Connect with us

Hi, what are you looking for?

LuduNwayOo

သတင်း

လွိုင်ကော်မြို့တွင် ယနေ့နံနက် တိုက်ပွဲပြင်းထန်နေ

လွိုင်ကော်မြို့ စက်မှုဇုန်တည်နေရာသည် လွိုင်ကော် -မိုးဗြဲ- ဆီဆိုင် လမ်းခွဲပေါ်တွင်ရှိပြီး စစ်ကောင်စီက အဆိုပါလမ်းပိုင်းကို ကနဦးထိန်းချုပ်နိုင်ရေး ကြိုးပမ်းနေကြောင်း ဒေသခံ စစ်ရေးသတင်းရင်းမြစ်က အသိပေးသည်။

(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ - Loikaw Local PDF Alpha-4)
(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ - Loikaw Local PDF Alpha-4)

ရဲခေါင်/People’s Spring

ကရင်နီပြည်နယ်၊ လွိုင်ကော်မြို့၊စက်မှုဇုန်၌ ယနေ့(မေလ ၃၀ရက်)နံနက်အစောပိုင်းကစ၍ တိုက်ပွဲပြင်းထန်နေကြောင်း ဒေသခံနှင့် ရဲဘော်အချို့က ပြောသည်။

လွိုင်ကော်နှင့် မိုးဗြဲမြို့ကို ပြန်လည်ရရှိရေးအတွက် ရှမ်းပြည်နယ် ဆီဆိုင်မြို့မှ စစ်ကြောင်းထိုးလာသည့် စစ်ကောင်စီတပ်ကို တော်လှန်ရေးတပ်ဖွဲ့များမှ ခုခံတိုက်ခိုက်နေခြင်းဟု ဆိုသည်။

“၆ နာရီလောက်ကတည်းက တိုက်ပွဲစဖြစ်နေတာ။ စကစဘက်က စစ်ကြောင်းတိုးလာလို့ တိုက်ပွဲ ဖြစ် နေတာလို့ လောလာဆယ်ပြောလို့ရတယ်”ဟု လွိုင်ကော်မြို့အခြေစိုက် ပြည်သူ့ကာကွယ်ရေးတပ်သားတစ်ဦးက ပြောသည်။

Public Service Announcement

Public Service Announcement

(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ - Loikaw Local PDF Alpha-4)
(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ – Loikaw Local PDF Alpha-4)

လွိုင်ကော်မြို့ စက်မှုဇုန်တည်နေရာသည် လွိုင်ကော် -မိုးဗြဲ- ဆီဆိုင် လမ်းခွဲပေါ်တွင်ရှိပြီး စစ်ကောင်စီက အဆိုပါလမ်းပိုင်းကို ကနဦးထိန်းချုပ်နိုင်ရေး ကြိုးပမ်းနေကြောင်း ဒေသခံ စစ်ရေးသတင်းရင်းမြစ်က အသိပေးသည်။

“ကယန်းသာယာ ကိုကျော်ပြီး စက်မှုဇုန်ဘက်တိုးလာတဲ့ပုံအရ လွိုင်ကော်နဲ့ မိုးဗြဲလမ်းပိုင်းကို ထိန်းချုပ်မယ်။ပြီးရင် လွိုင်ကော်ကို အင်နဲ့အားနဲ့ ဝင်စောင့်လိမ့်မယ်လို့ ယူဆရတယ်”ဟု ၎င်းက ပြောသည်။

လွိုင်ကော် -မိုးဗြဲ- ဆီဆိုင် လမ်းခွဲအနီးတစ်ဝိုက် တိုက်ပွဲများဖြစ်ပွားနေကြောင်း ကရင်နီအမျိုးသားများကာကွယ်ရေးတပ်(KNDF) တာဝန်ရှိသူက လူထုနွေဦးသို့ပြောထားသည်။

“အရင်နဲ့မတူတဲ့အချက်က စကစစစ်ကြောင်းမှာ ဒရုန်းကောင်းကောင်းတွေပါလာတယ်။ ဒရုန်းထောက် ၊ဒရုန်းချပြီး ရွေ့လျားလာတယ်”ဟု လွိုင်ကော်အခြေစိုက် တော်လှန်ရေးတပ်ဖွဲ့ဝင်တစ်ဦးက ပြောသည်။

(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ - Loikaw Local PDF Alpha-4)
(Loikaw Local PDF Alpha-4မှ ရဲဘော်များအား တွေ့ရစဉ်။ ဓာတ်ပုံ – Loikaw Local PDF Alpha-4)

လက်ရှိ စစ်ရေးအခြေအနေကြောင့် လွိုင်ကော်-ဒီးမော့ဆိုမြို့ အဝင်၊အထွက်လမ်းများအားလုံးကို ယာယီပိတ်လိုက်ကြောင်းလည်း သိရသည်။

ထို့အပြင် လွိုင်ကော်မြို့တွင် နေထိုင်သူများနှင့် စစ်ဘေးရှောင်ပြည်သူများအနေဖြင့် စစ်ရေးအထူးသတိပြုရန်လည်း တော်လှန်ရေးအင်အားစုများက သတိပေးသည်။

လွိုင်ကော်မြို့တွင် စစ်ကောင်စီပင်မ အခြေစိုက်ရာ ဒေသကွပ်ကဲရေးစစ်ဌာနချုပ် (ဒကစ လွိုင်ကော်အပါအဝင်) ခြေလျင်တပ်ရင်း ခလရ (၂၆၁)၊ ခလရ (၂၅၀)၊ခလရ (၅၄)၊ အမြောက်တပ်ရင်း (အမတ-၃၆၂)၊တပ်မတော် ဆေးရုံ (တဆရ – အမှတ် ၇)၊ထောက်ပို့နှင့်ပို့ဆောင်ရေးတပ်ခွဲ(ထပခ -၇၂၂) တို့ရှိသည်။

ဆက်စပ်သတင်းများ

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

မြေပြင်တွင် AA တပ်ဖွဲ့ဝင်အများအပြားက နယ်မြေစိုးမိုးထားပြီး ဂေါ့ကျေးရွာတောင်ပေါ်စခန်းတွင် တပ်စွဲထားသည့်စစ်ကောင်စီတပ်ဖွဲ့ဝင်များ ဇွန် ၃ ရက်နေ့လယ်ပိုင်း၌ ဆုတ်ခွာထွက်​ပြေးသွားကြောင်း သတင်းရရှိသည်။

သတင်း

ဝိုင်းမော် အခြေစိုက် ခမရ(၃၂၁)သည် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် အတွက် အရေးကြီးသည့် တပ်စခန်းဖြစ်သကဲ့သို့ ရှေ့တန်းစခန်းများသို့ စစ်လက်နက်နှင့် ရိက္ခာ ထောက်ပံ့ပေးသည့် တပ်စခန်းဖြစ်သည်ဟု KIAက အသိပေးထားသည်။

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။