Connect with us

Hi, what are you looking for?

သတင်း

စစ်ကိုင်းတိုင်း မြို့နယ်လေးခု၌ စစ်ကောင်စီစစ်ကြောင်းနှင့် တပ်စွဲရာနေရာများအား ​PDFများ တိုက်ခိုက်

ဒီပဲယင်းနှင့် ပုလဲနယ်စစ်ဆင်ရေးများနှင့် ပတ်သက်၍ ဒေသတွင်းPDFအဖွဲ့များထံ ဆက်သွယ်မေးမြန်းထားပြီး လက်တလောပြန်လည်ဖြေကြားခြင်း မရှိသေးပေ။

ယင်းမာပင်နယ်အခြေစိုက် PDF ရဲဘော်များအား စစ်ဆင်ရေးတစ်ခုတွင် တွေ့ရစဥ်။ ဓာတ်ပုံ-File Photo
ယင်းမာပင်နယ်အခြေစိုက် PDF ရဲဘော်များအား စစ်ဆင်ရေးတစ်ခုတွင် တွေ့ရစဥ်။ ဓာတ်ပုံ-File Photo

စစ်ကိုင်းတိုင်းရှိ မြင်းမူ၊ ယင်းမာပင်၊ ပုလဲနှင့် ဒီပဲယင်းမြို့နယ်တို့ရှိ စစ်ကောင်စီတပ် စစ်ကြောင်းနှင့် စစ်ကောင်စီတပ်စွဲရာနေရာများအား ​ဒေသတွင်းတော်လှန်ရေးတပ်ဖွဲ့များက သွားရောက်တိုက်ခိုက်ခဲ့ကြောင်း သတင်းရရှိသည်။

နိုဝင်ဘာ ၅ရက် ညနေ ၄နာရီခန့်က မြင်းမူမြို့ အ.ထ.ကကျောင်းအတွင်း အရပ်ဝတ်ဖြင့် စစ်ကောင်စီတပ်သား ၃၀ခန့် တန်းစီနေစဥ် မိုင်းဖြင့် ပစ်ခတ်တိုက်ခိုက်ခဲ့ကြောင်း True Fighter အဖွဲ့၏ တာဝန်ရှိသူက ပြောသည်။

တိုက်ခိုက်မှုကြောင့် စစ်ကောင်စီတပ်သား နှစ်ဦးလဲကျသွားသည်ကို မျက်မြင်တွေ့ခဲ့ရသည်ဟု ဆိုသည်။

ယင်းမာပင်နယ်အခြေစိုက် PDF ရဲဘော်များအား စစ်ဆင်ရေးတစ်ခုတွင် တွေ့ရစဥ်။ ဓာတ်ပုံ-File Photo
ယင်းမာပင်နယ်အခြေစိုက် PDF ရဲဘော်များအား စစ်ဆင်ရေးတစ်ခုတွင် တွေ့ရစဥ်။ ဓာတ်ပုံ-File Photo

“မြို့ထဲတော့ အုတ်အော်သောင်းနင်းဖြစ်သွားပါတယ်။ သူတို့ကတော့ ဒရုန်းသုံးစီးလွှတ်ပြီး မြို့ပတ်မွှေတယ်။ သေနတ်နဲ့ လေးချက်လောက်ပြန်ပစ်တယ်”ဟု True Fighter အဖွဲ့၏ တာဝန်ရှိသူက ပြောသည်။

Public Service Announcement

Public Service Announcement

အဆိုပါ တိုက်ခိုက်မှုကို Zero ပြောက်ကျားတပ်ဖွဲ့ နှင့် True Fighter အဖွဲ့တို့ ပူးပေါင်းဆောင်ရွက်ခဲ့ခြင်းဖြစ်သည်။

ယမန်နေ့ နိုဝင်ဘာ ၆ရက် ညနေ ၄ နာရီခွဲခန့်ကလည်း ယင်းမာပင်မြို့နယ်၊ ရွှေတောင်းဦးကုန်း၌ တပ်စွဲထားသော စစ်ကောင်စီတပ်ကို (၆၀)မမ၊(၈၀)မမ လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း မဲမှောင်ပြောက်ကျားပြည်သူ့ကာကွယ်ရေးတပ်ဖွဲ့၏ တာဝန်ရှိသူက ပြောသည်။

“အလုံးရေ ၅၀လောက် ပစ်ခတ်ခဲ့တယ်။ ၄၅ မိနစ်လောက်ကြာတယ်။ တပ်စွဲထားတဲ့ သီတဂူကျောင်းနဲ့ ဆက်ကြေးကောက်နေတဲ့ဂိတ်တွေ ကျရောက်ပေါက်ကွဲခဲ့တယ်။ ၁၀၂၇ ထောက်ခံကြိုဆိုကြောင်း မစ်ရှင်ဖော်ဆောင်ခဲ့တာ”ဟု အထက်ပါတာဝန်ရှိသူက ပြောသည်။

