ရန်ကုန်တိုင်း၊ ခရမ်းမြို့နယ်တွင် စစ်ကောင်စီတပ်စွဲထားသည့်နေရာကို ပြင်းအားမြင့်ဗုံးသီးအသုံးပြု၍ ဒရုန်းဖြင့်ချ တိုက်ခိုက်ခဲ့ကြောင်း PDF Khayan က အသိပေးထုတ်ပြန်သည်။
ယမန်နေ့(ဒီဇင်ဘာ ၂)ညနေ ၆ နာရီ ၄၀မိနစ်ခန့်က ခရမ်းမြို့နယ်၊ ဘုရားပျိုကျေးရွာ၊ မြသိန်းတန်ကျောင်းအတွင်း တပ်စွဲထားသော စစ်ကောင်စီတပ်ကို ဗုံးသီးကြဲချ တိုက်ခိုက်ခဲ့ဖြစ်ပြီး ထိခိုက်သေဆုံးမှုရှိနိုင်ကြောင်း ဖော်ပြသည်။
“ထိခိုက်ကျဆုံးမှုအခြေအနေကို တိကျသေ ချာစွာ မသိရှိရသေးသော်လည်း ခရမ်းမှ အရေးပေါ်ကားများဆင်းသွားသည့်အတွက် ထိခိုက်ကျဆုံးမှုများ ရှိနိုင်သည်”ဟု PDF Khayan က အသိပေးသည်။
တိုက်ခိုက်မှုအတွင်း PDF Khayan တပ်ဖွဲ့ဝင်များ အောင်မြင်စွာပစ်ခတ်၍ အထိအခိုက်မရှိဆုတ်ခွာနိုင်ခဲ့ကြောင်း ထုတ်ပြန်ချက်တွင် ဖော်ပြသည်။
Public Service Announcement
“ဒရုန်းလေးနဲ့ ဗုံးသီးတွေချကာ အဘနားရွက်ကို တံတွေးစွတ်တယ်”ဟု ဘုရားပျိုရွာမှ စစ်ကောင်စီတပ်အထိုင်ချနေရာအား တိုက်ခိုက်မှုကို PDF Khayan မှ တော်လှန်ရေးရဲဘော်တစ်ဦးက အသိပေးထားသည်။
အလားတူ ပြီးခဲ့သည့် နိုဝင်ဘာ ၃၀ ရက်ကလည်း ခရမ်းမြို့မရဲစခန်း၊ ရေကျော်ကျောင်းတွင် တပ်စွဲထားသော အထိုင်ချနေရာ၊ ဆည်မြောင်းစစ်ဆေးရေးဂိတ်နှင့် သုံးခွမြို့မရဲစခန်းတို့ကို PDF Khayan နှင့် မဟာမိတ်အဖွဲ့ပူးပေါင်းပြီး ၄၀ မမဗုံးသီးများဖြင့်တပြိုင်နက် ပစ်ခတ်တိုက်ခိုက်ခဲ့သေးသည်။
