Connect with us

Hi, what are you looking for?

LuduNwayOo

သတင်း

ဒုတိယဗိုလ်မှူးကြီးတစ်ဦး ရှေ့တန်းလိုက်သွားပြီးနှစ်ရက်အကြာတွင် တိုက်ပွဲ၌​ သေဆုံး

ဒုတိယဗိုလ်မှူးကြီးနိုင်နိုင်ဝင်းသည် ယခုရက်ပိုင်းဖြစ်ပွားနေသည့် ကော့ကရိတ် – မြဝတီအာရှလမ်းတိုက်ပွဲ၌ KNLAနှင့် PDF ပူးပေါင်းတပ်ဖွဲ့၏တိုက်ခိုက်မှုကြောင့် သေဆုံးသွားခြင်းဖြစ်နိုင်ကြောင်း ကော့ကရိတ်ရှိ စစ်ရေးသတင်းရင်းမြစ်အချို့ကပြောသည်။

(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )
(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )

‌ဇော်ရမ်း/People’s Spring

စစ်တက္ကသိုလ်အပတ်စဉ်(၄၅)ဆင်း ဒုတိယဗိုလ်မှူးကြီးတစ်ဦးသည် ရှေ့တန်းသို့လိုက်ပါသွားပြီးနှစ်ရက်အကြာတွင် တိုက်ပွဲကျသွားကြောင်း သတင်းရရှိသည်။

ဒုတိယဗိုလ်မှူးကြီးနိုင်နိုင်ဝင်းဆိုသူ တိုက်ပွဲ၌သေဆုံးသွားသည့်အကြောင်းကို ၎င်း၏ ဦးလေးတော်စပ်သူ စစ်တပ်အရာရှိဟောင်းက ဖေ့စ်ဘွတ်ခ်လူမှုကွန်ရက်၌ ရေးထားသည်။ ၎င်းတို့၏ မိတ်ဆွေများကလည်း ဝမ်းနည်းကြောင်းမှတ်ချက်ပေးထားကြသလို အချို့ကလည်း လှောင်ပြောင်ထားသည်ကိုတွေ့ရသည်။

“တူအငယ်ဆုံးက ၄၅ကျောင်းဆင်း တပ်ရင်းမှူးဒုတိယဗိုလ်မှူးကြီးဖြစ်ပြီး ဒီနေ့ပဲ သူ့အကို ၂ ယောက်နောက်လိုက်သွားရရှာတယ်။ ခရီးထွက်သွားတာမှ ၂ ရက်ပဲရှိသေးတယ်” ဟု အနှိုင်းမဲ့ရင်ခွင်အမည်ဖြင့် ဖေ့စ်ဘွတ်ခ်သုံးစွဲသည့် စစ်တပ်အရာရှိဟောင်းက ဧပြီလ ၁၅ရက်တွင်​ရေးသားထားသည်။

Public Service Announcement

Public Service Announcement

(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )
(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )

အဆိုပါစစ်တပ်အရာရှိဟောင်း၌ တူသုံးဦးရှိပြီး ကျန်နှစ်ဦးမှာ လွန်ခဲ့သည့်နှစ်အနည်းငယ်က သေဆုံးခဲ့ပြီးဖြစ်၍ ဒုတိယဗိုလ်မှူးကြီးနိုင်နိုင်ဝင်းသေဆုံးပြီးနောက် ” ဒီနေ့ပဲ သူ့အကို ၂ယောက်နောက်လိုက်သွားရရှာတယ်”ဟု ရေးသားထားခြင်းဖြစ်သည်။

ဒုတိယဗိုလ်မှူးကြီးနိုင်နိုင်ဝင်းသည် မည်သည့်တိုက်ပွဲ၌​သေဆုံးခဲ့သည်ကိုမသိရသေးပေ။စစ်တက္ကသိုလ်အပါတ်စဉ်(၄၅)ဆင်းဖြစ်ကြောင်း ၎င်း၏ဆွေမျိုးများတင်ထားသည့်ဓာတ်ပုံမှတ်တမ်းများအရသိရသည်။

၎င်း၏နာရေးကို ဧပြီလ ၁၅ရက်ညနေကပြုလုပ်ခဲ့ခြင်းဖြစ်သည်။ အဆိုပါနာရေးဓါတ်ပုံများတွင် ဒုတိယဗိုလ်မှူးကြီးနိုင်နိုင်ဝင်းနှင့်အတူ စစ်​ကောင်စီတပ်သား သေဆုံးသူ ၅ ဦးထက်မနည်း၏ ရုပ်အလောင်းများအား အခေါင်းတခုချင်းစီ၌ ထည့်ကာ လွမ်းသူပန်းခွေများ ချိတ်ဆွဲထားသည်ကိုတွေ့ရသည်။ ထို့ကြောင့် ဒုတိယဗိုလ်မှူးကြီးနိုင်နိုင်ဝင်းနှင့်အတူ စစ်ကောင်စီဘက်မှ ငါးဦးထက်မနည်း သေဆုံးခဲ့ခြင်းဟုသုံးသပ်ရသည်။

