Connect with us

Hi, what are you looking for?

LuduNwayOo

သတင်း

ဗန်းမော်နှင့် ဝိုင်းမော်ရှိ စစ်ကောင်စီတပ်စခန်း ၅ ခုကို KIA ယနေ့မနက်တွင် ထပ်မံ သိမ်းပိုက်

စစ်ကောင်စီတပ်ကလည်း ဗန်းမော် နှင့် မိုးမောက်ပတ်ဝန်းကျင်ကို လေကြောင်းမှပြင်းပြင်းထန်ထန်တိုက်ခိုက်နေကြောင်း ဒေသခံများကပြောသည်။

( KIA တပ်ဖွဲ့ဝင်တစ်ဦး ။ဓါတ်ပုံ-T Awng T Awng )
( KIA တပ်ဖွဲ့ဝင်တစ်ဦး ။ဓါတ်ပုံ-T Awng T Awng )

▪︎မတ်လ ၇ရက်မှ စစ်ရှိန်မြှင့်သည့် KIA ၏ ထိုးစစ် နှစ်လအတွင်း စစ်ကောင်စီတပ်စခန်းကြီးငယ်၊ တပ်ရင်းဌာနချုပ်များ ၉၀ ​​ကျော်သိမ်းပိုက်ထား

ဟန်နွေ၊သရဖူ /People’s SPring

ကချင်ပြည်နယ် ဝိုင်းမော်မြို့နယ်နှင့် ဗန်းမော်မြို့နယ်ရှိ စစ်ကောင်စီတပ်စခန်း ၅ခုကို ယနေ့(​မေ ၇ ရက်) မနက်တွင် ကချင်လွတ်လပ်ရေးတပ်မတော်(KIA)က တိုက်ခိုက်သိမ်းပိုက်နိုင်ခဲ့ကြောင်း စစ်ရေးသတင်းရင်းမြစ်က ပြောပြသည်။

မေလ ၄ရက်မှ ၆ရက်နေ့အတွင်း ဆွမ်ပရာဘွမ်တပ်စခန်း၊ ဂီဒွန်တပ်စခန်း၊ ဆမားတပ်စခန်း အပါအဝင် ဝိုင်းမော်နှင့် ဆွမ်ပရာဘွမ်မှ စစ်ကောင်စီတပ်စခန်း ၁၂ ခုထက်မနည်း သိမ်းပိုက်ခဲ့သည့် KIAကမေလ ၇ရက် မနက်တွင်လည်း ဝိုင်းမော်ရှိ စစ်ကောင်စီစခန်း ၃ခု၊ ဗန်းမော်ရှိ စစ်ကောင်စီ စခန်း ၂ခု ထပ်မံ သိမ်းယူခဲ့ခြင်းဖြစ်သည်။

“လက်နက်ခဲယမ်းတွေ ရပါတယ်။ ၀ိုင်းမော်စခန်းတွေက မနေ့ညနေ စတိုက်တာ။ စင်းခန်း က မနက် ၅နာရီ အချိန်စတိုက်တာ။” ဟု စစ်ရေးသတင်းရင်းမြစ်က ရှင်းပြသည်။

Public Service Announcement

Public Service Announcement

ဗန်းမော်မြို့နယ် စင်းခန်း ဧရာ၀တီ မြစ်ကူးတံတား စောင့်စခန်းန တာဝါတိုင်စခန်း ခလရ(၅၆) ၊ ခလရ(၁၀) စခန်းနှစ်ခုအား မေလ ၇ရက် မနက် ၇နာရီခွဲတွင် သိမ်းပိုက်နိုင်ခဲ့သည်ဟု အသိပေးထားသည်။

“စင်ခန်းတံတားဂိတ်ကကောင်တွေ အကုန်လက်နက်ချတယ်။ သေနတ်တချက်တောင်မဖောက်ရဘဲလက်နက်ချတာ။ စင်ခန်းရွာထဲက စစ်ကြောင်းကိုတော့ ဆက်ချနေပါတယ်” ဟု ကချင်စစ်ရေးသတင်းရင်းမြစ်တစ်ဦးကပြောသည်။

