ရှမ်းပြည်နယ်မြောက်ပိုင်း ကျောက်မဲမြို့နယ်အတွင်းရှိ ကျေးရွာတွေကနေ နောင်ပိန်ကျေးရွာဆီ ကိုလာရောက်တိမ်းရှောင်တဲ့ စစ်ရှောင်ဦးရေ ၆၀၀နီးပါးထိရှိလာတယ်လို့ ကူညီကယ်ဆယ်ရေးအဖွဲ့တွေ ထံကနေသိရပါတယ်။
ကျောက်မဲမြို့နယ် နာမည်ကျော် ဂုတ်တွင်းအနီးရှိ ခဲလုံကျေးရွာဘက်မှာ ပြီးခဲ့တဲ့တနင်္လာနေ့ ကစတင်ပြီး လေကြောင်းတိုက်ခိုက်မှုတွေကြောင့် သံဃာအပါး ၁၃၀ကျော်နဲ့ ပြည်သူ ၂၀၀နီးပါး လာရောက် တိမ်းရှောင်ကြတာပါ။
“လမ်းမှာ ထပ်လာနေတဲ့ စစ်ရှောင်တွေလည်းရှိနေသေးတယ်”လို့ ကူညီကယ်ဆယ်ရေးမှာပါဝင်သူတစ်ဦးကပါတယ်။
တိမ်းရှောင်လာတဲ့ ခဲလုံကျောင်းတိုက်မှ သံဃာတွေ နောင်ပိန်ရွာမှာရှိတဲ့ ကျောင်းတိုက်တွေမှာ ထားရှိပေးထားတယ်လို့ သိရပါတယ်။
ကျောက်မဲမြို့ နောင်ပိန်ရွာဆီ ဇီးပင်၊ နောင်ပစ်၊ ပန်မလွှတ်၊ခဲလုံ စတဲ့ ကျောက်မဲမြို့နယ်ထဲက ရွာတွေက စစ်ရှောင်ပြည်သူတွေ လာရောက်ခိုလှုံနေရကြတာပါ။
Public Service Announcement
ကျောက်မဲမြို့နယ်ဧရိယာထဲမှာ အောက်တိုဘာလ ကုန်ပိုင်းကစတင်ပြီး ညီနောင်မဟာမိတ်သုံးဖွဲ့ ကိုးကန့်တပ်(MNDAA) ၊တအာင်းတပ်(TNLA) ၊ ရက္ခိုင့်တပ်(AA) တို့ နဲ့ စစ်ကောင်စီတပ်တွေကြားတိုက်ပွဲတွေဖြစ်နေတာပါ။
