ရဲဘော်သွေးသစ်များကို အစီအစဉ်တကျ လက်ခံ၎ အခြေခံစစ်သင်တန်း၊ မွမ်းမံသင်တန်းများကို ပြု လုပ်နေပြီး ဆက်သွယ်လာသူများကိုကြိုဆိုကြောင်း ကရင်နီအမျိုးသားများကာကွယ်ရေးတပ် KNDF တပ်ရင်း ၂ က ယနေ့ထုတ်ပြန်သည်။
မီဒီယာပလက်ဖောင်းများပေါ်မှ တရားဝင်တပ် သားသစ်ခေါ်ယူခြင်းများမကြေညာသော်လည်း မြေပြင်အဆက်အသွယ်နှင့်စည်းရုံးရေးများမှတစ်ဆင့် တပ် ရင်းတွင်တာဝန်ထမ်းဆောင်လိုသော ရဲဘော်သွေးသစ်များကို အစီအစဉ်တကျ လက်ခံစီမံကာအခြေခံစစ် သင်တန်း၊ မွမ်းမံသင်တန်းများကို ပြုလုပ်ပေးနေကြောင်း ဖော်ပြထားသည်။
ထို့အတူ စစ်ကောင်စီ စစ်အုပ်ချုပ်မှုကိုဆန့်ကျင်ကြသူများအတွက် ခုခံတွန်းလှန်ခြင်းလမ်းစဉ်ကနေ ကကြိုဆိုပြီး နယ်ပယ်အလိုက် အကောင်းဆုံးကူညီနိုင်ဖို့ တတ်နိုင်သ၍ ကြိုးစားသွားမည်ဟု အသိပေးထားသည်။
စစ်မှုထမ်းဥပဒေပြဌာန်းပြီးနောက်တွင်တာဝန်ထမ်း ဆောင်ရန် တပ်ရင်းသို့ဆက်သွယ်လာသူများရှိနေပြီး စိစစ်လက်ခံလျက်ရှိကြောင်းလည်း အသိပေးသည်။
Public Service Announcement
“လက်ရှိအခြေအနေမှာ စစ်ကောင်စီညစ်လုံးဖြစ်တဲ့စစ်မှုထမ်းဥပဒေရဲ့ ဆိုးဝါးတဲ့ဖိနှိပ်မှုကြောင့် နောက် ထပ်ကြပ်တည်းမှုကြီးတစ်ရပ်ကို ကြုံနေကြရတာဖြစ်ပါတယ်။ ဒီလိုအခြေအနေမှာစစ်ကောင်စီရဲ့ဘက် တော်သားအဖြစ် မခံယူချင်တဲ့ လူငယ်လူရွယ်အများအပြားဟာ ရွေးချယ်စရာလမ်းကြောင်းနည်းပါးလာပြီး နိုင်ငံကနေထွက်ခွာရှောင်တိမ်းခြင်းမပြုလုပ်နိုင်လျှင် စစ်ကောင်စီအလိုကျ ဖိနိပ်မှုယန္တရားကို တနည်းနည်းဖြင့်အားဖြည့်ပါဝင်ရခြင်းတို့ကို မလွဲရှောင်သာလုပ်ရတော့မှာဖြစ်ပြီးတော့ နောက်ထပ်ရွေးချယ်မှုတစ်ခုအနေနဲ့ လွတ်မြောက်နယ်မြေတွေပိုင်ဆိုင်ထားပြီး ဆက်လက်ဖော်ဆောင်တိုက်ပွဲဝင်နေကြတဲ့တော် လှန်ရေးအဖွဲ့အစည်းတွေဆီမှာ အားဖြည့်ပါဝင်ကြတာပါ”ဟု KNDF တပ်ရင်း ၂ က ပြောသည်။
တပ်ရင်းတွင် အခြေခံစစ်သင်တန်း(၃)ခု၊ မွမ်းမံစစ် သင်တန်း(၂)ခုကို ပြုလုပ်ပြီးစီးထားကာ သင်တန်းဆင်းရဲဘော်များသည် သက်ဆိုင်ရာ နေရာနယ်ပယ်များ၌ တာဝန်ထမ်းဆောင်လျက်ရှိကြောင်း လည်းဖော်ပြသည်။
ကရင်နီအမျိုးသားများကာကွယ်ရေးတပ် KNDF တပ်ရင်းအမှတ်(၂) ဟာ KNDF၏ စစ်ဗျူဟာအ မှတ်(၂)တွင်ပါဝင်နေပြီး လွိုင်ကော်မြို့အပါအဝင်အခြားဆက်စပ်နေရာများ၌ စစ်ရေးတာဝန်များ ထမ်းဆောင်နေကြောင်း သိရသည်။
