Connect with us

Hi, what are you looking for?

LuduNwayOo

သတင်း

ကရင်၊ ကချင်နှင့် ကရင်နီတပ်များနှင့်အတူ PDF တပ်များတိုက်ပွဲဝင်နေမှု ယာယီသမ္မတနှင့် ဝန်ကြီးချုပ်ထံ ကာကွယ်ရေးဝန်ကြီးဌာန တင်ပြ

ယာယီသမ္မတထံသို့ ဝန်ကြီးဦးရည်မွန်က သွားရောက်တင်ပြခဲ့ပြီး ဒုဝန်ကြီး နိုင်ကောင်းရွက်က ဝန်ကြီးချုပ်မန်းဝင်းခိုင်သန်းတို့ထံ တင်ပြခဲ့သည်ဟု အသိပေးသည်။

(ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့ထံ ကာကွယ်ရေးဝန်ကြီးဌာနဝန်ကြီး ဦးရည်မွန်နှင့် ဒုဝန်ကြီး နိုင်ကောင်းရွက်တို့ သီးခြားစီ သွားရောက်တွေ့ဆုံနေစဉ်။ ဓာတ်ပုံ - PVTV)
(ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့ထံ ကာကွယ်ရေးဝန်ကြီးဌာနဝန်ကြီး ဦးရည်မွန်နှင့် ဒုဝန်ကြီး နိုင်ကောင်းရွက်တို့ သီးခြားစီ သွားရောက်တွေ့ဆုံနေစဉ်။ ဓာတ်ပုံ - PVTV)

အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့ထံ ကာကွယ်ရေးဝန်ကြီးဌာန ဝန်ကြီး ဦးရည်မွန်နှင့် ဒုဝန်ကြီး နိုင်ကောင်းရွက်တို့ သီးခြားစီသွားရောက်ပြီး လက်ရှိစစ်ရေး အခြေအနေများကို တင်ပြခဲ့ကြောင်း NUG သတင်းပြန်ကြားရေးဌာန PVTVက အသိပေး ဖော်ပြသည်။

ယာယီသမ္မတထံသို့ ဝန်ကြီးဦးရည်မွန်က သွားရောက်တင်ပြခဲ့ပြီး ဒုဝန်ကြီး နိုင်ကောင်းရွက်က ဝန်ကြီးချုပ်မန်းဝင်းခိုင်သန်းတို့ထံ တင်ပြခဲ့သည်ဟု အသိပေးသည်။

NUG ကာကွယ်ရေးဝန်ကြီးဌာန ပြည်သူ့ကာကွယ် ရေးတပ်မတော် (PDF)တပ်များက လက်ရှိအချိန်တွင် တိုင်းရင်းသားလက်နက်ကိုင် တော်လှန်ရေးအဖွဲ့များ၊ မဟာမိတ်အဖွဲ့အစည်းများနှင့် ပူးပေါင်း တိုက်ပွဲဝင်နေသည့် အခြေအနေတွင် ကာကွယ်ရေးဌာန တာဝန်ရှိသူများက ယာယီသမ္မတနှင့် ဝန်ကြီးချုပ်ထံ စစ်ရေးအခြေအနေများ တင်ပြခဲ့ခြင်းဖြစ်သည်။

(ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့ထံ ကာကွယ်ရေးဝန်ကြီးဌာနဝန်ကြီး ဦးရည်မွန်နှင့် ဒုဝန်ကြီး နိုင်ကောင်းရွက်တို့ သီးခြားစီ သွားရောက်တွေ့ဆုံနေစဉ်။ ဓာတ်ပုံ - PVTV)
(ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့ထံ ကာကွယ်ရေးဝန်ကြီးဌာနဝန်ကြီး ဦးရည်မွန်နှင့် ဒုဝန်ကြီး နိုင်ကောင်းရွက်တို့ သီးခြားစီ သွားရောက်တွေ့ဆုံနေစဉ်။ ဓာတ်ပုံ – PVTV)

“လက်တလောဖြစ်ပွားနေတဲ့ ကရင်ပြည်နယ်အတွင်းက တိုက်ပွဲတွေမှာလည်း KNLA နဲ့ အတူ ပူးပေါင်းတိုက်ခိုက်တာ ၊ ကချင်ပြည်နယ်မှာ KIA နဲ့ အတူပူးပေါင်းတိုက်ခိုက်တာ ၊ ကရင်နီပြည်မှာ KNDF နဲ့အတူ ပူးပေါင်းတိုက်ခိုတာတွေ အပြင် အခြားသော တိုင်းရင်းသားဒေသတွေမှာလည်း အကြမ်းဖက်စစ်တပ် အမြတ်ပြတ်ချေမှုန်းရေး တိုက်ပွဲတွေကို ဖော်ဆောင်နေတာပါ”ဟု PVTVက ဖော်ပြသည်။

