Connect with us

Hi, what are you looking for?

LuduNwayOo

သတင်း

ဟိုပုံးအ​ရှေ့ခြမ်းတိုက်ပွဲ စစ်​ကောင်စီတပ် ဗိုလ်မှူး ၂ ဦး၊ ဗိုလ်ကြီး ၃ဦးအပါအဝင်​​သေဆုံးထိခိုက်မှုများပြီးအ​လောင်း၁၆ ​​လောင်းရ

အထက်ပါတိုက်ပွဲအတွင်း စစ်ကောင်စီတပ်ဖွဲ့ထံမှ MA လက်နက်ငယ် ၁၅ လက်၊ ဒရုန်းပစ်လက်နက် ၁ လက်၊ ပစ္စတို ၁ လက် နှင့် လက်နက်ခဲယမ်းကျည်ဆံများကိုလည်း သိမ်းဆည်းရမိခဲ့ကြောင်း PNLA က ထုတ်ပြန်သည်။

(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)
(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)

▪︎လက်နက်မျိုးစုံ ၁၇ လက်နှင့်ခဲယမ်းများရ

▪︎စစ်အာဏာရှင်ကိုကာကွယ်ရ၍​ရှေ့တန်းဆန္ဒမပါဘဲလာရခြင်း ၊နယ်​မြေမကျွမ်းခြင်း​၊ အကျိုးစီးပွားမက်သူများသာဖြစ်ခြင်းကြောင့်စစ်တပ်​သေဆုံးထိခိုက်မှုများဟု PNLA ​ပြော​ရေးဆိုခွင့်ရှိသူ​ပြော

ဟိုပုံးမြို့နယ် အရှေ့ဘက်ခြမ်းတွင် ပအိုဝ်းအမျိုးသားလွတ်မြောက်ရေးတပ်မတော်(PNLA)နှင့် စစ်ကောင်စီတပ်တို့ ထိတွေ့တိုက်ပွဲဖြစ်ပွားခဲ့ရာ စစ်ကောင်စီတပ်မှ ဗိုလ်မှူးနှစ်ဦး ၊ဗိုလ်ကြီး ၃ဦး အပါအဝင် သေဆုံးထိခိုက်မှုများပြားခဲ့ပြီး အ​လောင်း ၁၆ ​လောင်းကျန်ရှိကြောင်း သတင်းရရှိသည်။

ဒေသတွင်း လုံခြုံရေးဆိုင်ရာ လှုပ်ရှားမှု ဆောင်ရွက်နေသည့် ပအိုဝ်းအမျိုးသားလွတ်မြောက်ရေတပ်မတော်(PNLA)စစ်ကြောင်းကို ဟိုပုံးမြို့နယ် အရှေ့ဘက်ခြမ်းတနေရာတွင် စစ်ကောင်စီတပ်က စစ်ကြောင်းထိုးတိုက်ခိုက်သဖြင့် ယမန်နေ့(ဖေဖော်ဝါရီ ၂၅ ရက်)က ထိတွေ့တိုက်ပွဲဖြစ်ပွားခဲ့ခြင်းဖြစ်ကြောင်း PNLA က ယနေ့ထုတ်ပြန်သည်။

(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)
(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)

ထိုတိုက်ပွဲဖြစ်ပွားသည့်နေရာကို ပအိုဝ်းအမျိုးသားလွတ်မြောက်ရေးတပ်မတော်(PNLA)စစ်ကြောင်းမှ ရှင်းလင်းမှုပြုလုပ်ရာ စစ်ကောင်စီတပ်ဖွဲ့ဝင်များ၏ အလောင်း ၁၆ လောင်းကျန်ရှိခဲ့ပြီး စစ်ကောင်စီ၏ ဗိုလ်မှူးအဆင့်ရှိသူ၂ ဦး နှင့် ဗိုလ်ကြီးအဆင့်ရှိသူ ၃ ဦးပါ တိုက်ပွဲအတွင်း သေဆုံးခဲ့ကြောင်း ဖော်ပြသည်။

Public Service Announcement

Public Service Announcement

“သူတို့အဲ့လို အကျများတာ ပြည်သူနဲ့ဆန့်ကျင်ပြီး စစ်အာဏာရှင်အတွက်ကာကွယ်နေရတာဖြစ်တဲ့ အတွက် ဆန္ဒမပါပဲ ရှေ့တန်းတက်ရလို့လည်းဖြစ်တယ် ပြီးတော့ ပထဝီအနေအထားကို မကျွမ်းကျင်တာလည်း ပါတာပေါ့။ နောက်ပြီးတော့ စစ်ခေါင်းဆောင်တွေက တိုင်းပြည်အကျိုးထက် ကိုယ်ကျိုးစီးပွားအတွက် စစ်ထဲဝင်တဲ့လူတွေကအများစုဆိုတော့ ဒီလိုကျဆုံးတာဖြစ်တယ်” ဟု PNLA ပြော​ရေးဆိုခွင့်ရှိသူ ခွန်ရိန်းယံက​ ပြောသည််။