စင်းခန်းရွာသည် ဗန်းမော်မြို့၏ ဧရာဝတီမြစ် အရှေ့ဘက်ကမ်း၌တည်ရှိသည်။ မိုးမောက်၊ ဗန်းမော်နှင့် မန်စီသည် မိုင်အနည်းငယ်စီခြားလျှက် ဒေသချင်း ကုန်းလမ်းဆက်သွယ်ရေးလည်း ဆက်စပ်နေသည်။

“စင်းခန်း ဧရာဝတီ မြစ်ကူးတံတား သိမ်းပိုက်လိုက်ပြီ။အဲဒီတံတားကဗန်းမော်၊ မန်စီ နဲ မိုးညှင်း ဆက်သွယ်ထားတာ။ဗန်းမော်ကို ဝိုင်းပတ်ပိတ်ဆို့နိုင်ဖို့ အရေးပါတဲ့ စစ်ဆင်ရေး ဟုတ်တယ်။ဗန်းမော်ကိုဝိုင်းထားလိုက်ပြီ”ဟု ကချင် စစ်ရေး သတင်းရင်းမြစ်က ပြောသည်။

ထိုအပြင်ဗန်​မော် မြို့နယ်ရှိ တာဝါတိုင်စခန်း ကိုလည်း ​ယ​​​နေ့ နံနက် ၇ နာရီခွဲတွင်သိမ်းပိုက်နိုင်ခဲ့​ကြောင်းစစ်​ရေးရင်းမြစ်များက​ပြောသည်။

ထို့အပြင်ဝိုင်းမော်မြို့နယ် မုန်ကာဇွပ် လောဖြူးနှင့် ဖော့ဒေါ့ စစ်ကောင်စီ လက်အောက်ခံ စခန်း သုံးခုကိုလည်း ယနေ့ မနက် ၇နာရီ တွင် KIA တပ်ရင်း(၃)က ရှင်းလင်းသိမ်းပိုက်ခဲ့သည်ဟု စစ်ရေးသတင်းရင်းမြစ်က ပြောသည်။ အဆိုပါ တပ်စခန်းများတွင် စစ်ကောင်စီနှင့်အတူ ဦးရွှေမင်း ပြည်သူ့စစ်များ ပူးပေါင်းတပ်စွဲထားခြင်းဖြစ်သည်ဟုသိရသည်။

“လောလောဆယ်တော့ တပ်မဟာ(၃) နဲ့ ဗဟိုဒေသမှာ ဖြစ်နေတယ်” ဟု လက်ရှိ ကချင်ဒေသ တိုက်ပွဲဖြစ်ပွားနေမှု အခြေအနေကို ပြောပြသည်။

စစ်ကောင်စီတပ်ကလည်း ဗန်းမော် နှင့် မိုးမောက်ပတ်ဝန်းကျင်ကို လေကြောင်းမှပြင်းပြင်းထန်ထန်တိုက်ခိုက်နေကြောင်း ဒေသခံများကပြောသည်။

” ဗန်းမော်ကိုမနက် ၈နာရီ၃၅မှာ လေကြောင်းကနေစပစ်ပါတယ်။ မိုးမောက်မြို့ကိုလည်း လေကြောင်းကနေပစ်ပါတယ်” ဟု ဒေသခံတဦးကပြောသည်။

“တိုက်ပွဲအပြင်းအထန်ဖြစ်နေတယ်။ ဗန်းမော်တဝိုက် ချနေကြတာ”ဟု ဗန်းမော်မြို့ခံတစ်ဦးကပြောသည်။

KIA အနေဖြင့် မတ်လ ၇ရက်မှ စစ်ရှိန်မြှင့်ခဲ့သည့် ထိုးစစ်အတွင်း စစ်ကောင်စီတပ်စခန်းပေါင်း ၉၀ ​ကျော်ကို သိမ်းပိုက်ထားပြီးဖြစ်ကြောင်း စစ်ရေးသတင်းရင်းမြစ် တို့၏ ပြောပြချက်အရ သိရပြီး ယင်းအထဲ၌ စစ်ကောင်စီတပ်ရင်းဌာနချုပ် များ၊ ဗျူဟာကုန်းများလည်းပါဝင်ပြီး ဆွမ်ပရာဘွမ်၊ ဆင်ဘို၊ လွယ်ဂျယ်မြို့များကို သိမ်းပိုက်ထိန်းချုပ်နိုင်ခဲ့သည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။