစုကျေးရွာအနီး၌ ယနေ့နံနက်အစောပိုင်းကစ၍ တိုက်ပွဲပြင်းထန်နေပြီ နေ့လယ် ၁၂ နာရီကျော်တွင် စစ်ကောင်စီက ဂျက်ဖိုက်တာဖြင့် ဗုံးနှစ်လုံးကြဲချတိုက်ခိုက်ခဲ့ကြောင်း ဒေသခံများက ပြောသည်။
“မနက်ကတည်းက တအုန်းအုန်းနဲ့ချနေတာ။ မြေပြင်အခြေအနေတော့ မသိရဘူး။ နေ့ခင်းကျ ဂျက်ဖိုက်တာနဲ့ ဗုံးနှစ်လုံးချသွားတယ်”ဟု ထီးချိုင့်မြို့ခံတစ်ဦးက ပြောသည်။
မြေပြင်မှစစ်ကောင်စီစစ်ကြောင်းကို ကချင်လွတ်မြောက်ရေးတပ်မတော်(KIA)၊ PDF ပူးပေါင်းတပ်က တိုက်ခိုက်ရာမှ တိုက်ပွဲအပြင်းအထန်ဖြစ်ပွားခဲ့ခြင်းဟု သိရသည်။
” ပွဲကတော့ ကြီးတယ်။ ကျွံလာလို့ ဆော်တာ”ဟု ပြည်သူ့ကာကွယ်ရေးတပ်မှ ရဲဘော်တစ်ဦးကပြောသည်။
Public Service Announcement
ထီးချိုင့်မြို့နယ်တွင် ပြီးခဲ့သည့် ဩဂုတ်လလယ်က နောက်ဆုံးတိုက်ပွဲဖြစ်ခဲ့ပြီး စစ်ကောင်စီတပ် အထိနာခဲ့သည်။ ယင်းကာလနောက်ပိုင်း စစ်ရေးအခြေအနေ ငြိမ်သက်နေရာမှ ယနေ့ တကျော့ပြန် ဖြစ်ပွားခြင်းဖြစ်သည်။
စစ်ကောင်စီစစ်ကြောင်းသည် ယနေ့ နေ့လယ်တွင် ထန်းကုန်းရွာ နှင့် ပျဉ်းစုကျေးရွာအနီး၌ ရှိနေကြောင်း သိရသည်။