အထက်ပါတိုက်ပွဲအတွင်း စစ်ကောင်စီတပ်ဖွဲ့ထံမှ MA လက်နက်ငယ် ၁၅ လက်၊ ဒရုန်းပစ်လက်နက် ၁ လက်၊ ပစ္စတို ၁ လက် နှင့် လက်နက်ခဲယမ်းကျည်ဆံများကိုလည်း သိမ်းဆည်းရမိခဲ့ကြောင်း PNLA က ထုတ်ပြန်သည်။

(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)
(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)

ထို့အပြင် စစ်ကောင်စီသည် ထမ်းဆမ်းရွှေတိဂုံပုံတူ စေတီတော်ကုန်းတော်တွင် လက်နက်ကြီးတပ်စွဲကာ မဲနယ်တောင်ဒေသ နှင့် လွယ်ဝိုးတုတ်ကျေးရွာဘက်သို့ လက်နက်ကြီးများဖြင့် တနေကုန်နီးပါးဆက်လက်ပစ်ခတ်တိုက်ခိုက်ခဲ့ပြီး ထိုသို့ပစ်ခတ်တိုက်ခိုက်မှုကြောင့် မိဘပြည်သူများ၏ အိုးအိမ်စည်းစိမ်များ ထိခိုက်ပျက်စီးမှုရှိခဲ့ကြောင်း PNLA က အသိပေးသည်။

ယမန်နေ့တွင်ပင် ဆီဆိုင်မြို့တွင်းကိုလည်း စစ်ကောင်စီက လက်နက်ကြီးဖြင့် ၁၀ ကြိမ်ထက်မနည်း ပစ်ခတ်တိုက်ခိုက်ခဲ့ကြောင်း ဖော်ပြသည်။

(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)
(စစ်​ကောင်စီတပ်ထံမှ သိမ်းဆည်းရရှိ​သောလက်နက်များနှင့် တိုက်ပွဲအပြီး မြင်ကွင်း။ ဓါတ်ပုံ-PNLA)

စစ်ကောင်စီလက်အောက်ခံ ပြည်သူ့စစ်များအနေဖြင့် စစ်အာဏာရှင်ကို အသက်ပေး ကာကွယ်ပေးနေရသည့် မိမိ၏ လုပ်ရပ်ကို ဦးနှောက်ကြီးကြီးဖြင့် သေချာသုံးသပ်စဉ်းစားပြီး စစ်အာဏာရှင်စနစ်လက်အောက်မှ ရုန်းထွက်ကာ အမျိုးသားလွတ်မြောက်ရေးလမ်းကြောင်းပေါ်သို့ အမြန်ဆုံးကူးပြောင်းကြရန် PNLA က ထပ်မံတိုက်တွန်းသည်။

စစ်ကောင်စီလက်အောက်ခံ ပြည်သူ့စစ်တပ်ဖွဲ့ဝင်များအနေဖြင့် နီးစပ်ရာ ပအိုဝ်းအမျိုးသားလွတ်မြောက်ရေးတပ်မတော်(PNLA)တပ်ဖွဲ့များထံသို့ ဆက်သွယ်ကာ လက်နက်နှင့်တကွ အမျိုးသားလွတ်မြောက်ရေးလမ်းကြောင်းပေါ်သို့ ကူးပြောင်းလာပါက ထိုက်ထိုက်တန်တန် ဆုချီးမြှင့်မည်ဟု အသိပေးထားသည်။

ဆက်စပ်သတင်းများ

သတင်း

လောလောဆယ်အခြေအနေတွင် မြဝတီမြို့၌ တိုက်ပွဲဖြစ်လာနိုင်ဖွယ်မရှိိကြောင်း လုံခြုံရေးသတင်းရင်းမြစ်က ပြောသည်။

သတင်း

ကော့ကရိတ်မြို့သို့ စစ်ကူရောက်ရှိလာသော စစ်ကြောင်းမှာ မည်သည့်လမ်းကြောင်းမှ ရောက်ရှိလာသည်ကို မသိရဘဲ အင်အား ရာနှင့်ချီပါဝင်သည်ဟု ရဲဘော်တစ်ဦးက ပြောသည်။

သတင်း

လွယ်ဂျယ်က ရရှိခဲ့သည့် ငွေများနှင့်ပတ်သက်ပြီး မည်သို့ စီမံသည်ဆိုသည်ကို ဗိုလ်ချုပ်ကြီး ဂွန်မော်က KIO ဘဏ္ဍာရေးဌာန၏ စည်းမျဉ်းအမှတ်(၆၄)၌ ပြဌာန်းထားသည့် အချက်များကို ၎င်း၏ Facebookမှ တဆင့် ရှင်းပြခဲ့သည်။

သတင်း

ထိုင်းအစိုးရအနေဖြင့် နှစ်နိုင်ငံနယ်စပ်အရေးကိစ္စကိို ပြတ်ပြတ်သားသား ဆုံးဖြတ်လုပ်ကိုင်ရန် အထက်ပါအတိုက်အခံလွှတ်တော်အမတ်က တိုက််တွန်းထားသည်။