အဆိုပါတိုက်ခိုက်မှုကို မဲမှောင်ပြောက်ကျားပြည်သူ့ကာကွယ်ရေးတပ်ဖွဲ့၊ Brother Defence Force နှင့် ယင်းမာပင်–ဆားလင်းကြီးလက်နက်ကြီးမဟာမိတ်တပ်ပေါင်းစုတို့ တိုက်ခိုက်ခဲ့ခြင်းဖြစ်သည်။

အလားတူ ယမန်နေ့(နိုဝင်ဘာ ၆ ရက်) ညနေ ၅ နာရီခန့်က ဒီပဲယင်းမြို့မရဲစခန်း ကင်းဂိတ်နှင့် ဝန်ထမ်းအိမ်ရာကို ဒရုန်းဖြင့် ဗုံးကြဲတိုက်ခိုက်ခဲ့ရာ စစ်ကောင်စီတပ်သား ၁၀ဦးခန့် ထိခိုက်ဒဏ်ရာရရှိခဲ့ကြောင်း ယင်းမာပင်ခရိုင် တပ်ရင်း (၂၀)က သတင်းထုတ်ပြန်သည်။

ပုလဲမြို့နယ်တွင်လ​ည်း ယမန်နေ့ မွန်းလွဲ ၂ နာရီခွဲခန့်က ပုလဲမြို့မှ ထွက်လာသော စစ်ကောင်စီ ယာဥ်တန်းနှင့် ခြေလျင်ဖြင့်လာသော ကျားဘီးလူးစစ်တပ်စစ်ကြောင်းကို ပဒေသာမိုင်း ရှစ်လုံး၊ ရှေ့ထွက်မိုင်းများဖြင့် တိုက်ခိုက်ရာ ၁၀ဦးထက်မနည်းသေဆုံးခဲ့ကြောင်း ဒေါင်းမင်း PDFအဖွဲ့က သတင်းထုတ်ပြန်ထားသည်။

ဒီပဲယင်းနှင့် ပုလဲနယ်စစ်ဆင်ရေးများနှင့် ပတ်သက်၍ ဒေသတွင်းPDFအဖွဲ့များထံ ဆက်သွယ်မေးမြန်းထားပြီး လက်တလောပြန်လည်ဖြေကြားခြင်း မရှိသေးပေ။

ဆက်စပ်သတင်းများ

သတင်း

အာရက္ခတပ်တော်(AA)သိမ်းယူထားသောပဲခူးတိုင်း၊ ပန်းတောင်းမြို့နယ်မှညောင်ကျိုးဗျူဟာစခန်းကို ပြန်လည်ထိုးစစ်ဆင်ရေးအတွက် စစ်ကောင်စီကအင်အားဖြည့်နေပြီး တိုက်ပွဲများဆက်လက်ပြင်းထန်နိုင်၍ စစ်ရေးသတိပြုကြရန် ပြည်သူ့ကာကွယ်ရေးတပ်ဖွဲ့များက သတိပေးသည်။

သတင်း

နိုင်ငံရေးဖိအားများစွာကြောင့်လားရှိးမြိုမှပြန်လည်ဆုတ်ခွာခဲ့ရသည့်အတွက်လည်းများစွာဝမ်းနည်းရပါကြောင်းMNDAA၏အထူးဒေသ(၁)ကျန်းမာရေးဌာန၏တာဝန်ရှိသူတစ်ဦး၏ပြောကြားချက်ကို MNDAA သတင်းပြန်ကြားရေးဌာနThe Kokangကယ​နေ့(ဧပြီ ၂၆) ဖော်ပြသည်။

သတင်း

စစ်ကိုင်းတိုင်း၊ ထီးချိုင့်မြို့နယ် လေသာရွာအနီးရှိ အရပ်ဘက်ဆေးရုံကို စစ်ကောင်စီတပ်က ယနေ့ နေ့လယ်ပိုင်းတွင် လေကြောင်းမှ ဗုံးကြဲရာ ဒေသခံတစ်ဦး ဒဏ်ရာရရှိခဲ့သည်။

သတင်း

စစ်ကိုင်းမြို့နယ် ၊​မြောက်ခြမ်းကို စစ်ကြောင်းထိုးလာသော စစ်ကောင်စီ၏ အမှတ်(၃၃)ခြေမြန်တပ်မဌာနချုပ် (တပ်မ ၃၃) ၏ စစ်ကြောင်းတစ်ခုလုံး ပြုတ်သည်အထိတိုက်ခိုက်ခံရပြန်ပြီး ၂၀ ထက်မနည်းသေဆုံးကာလက်နက် ၂၀ကျော်ရရှိကြောင်း စစ်​ရေးသတင်းရင်းမြစ်များက ပြောသည်။