Connect with us

Hi, what are you looking for?

LuduNwayOo

သတင်း

မြဝတီမြို့တိုက်ပွဲအခြေအနေကို အနီးကပ်စောင့်ကြည့်နေဟု ထိုင်းဝန်ကြီးချုပ်ပြော

စစ်ကောင်စီတပ်က လက်နက်ကြီးပစ်ကူသာမက မြဝတီမြို့ပေါ်ကို လေယာဉ်ဖြင့် ကင်းထောက်ပျံဝဲခြင်း၊ လေကြောင်းမှ ဗုံးချတိုက်ခိုက်ခြင်း၊ ရဟတ်ယာဉ်ဖြင့် ပစ်ခတ်တိုက်ခိုက်ခြင်းများ ပြုလုပ်နေသည်။

ထိုင်းဝန်ကြီးချုပ်ကို တွေ့ရစဉ်
ထိုင်းဝန်ကြီးချုပ်ကို တွေ့ရစဉ်

▪️မြန်မာစစ်ဘေးရှောင်ဒုက္ခသည် ၃၀၀ နီးပါး ထိုင်းဘက် တိမ်းရှောင်

People’s Spring

ထိုင်း-မြန်မာနယ်စပ် မြဝတီဘက်ခြမ်းတွင် တိုက်ပွဲ ဖြစ်ပွါးနေသည့် အခြေအနေကို အနီးကပ်စောင့်ကြည့်နေကြောင်း ထိုင်းဝန်ကြီးချုပ် ဆရက်သာသာဗီဆင်က ပြောသည်။

မြဝတီမြို့ ထိုင်း-မြန်မာချစ်ကြည်ရေးတံတား စစ်ဆေးဂိတ်၌ ခိုလှုံနေသည့် စစ်ကောင်စီတပ်ဖွဲ့ဝင်များကို တော်လှန်ရေးပူးပေါင်းတပ်က ယမန်နေ့(ဧပြီ ၁၉ရက်)ညပိုင်းကတည်းက စတင်တိုက်ခိုက်ခဲ့ရာ ယနေ့(ဧပြီ ၂၀ရက်) မွန်းလွဲပိုင်းအထိ လက်နက်ကြီး၊ လက်နက်ငယ် ပစ်ခတ်မှုများ စဉ်ဆက်မပြတ် ဖြစ်ပွါးနေသည်။ တိုက်ပွဲအတွင်း စစ်ကောင်စီတပ်သားများ သေဆုံးထိခိုက်များပြားသည်ဟု မြဝတီမြို့ လုံခြုံရေးသတင်းရင်းမြစ်က ယနေ့ နံနက်ပိုင်းတွင် ပြောသည်။

ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်
ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်

စစ်ကောင်စီတပ်က လက်နက်ကြီးပစ်ကူသာမက မြဝတီမြို့ပေါ်ကို လေယာဉ်ဖြင့် ကင်းထောက်ပျံဝဲခြင်း၊ လေကြောင်းမှ ဗုံးချတိုက်ခိုက်ခြင်း၊ ရဟတ်ယာဉ်ဖြင့် ပစ်ခတ်တိုက်ခိုက်ခြင်းများ ပြုလုပ်နေသည်။

Public Service Announcement

Public Service Announcement

“ထိုင်းနိုင်ငံ အချုပ်အခြာပိုင်နက်ကို သက်ရောက်မှုရှိစေတဲ့ ဘယ်လိုတိုက်ပွဲကိုမျှ ကျွန်တော် မမြင်တွေ့လိုပါဘူး။ ကျွန်တော်တို့ ပြည်သူလူထုလုံခြုံရေးနဲ့ နယ်စပ်ဒေသကာကွယ်ရေးအတွက် ကျွန်တော်တို့ အသင့်ရှိနေပါတယ်” ဟု ထိုင်းဝန်ကြီးချုပ်က ဆိုသည်။

ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်
ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်

တချိန်တည်းတွင် လိုအပ်လာလျှင် လူသားချင်းစာနာမှုအကူအညီများပေးအပ်ရန် အသင့်ရှိကြောင်း ထိုင်းဝန်ကြီးက အသိပေးသည်။

အမှတ်(၂)ထိုင်း-မြန်မာချစ်ကြည်ရေးတံတား မဲဆောက်ဘက်အခြမ်းတွင် ထိုင်းစစ်တပ်အပါအဝင် လုံခြုံရေးတပ်ဖွဲ့ဝင်များက အသင့်အနေအထား စောင့်ကြည့်နေပြီး လုံခြုံရေးအင်အား ဖြည့်တင်းနေသည်ကို ယနေ့ နံနက်ပိုင်းတွင် အဆိုပါနေရာသို့ ရောက်ရှိခဲ့သည့် People’s Spring သတင်းထောက်က တွေ့မြင်ခဲ့ရသည်။

ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်
ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်

ယမန်နေ့ညကတည်းက မြဝတီမြို့ဘက်အခြမ်းတွင် တိုက်ပွဲများ ပြင်းထန်နေမှုကြောင့် ဒေသခံ ရာနှင့်ချီ နေအိမ်စွန့်ခွါ တိမ်းရှောင်နေရကာ ယနေ့နံနက်ပိုင်းမှ စတင်ကာ နှစ်နိုင်ငံအကြားရှိ သောင်ရင်းမြစ်ကို ဖြတ်ကျော်ကာ မဲဆောက်ဘက်အခြမ်းသို့ ထွက်ပြေးနေရသည်။ မြေပြင်သတင်းအရင်းအမြစ်များ၏ ဖော်ပြချက်အရ ယနေ့ နံနက် ၁၁ ခန့်အထိ မဲဆောက်ဘက်သို့ မြန်မာစစ်ဘေးရှောင်ဒုက္ခသည် ၂၇၂ ဦး ရောက်ရှိနေကြောင်း သိရသည်။

(ထိုင်းဝန်ကြီးချုပ်ကို တွေ့ရစဉ်၊ ယနေ့ မဲဆောက်ဘက်အခြမ်း ရောက်ရှိလာသော မြန်မာစစ်ဘေးရှောင်များအား တွေ့ရစဉ်။ ဓာတ်ပုံ – Srettha Thavisin ၊ ထိုင်း CJ)

ဆက်စပ်သတင်းများ

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

ပြီးခဲ့သည့် ဖေဖော်ဝါရီက အဆိုပါကျေးရွာ၌ ယောဒေသကာကွယ်ရေးတပ်ဖွဲ့မှ ရဲဘော်နှစ်ဦးကို စစ်ကောင်စီတပ်နှင့် ပျူစောထီးများက မီးရှို့သတ်ဖြတ်ခဲ့သည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။