ရှမ်းပြည်နယ်မြောက်ပိုင်း နမ့်ဆန်မြို့နယ်ရှိ မြို့သစ်ကျေးရွာကို စစ်ကောင်စီတပ်က ဖျက်အားပြင်းဗုံးအသုံးပြုပြီး လေကြောင်းမှ ဗုံးကြဲတိုက်ခိုက်ခဲ့၍ အရပ်သားပြည်သူ သေဆုံးထိခိုက်မှုများ ရှိခဲ့ကြောင်း တအာင်းတပ်မတော်(TNLA)က သတင်းထုတ်ပြန်သည်။
ကျေးရွာအနီး တိုက်ပွဲဖြစ်ပွားမှုမရှိဘဲ စစ်ကောင်စီက မြို့သစ်ကျေးရွာကို နိုဝင်ဘာ ၁၉ရက် ညပိုင်းတွင် ပေါင် ၅၀၀ ဗုံး အသုံးပြုတိုက်ခိုက်လာခြင်းဖြစ်သည်ဟု ဖော်ပြသည်။
ထိုကဲ့သို့ ဗုံးကျဲတိုက်ခိုက်မှုကြောင့် မြို့သစ်ကျေးရွာရှိ ကလေးငယ်တစ်ဦးနှင့် အမျိုးသားတစ်ဦး ပွဲချင်းပြီးသေဆုံးကာ ရွာသား ၇ဦးထိခိုက်ဒဏ်ရာရခဲ့ကြောင်း၊ လူနေအိမ် နှစ်လုံးမီးလောင်ကာ ၂၃လုံး ထိမှန်ပျက်စီးခဲ့ကြောင်း ထုတ်ပြန်သည်။
TNLA အပါအဝင် ညီနောင်မဟာမိတ်တပ်များ ဆင်နွှဲနေသည့် ၁၀၂၇ စစ်ဆင်ရေးအတွင်း အထိနာနေသည့် စစ်ကောင်စီတပ်သည် လက်နက်ကြီး ၊ လေကြောင်း ပစ်ခတ်မှုများ ပြုလုပ်လျက်ရှိရာ တိုက်ပွဲဖြစ်ပွားခြင်းမရှိသည့် အရပ်သားပြည်သူများ နေထိုင်ရာနေရာများကို ပါ တိုက်ခိုက်မှုများ မကြာခဏ လုပ်ဆောင်ခဲ့သည်။
ထိုသို့ စစ်ကောင်စီတပ်မှ လက်နက်ကြီးနှင့် လေကြောင်းအသုံးပြုကာ အရပ်သားများနှင့် ဒေသခံလူနေအိမ်များအား ပစ်မှတ်ထားတိုက်ခိုက်မှုများကြောင့် အရပ်သား ၄၀ဦးသေဆုံးခဲ့ပြီး ၅၈ဦး ထိခိုက်ဒဏ်ရာရရှိခဲ့ကြောင်း TNLAက ထုတ်ပြန်သည်။
Public Service Announcement