Public Service Announcement

Public Service Announcement

ပြည်သူများကို နေ့စဉ်သတ်ဖြတ်နေသည့် အကြမ်းဖက်စစ်တပ်ကို အမြစ်ပြတ်ချေမှုန်းရေးအတွက် ပြည်သူ့ကာကွယ်ရေးတပ်မတော်က မဟာဗျူဟာမြောက် လုပ်ဆောင်နေသည့် အကြောင်းအရာများကိုလည်း တင်ပြဆွေးနွေးခဲ့ကြောင်း အသိပေးသည်။

ကာကွယ်ရေးဝန်ကြီး ဦးရည်မွန်သည် KIA ထိန်းချုပ်လှုပ်ရှားနေသည့် ကချင်ဒေသ၌ ရောက်ရှိနေမှုကို ယခင်ကတည်းက ဓာတ်ပုံမှတ်တမ်း ဖော်ပြချက်များအရ သိရသည်။ KIA ပူးပေါင်းတပ် သိမ်းပိုက်ထားသည့် စစ်ကောင်စီတပ်စခန်းများသို့ ကာကွယ်ရေးဝန်ကြီးနှင့် KIA စစ်ဘက်ခေါင်းဆောင်များအတူ သွားရောက်ခဲ့မှုကိုလည်း အသိပေးထားသည်။

ထို့ပြင် မကြာသေးမီက ရှေ့တန်းစခန်းတစ်ခုရှိ ရဲဘော်များအား ယာယီသမ္မတ၊ ကာကွယ်ရေးဝန်ကြီး ဦးရည်မွန်၊ KIA စစ်ဦးစီးချုပ် ဗိုလ်ချုပ်ကြီး ခေါင်လွန်းတို့ အတူသွားရောက်ခဲ့သည်ကိုလည်း ဓာတ်ပုံမှတ်တမ်းများ ထွက်ပေါ်ခဲ့သည်။

အလားတူ ကာကွယ်ရေးဒုဝန်ကြီးသည်လည်း ကရင်နှင့် မွန်ဒေသ တော်လှန်ရေးတပ်များ လှုပ်ရှားရာ ရှေ့တန်းနယ်မြေများသို့ သွားရောက်ခဲ့သည့် မှတ်တမ်းဓာတ်ပုံများ သက်ဆိုင်ရာ အဖွဲ့များက ထုတ်ပြန်ထားသည်။

ဝန်ကြီးချုပ် မန်းဝင်းခိုင်သန်းသည်လည်း ရှေ့တန်းစခန်းများရှိ PDF ရဲဘော်များအား သွားရောက် တွေ့ဆုံခဲ့ခြင်းများ ရှိခဲ့သည်။ ပြည်ထဲရေး ဝန်ကြီးဦးလွင်ကိုလတ်သည်လည်း ပဲခူးတိုင်းရှိ ရှေ့တန်းနယ်မြေများသို့ သွားရောက်ကာ တော်လှန်ရေးရဲဘော်များနှင့် တွေ့ဆုံမှု ပြုလုပ်ထားသည်။

ယခု ထုတ်ပြန်သည့် ဓာတ်ပုံနှင့် သတင်းများအရ အမျိုသားညီညွတ်ရေးအစိုးရထိပ်ပိုင်းခေါင်းဆောင်များ သည် တိုက်ပွဲဖြစ်ပွားရာ ဒေသများအနီးတွင် ရှိနေခြင်းဖြစ်သည်။

ဆက်စပ်သတင်းများ

ဆောင်းပါး

ကရင်နီပြည် ကြားကာလအုပ်ချုပ်ရေးကောင်စီ (IEC) ရဲ့ တရားဝင်ပြုစုထားတဲ့ စာရင်းတွေအရ လက်ရှိ ပြည်နယ်အတွင်းက မြို့နယ် ၇ ခုမှာ စစ်ရှောင်စခန်း ၄၀၀ ကျော်ရှိနေပြီး အားလုံးနီးပါးဟာ ဒေါ်ကတ်သရင်းတို့လိုပဲ ပြဿနာကို ရင်ဆိုင်နေရတာဖြစ်ပါတယ်။

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော် အခြေစိုက် ခမရ(၃၂၁)သည် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် အတွက် အရေးကြီးသည့် တပ်စခန်းဖြစ်သကဲ့သို့ ရှေ့တန်းစခန်းများသို့ စစ်လက်နက်နှင့် ရိက္ခာ ထောက်ပံ့ပေးသည့် တပ်စခန်းဖြစ်သည်ဟု KIAက အသိပေးထားသည်။

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။