Connect with us

Hi, what are you looking for?

LuduNwayOo

သတင်း

မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့

ဆုံရွာ တိုက်ခိုက်ခံရမှုမှာ PDFတွေဒရုန်းနဲ့ဗုံးချတာ ၊လက်နက်ကြီးနဲ့ပစ်ခတ်တာတွေကြောင့် ကျေးရွာထဲက ကလေးငယ် အပါအဝင် ၃၂ ဦး သေဆုံးပြီး ဒဏ်ရာရသူ ၁၄ ဦး ရခဲ့တယ်လို့စစ်ကောင်စီက ထုတ်ပြန်ပါတယ်။

မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့
မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့

ဆိုင်းမင်း/People’s Spring

မန္တလေးတိုင်း၊ မြင်းခြံမြို့နယ်ထဲက ရွာရှည်ကျေးရွာ ဒေသခံတွေဟာ PDF ကို ကြိုဆိုအောင်ပွဲခံလို့ဆိုပြီး အဲဒီရွာကို မေလ ဒုတိယပတ်အတွင်း စစ်ကောင်စီတပ်က စီးနင်းကာ မီးရှို့ဖျက်ဆီးလိုက်ပါတယ်။

ရွာရှည်ရွာကို မေလ ၁၃ ရက်နဲ့ ၁၄ ရက်တွေမှာ စစ်ကောင်စီအင်အား ၂၀၀ ခန့် စစ်ကြောင်းထိုးပြီး ရွာလုံးကျွတ်မီးရှို့သွားတာလို့ မြင်းခြံ.အခြေစိုက်. Myingyan Black Tiger အဖွဲ့က ထုတ်ပြန်ပါတယ်။

အဲဒီအဖွဲ့ရဲ့ ထုတ်ပြန်တဲ့ ဓာတ်ပုံတွေအရ ရွာရှည်ရွာ တစ်ရွာလုံးနီးပါး မီးလောင်ပြာကျသွားတာတွေ့ရပါတယ်။

Public Service Announcement

Public Service Announcement

မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့
မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့

ပြီးခဲ့တဲ့ မေလ ၉ ရက်က ရွာရှည်ရွာ နဲ့ တစ်မိုင်ခန့်သာဝေးတဲ့ ဆုံရွာက ပျုစောထီးစခန်းကို ဒေသအခြေစိုက် တော်လှန်ရေးအင်အားစုက ဝင်ရောက်တိုက်ခိုက်ခဲ့ပါတယ်။

ဆုံရွာ တိုက်ခိုက်ခံရမှုမှာ PDFတွေဒရုန်းနဲ့ဗုံးချတာ ၊လက်နက်ကြီးနဲ့ပစ်ခတ်တာတွေကြောင့် ကျေးရွာထဲက ကလေးငယ် အပါအဝင် ၃၂ ဦး သေဆုံးပြီး ဒဏ်ရာရသူ ၁၄ ဦး ရခဲ့တယ်လို့စစ်ကောင်စီက ထုတ်ပြန်ပါတယ်။

မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့
မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့

Myingyan Black Tiger အဖွဲ့ရဲ့ တာဝန်ခံ ကိုမိုက်ခဲက တော့ ဆုံရွာကို တိုက်ခိုက်မှုမှာ စစ်ကောင်စီရဲ့လက်နက်ကိုင် ပျုစောထီးစခန်းတွေကိုပဲ ပစ်မှတ်ထားခဲ့တာလို့ မြန်မာနောင်းမ် မီဒီယာကိုဖြေထားပါတယ်။

တိုက်ပွဲအတွင်း ဆုံရွာနဲ့မဝေးတဲ့ဧရာဝတီမြစ် ၊ ဆီမီးခုံဆိပ်ကမ်းမှာ နေရာယူထားတဲ့ စစ်သင်္ဘောနဲ့ မြစ်ကမ်းပေါ်က စစ်ကောင်စီတပ်စခန်းတွေက လက်နက်ကြီးနဲ့ တိုက်ပွဲဖြစ်ရာဆီပစ်ခတ်ခဲ့တယ်လို့ ကိုမိုက်ခဲက ပြောထားပါတယ်။

တော်လှန်ရေးအဖွဲ့ဝင်တွေပြန်ဆုတ်တဲ့အချိန် ထိ စစ်ကောင်စီတပ်က လက်နက်ကြီးနဲ့ ဆက်လက်ပစ်ခတ်နေဆဲဖြစ်ပြီး လက်နက်ကြီးကြောင့် တော်လှန်ရေးအဖွဲ့ဝင် အချို့ လည်း ဒဏ်ရာရခဲ့တယ်လို့ကိုမိုက်ခဲက ဆိုထားပါတယ်။

ဆုံရွာက ပျုစောထီးစခန်းကိုတိုက်ခိုက်ပြီးပြန်လာတဲ့ တော်လှန်ရေးအင်အားစုတွေကို ရွာရှည်ရွာ ဒေသခံတွေက အောင်ပွဲခံကြိုဆိုတယ်ဆိုပြီး စစ်ကောင်စီဝါဒဖြန့် တယ်လီဂရမ်ချန်နယ်တွေက ဓာတ်ပုံတွေ ၊ ဒေသခံတွေရဲ့အမည်တွေနဲ့တကွ ဖြန့်ဝေတာတွေလုပ်ဆောင်ခဲ့ပါတယ်။

မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့
မြင်းခြံ ရွာရှည်ကျေးရွာကို စစ်ကောင်စီတပ် ရွာလုံးကျွတ်မီးတင်ရှို့

ဒီလိုဖြန့်ဝေပြီး ရက်ပိုင်းအတွင်းမှာပဲ ရွာရှည်ရွာကို စစ်ကောင်စီတပ်က စစ်ကြောင်းထိုးပြီး မီးရှို့ဖျက်ဆီးတာကို ဒေသခံတွေကြုံရတာပါ။

ရွာရှည်ရွာက အိမ်ခြေ ၃၀၀ ခန့် မီးရှို့ခံရပြီး ဒေသခံ ၁,၀၀၀ ဝန်းကျင်ထွက်ပြေးနေရတယ်လို့သိရပါတယ်။

မေလ ၁၃ ရက်ကစပြီး အင်အား ၂၀၀ ခန့်နဲ့ ထိုးစစ်ဆင်လာတဲ့ စစ်ကောင်စီစစ်ကြောင်းကို ပထမရက်မှာ ခုခံနိုင်ပေမယ့် နောက်ရက်မှာတော့ ဆီမီးခုံဆိပ်ကမ်း ရေတပ်ကနေ ပစ်ကူပေးတာ ၊ ဒရုန်းနဲ့ဗုံးကြဲတာတွေကြောင့် ဆုတ်ပေးလိုက်ရတာလို့ Myingyan Black Tiger အဖွဲ့က ဆိုပါတယ်။

အဲဒီနောက်မှာတော့ စစ်ကောင်စီစစ်ကြောင်းက ရွာလုံးကျွတ်မီးရှို့ပြီး ဒေသခံ ၄ ဦးကိုလည်း သတ်ဖြတ်သွားတယ်လို့ Myingyan Black Tiger အဖွဲ့က ဖော်ပြပါတယ်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။