Connect with us

Hi, what are you looking for?

LuduNwayOo

သတင်း

ဆောတွင် စစ်ကောင်စီလေကြောင်းတိုက်ခိုက်၍ လသားအရွယ်ကလေးငယ်အပါအဝင် ပြည်သူ ခုနစ်ဦးသေဆုံး၊ ကိုးဦးဒဏ်ရာရ

တံတားဦးလေဆိပ်မှတက်လာသည့် ဂျက်ဖိုက်တာဖြင့် ဗုံးကြဲတိုက်ခိုက်သွားခြင်းဟု ကြားသိရကြောင်း ဂန့်ဂေါမြို့နယ်ပြည်သူ့အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောသည်။

(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ - ယောအလင်းတန်း)
(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ - ယောအလင်းတန်း)

▪️ဆောမြို့နယ်၌ ၆ရက်အတွင်း နှစ်ကြိမ် တိုက်ခိုက်ခြင်းဖြစ်

ဆလိုင်းမာန်အောင်/People’s Spring

မကွေးတိုင်း၊ ဆောမြို့နယ်၊ တောမကျေးရွာကို စစ်ကောင်စီက ယနေ့(မေလ ၁၄ရက်)ညနေ ၃နာရီခန့်တွင် လေကြောင်းမှဗုံးကြဲတိုက်ခိုက်ရာ နေအိမ်အချို့မီးလောင်ပျက်စီးပြီး လသားအရွယ်ကလေးငယ်အပါအဝင် ဒေသခံပြည်သူ ခုနစ်ဦးသေဆုံးကာ ကိုးဦးထိခိုက်ဒဏ်ရာရရှိကြောင်း အဆိုပါဒေသရှိ ပြည်သူ့ကာကွယ်ရေးရဲဘော်အချို့က ပြောသည်။

” တောမရွာကို ပစ်သွားပြန်ပါပြီ။ ရွာမီးလောင်နေတယ်လို့ သတင်းရတယ်။ လူတွေထိတယ်လို့လည်းသိရတယ်”ဟု ဆောမြို့နယ်မှ ပြည်သူ့ကာကွယ်ရေးရဲဘော်တစ်ဦးက ပြောသည်။

(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ - ယောအလင်းတန်း)
(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ – ယောအလင်းတန်း)

ယောအလင်းတန်း​၏ ဖော်ပြမှုအရ လေကြောင်းတိုက်ခိုက်ခံရမှုကြောင့် နေအိမ် နှစ်လုံးမီးလောင်ပြီး နေအိမ်ကိုးလုံး ပျက်စီးခဲ့သည်ဟု ဖော်ပြသည်။ ထို့အပြင် ပြည်သူ ခုနစ်ဦးထိမှန်သေဆုံးပြီး ကိုးဦးဒဏ်ရာရရှိခဲ့သည်ဟု ထပ်မံဖော်ပြထားသည်။

Public Service Announcement

Public Service Announcement

တောမရွာ ဒေသခံတစ်ဦးက” ဒီနေ့နေ့လယ် ၃နာရီ ဝန်းကျင်လောက်မှာ ဘာတိုက်ပွဲဖြစ်ပွားခြင်းမှလဲမရှိဘဲ အပြစ်မဲ့ ပြည်သူနေအိမ်တွေပေါ်ကို ဂျက်ဖိုက်တာနဲ့ ဗုံးကြဲသွားပါတယ်။ အိမ်၂လုံး မီးလောင်ပြာကျသွားတယ်။ အနီးနားမှာရှိတဲ့ လူနေအိမ် ၉လုံးလဲ ရစရာမရှိအောင်ပျက်စီးသွားတယ်။ လက်ရှိအချိန်ထိ လသွားအရွယ် ကလေးငယ်တစ်ဦးအပါအဝင် ပြည်သူယောက်ျား ၃ဦး အမျိုးသမီး ၄ဦး စုစုပေါင်း ၇ဦးသေဆုံးပြီးတော့ ၉ဦးလောက်ကတော့ ပြင်းထန်ဒဏ်ရာရထားတယ်။သေဆုံးတဲ့အထဲမှာ ၈လသားအရွယ်ကလေးတစ်ယောက် နဲ့ ၅နှစ်သားအရွယ်ကလေးတစ်‌ယောက်လဲပါတယ်။တချို့လူနာတွေက စိုးရိမ်ရတဲ့အခြေနေမှာ ရှိတယ်။ ဒဏ်ရာအနဲအကျဉ်းရတဲ့ ပြည်သူကလဲ အများအပြားရှိနေသေးတယ်”ဟု ယောအလင်းတန်းသို့ ပြောသည်။

(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ - ယောအလင်းတန်း)
(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ – ယောအလင်းတန်း)

တံတားဦးလေဆိပ်မှတက်လာသည့် ဂျက်ဖိုက်တာဖြင့် ဗုံးကြဲတိုက်ခိုက်သွားခြင်းဟု ကြားသိရကြောင်း ဂန့်ဂေါမြို့နယ်ပြည်သူ့အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောသည်။

ယခုဖြစ်ရပ်သည် ဆောမြို့နယ်အတွင်း အရပ်သားပစ်မှတ်နေရာများကို ၆ရက်အတွင်း နှစ်ကြိမ် လေကြောင်းမှ တိုက်ခိုက်ခြင်းဖြစ်သည်။

(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ - ယောအလင်းတန်း)
(စစ်ကောင်စီလေကြောင်းတိုက်ခိုက်မှုကြောင့် ဆောမြို့နယ်၊ တောမကျေးရွာ နေအိမ်များ မီးလောင်ပျက်စီးနေသည်ကို တွေ့ရစဉ်။ ဓာတ်ပုံ – ယောအလင်းတန်း)

ဆောမြိုနယ်တွက် အကြည်ပန်းပလွန်းကျေးရွာ ဘုန်းကြီးကျောင်းတွင် မေလ ၉ရက်က ဒေသခံများစုစည်းပြီး ဒေသဖွဲ့ဖြိုးရေးနှင့် လမ်းပန်းဆက်သွယ်ရေး၊ ကုန်စည်စီးဆင်းရေးအတွက် တွေ့ဆုံဆွေးနွေးနေစဉ် စစ်ကောင်စီက လေကြောင်းမှတိုက်ခိုက်ခဲ့ရာ အရပ်သား ၁၆ဦးသေဆုံးပြီး ၃၀ ကျော်ဒဏ်ရာရရှိခဲ့သည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။