ရင်ဆိုင်တိုက်ပွဲဖြစ်ချိန်တွင် ဘာမှမဖြစ်ခဲ့ဘဲ ပြန်ဆုတ်ခွာချိန်၌ပစ်ခတ်ခံရခြင်းဖြစ်သည်ဟုစစ်တပ်ထောက်ခံသူတစ်ဦးက ရေးသားထားသည်ကိုတွေ့ရသည်။

“သွားလိုက်ပါအုံးတော့ ငါ့တူရေ။မင်းအတွက် ငါတာဝန်တွေမကြေခဲ့ဘူး။နောင်ဘဝရှိသေးရင်တော့ ပြန်ဆုံချင်ပါသေးတယ်။ကောင်းမွန်မြင့်မြတ်တဲ့ဘုံဘဝမှာအေးချမ်းစွာရှိနေနိုင်ပါစေလို့ ဆုတောင်းလိုက်ပါတယ်” ဟု အနှိုင်းမဲ့ရင်ခွင်အမည်ဖြင့် ဖေ့စ်ဘွတ်ခ်သုံးစွဲသည့် စစ်တပ်အရာရှိဟောင်းက ရေးတင်းထားသည်။ ၎င်းသည် စစ်တပ်မှအငြိမ်းစားယူထားသော်လည်း စစ်တပ်အားထောက်ခံကြောင်းနှင့် စစ်အာဏာရှင်ဆန့်ကျင်ရေးလှုပ်ရှားသူများအား ပြစ်တင်ရှုတ်ချသည့်စာများ လူမှုကွန်ရက်နာရေးသားထားသည်ကိုတွေ့ရသည်။

(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )
(ဒုတိယဗိုလ်မှူးကြီးနိုင်နိုင်ဝင်း နှင့် ​သေဆုံးစစ်သားများ၏နာ​ရေးကို​တွေ့ရစဥ်။ဓါတ်ပုံ- CJ )

ဒုတိယဗိုလ်မှူးကြီးနိုင်နိုင်ဝင်း၏ မိသားစုဝင်အချို့က၎င်းတို့၏ ဖေ့စ်ဘွတ်ခ် အ​ကောင့်များတွင် အမဲရောင် ပရိုဖိုင်ချိန်းထားကြ သည်ကို​တွေ့ရသည်။ ၎င်းတို့၏မိတ်ဆွေအချို့ကအကျိုးအကြောင်းမေးမြန်းရာတွင် ရတ(ရှေ့တန်း)၌ တိုက်ပွဲကျသွားခြင်းဖြစ်ကြောင်းသာ ပြန်လည်ဖြေကြားထားသည်ကိုတွေ့ရသည်။

ဒုတိယဗိုလ်မှူးကြီးနိုင်နိုင်ဝင်းသည် ယခုရက်ပိုင်းဖြစ်ပွားနေသည့် ကော့ကရိတ် – မြဝတီအာရှလမ်းတိုက်ပွဲ၌ KNLAနှင့် PDF ပူးပေါင်းတပ်ဖွဲ့၏တိုက်ခိုက်မှုကြောင့် သေဆုံးသွားခြင်းဖြစ်နိုင်ကြောင်း ကော့ကရိတ်ရှိ စစ်ရေးသတင်းရင်းမြစ်အချို့ကပြောသည်။

တော်လှန်ရေးအင်အားစုများထိန်းချုပ်ထားသည့် မြဝတီမြို့ကို ပြန်လည်သိမ်းယူရန်ဟုဆိုကာ စစ်ကောင်စီက တင့်ကားများ၊ သံချပ်ကာကားများသုံး၍ စစ်ကြောင်းထိုးရန်ကြိုးစားနေသည်ကို KNLAနှင့် PDF ပူးပေါင်းတပ်ဖွဲ့က ကော့ကရိတ် မြို့နယ်မှစောင့်၍ တိုက်ခိုက်နေပြီး စစ်တပ်စစ်​ကြောင်းအထိနာ​နေသည်။

ထိုအပြင် ယခုရက်ပိုင်း၌ ရခိုင်ပြည်နယ် ၊ကချင်ပြည်နယ် ၊ကရင်နီပြည် ၊ ပြင်ဦးလွင်နှင့် ​နောင်ချို မြို့နယ် အစပ်တို့တွင်လည်း တိုက်ပွဲများပြင်းထန်စွာဖြစ်ပွား​နေပြီး စစ်​ကောင်စီတပ် ​သေဆုံးဒဏ်ရာရသူများပြား​နေသည်။

ဆက်စပ်သတင်းများ

နိုင်ငံတကာ

အီရန်မှာ နိုင်ငံတော် အဓိပတိ အယာတိုလာ အလီ ခါမေနီကတော့ ခြွင်းချက်မရှိ အကြီးမားဆုံး ဩဇာကို ပိုင်ဆိုင်ထားပြီး သမ္မတ နေရာရဲ့ အထက်ကနေ ကွပ်ကဲနေပါတယ်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။