Connect with us

Hi, what are you looking for?

LuduNwayOo

သတင်း

ကျိုက်ဒုံဗျူဟာကုန်းစခန်းသိမ်းတိုက်ပွဲ ဗျူဟာမှူးအပါအဝင် စစ်ကောင်စီတပ်ဖွဲ့ဝင်များလက်နက်ချ

ဖမ်းမိထားသူများထဲ၌ ကျိုက်ဒုံဗျူဟာမှူး ပါဝင်သည်ဟု KNU သတင်းရင်းမြစ်တစ်ဦးက အတည်ပြုပြီး အရေအတွက်ကို အသေးစိတ် မသိရကြောင်း ပြောသည်။

(ကျိုက်ဒုံဗျူဟာကုန်းစခန်းသိမ်းတိုက်ပွဲမှ ဖမ်းဆီးရမိသော စစ်ကောင်စီတပ်သားများ။ ဓာတ်ပုံ - KNLA)
(ကျိုက်ဒုံဗျူဟာကုန်းစခန်းသိမ်းတိုက်ပွဲမှ ဖမ်းဆီးရမိသော စစ်ကောင်စီတပ်သားများ။ ဓာတ်ပုံ - KNLA)

ကရင်အမျိုသားအစည်းအရုံး(KNU) ဒူးပလာယာခရိုင်၊ တပ်မဟာ(၆) နယ်မြေရှိ စစ်ကောင်စီ၏ ဗျူဟာစခန်းကုန်းကို ကရင်အမျိုးသားလွတ်မြောက်ရေးတပ်မတော်(KNLA) ပူးပေါင်းတပ်က ယမန်နေ့ညနေပိုင်းတွင် သိမ်းပိုက်ခဲ့ရာ ဗျူဟာမှူးအပါအဝင် စစ်ကောင်စီတပ်ဖွဲ့ဝင်များစွာ အရှင်ဖမ်းမိခဲ့သည်ဟု ကရင်သတင်းရင်းမြစ်အချို့က ပြောသည်။

ကျိုက်ဒုံဗျူဟာစခန်းမှ စစ်ကောင်စီတပ်သား အများအပြား ဖမ်းမိထားပြီး ၎င်းတို့ ထမင်းစားနေသည့် ရုပ်သံမှတ်တမ်းတစ်ခုလည်း လူမှုကွန်ရက်၌ ထွက်ပေါ်လာသည်ကို တွေ့ရသည်။

ဖမ်းမိထားသူများထဲ၌ ကျိုက်ဒုံဗျူဟာမှူး ပါဝင်သည်ဟု KNU သတင်းရင်းမြစ်တစ်ဦးက အတည်ပြုပြီး အရေအတွက်ကို အသေးစိတ် မသိရကြောင်း ပြောသည်။

အဆိုပါတပ်သည် အလွယ်တကူလက်နက်ချခြင်းမျိုးမဟုတ်ဘဲ KNLA ပူးပေါင်းတပ်ကို ပြန်လည် တိုက်ခိုက်ခဲ့ကြောင်း ၎င်းကရှင်းပြသည်။

Public Service Announcement

Public Service Announcement

(ကျိုက်ဒုံဗျူဟာကုန်းစခန်းသိမ်းတိုက်ပွဲမှ ဖမ်းဆီးရမိသော စစ်ကောင်စီတပ်သားများ။ ဓာတ်ပုံ - KNLA)
(ကျိုက်ဒုံဗျူဟာကုန်းစခန်းသိမ်းတိုက်ပွဲမှ ဖမ်းဆီးရမိသော စစ်ကောင်စီတပ်သားများ။ ဓာတ်ပုံ – KNLA)

” သူများ သူ့ကို နှစ်ရက်လောက်တိုက်တာ။ လက်နက်ချခိုင်းတာ အလံဖြူမထောင်ဘူး။ စခန်းတစ်ခု ပြန်ထိုင်ပြီး လူပြန်စုတယ်။ အဲဒီ အပေါက်၀တစ်ခုပဲ ထားတားတယ်။ စက်လက် ၃လက်ထားပြီး ခံပစ်တာ။ ခံပစ်တော့ လက်နက်ကြီး ကုန်းဘာကုန်းက သူများ တက်သိမ်းကုန်ပြီကိုး။ အဲဒီ တစ်ခုပဲ ကျန်တော့ သူတို့ ဂျန်ဘာကလည်း သူများ ဖျက်သိမ်းကုန်ပြီ။ ဂျမ်ဘာလည်းမရှိတဲ့အခါကျတော့ အဲဒီအချိန် ဒရုန်းနဲ့ ဝိုင်းပစ်ချလိုက်တော့ ခံပစ်တဲ့ စက်လက်သုံးလက်ကျသွားတော့ ဝင်တိုးတော့ အားလုံး လက်နက်ချတာပေါ့”ဟု KNU သတင်းရင်းမြစ်က ပြောသည်။

ဗျူဟာမှူးအပါအဝင် စစ်ကောင်စီတပ်ဖွဲ့ဝင် ၃၀ကျော်ဖမ်းမိထားသည်ဟု သိရပြီး ဖမ်းမိစစ်ကောင်စီတပ်သား ၆၀ဦးခန့်ရှိသည်ဟု အချို့ ပြောဆိုမှုများလည်းရှိကြောင်း ၎င်းက ပြောသည်။

မြ၀တီမြို့နယ် သင်္ဃန်းညီနောင်ဒေသရှိ စစ်ကောင်စီတပ်များကိုလည်း KNLA ပူးပေါင်းတပ်က ဆက်လက် ထိုးစစ်ဆင်လျက်ရှိသည်ဟု KNU သတင်းရင်းမြစ်က ပြောသည်။

ကရင်အမျိုးသားမီဒီယာ၏ ကျိုက်ဒုံဗျူဟာကုန်း သိမ်းပိုက်မှု သတင်းဖော်ပြချက်တွင် စခန်းသိမ်းတိုက်ပွဲတွင် စစ်ကောင်စီဘက်မှ ၁၂၀ မမ၊ ၈၀ မမ၊ ၆၀ မမ လက်နက်ကြီး၊ လက်နက်ငယ် များစွာ သိမ်းဆည်းရရှိခဲ့ပြီး ဗျူဟာမှူး ဗိုလ်မှူးကြီးအောင်ကျော်စိုး၊ စစ်ဦးစီးဒုတိယတန်းအောင်မင်းထက် အပါအ၀င် စစ်သုံ့ပန်းများစွာကိုလည်း ဖမ်းဆီးရမိခဲ့သည်ဟု ဖော်ပြထားသည်။

ဆက်စပ်သတင်းများ

သတင်း

TNLA နှင့် မဟာမိတ် ကိုးကန့်တပ်ဖွဲ့(MNDAA) တို့သည် ဇူလိုင် ၁၄ရက်ည ၁၂နာရီမှ ဇူလိုင် ၁၈ရက် ည ၁၂နာရီအထိ ၄ရက်တာ တစ်ဖက်သတ်အပစ်ရပ်ထားခြင်းဖြစ်သည်။

သတင်း

တရုတ်နိုင်ငံ၏ စိုးရိမ်ချက်အရ ဇူလိုင် ၁၄ရက်ည ၁၂နာရီမှ ၁၈ရက် ည ၁၂နာရီအထိ အပစ်ရပ်ထားမည်ဟု ကိုးကန့်တပ် MNDAA က ယမန်နေ့က ထုတ်ပြန်သည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။