Connect with us

Hi, what are you looking for?

LuduNwayOo

သတင်း

ရွှေဘိုရှိ ပျူစောထီးရွာသုံးရွာ သုံးရက်ဆက်တိုက်ခိုက်ခံရ

အလားတူ မေလ ၂၄ ရက် နံနက် ၄နာရီခွဲခန့်က ရွှေဘိုမြို့နယ်၊ ညောင်ကိုင်းပျူစောထီးကျေးရွာအား ဒေသတွင်းတော်လှန်ရေးအင်အားစုများက တိုက်ခိုက်ခဲ့သည်။

(စစ်ဆင်ရေးတစ်ခုတွင် စစ်ကောင်စီတပ်အား တိုက်ခိုက်နေသော မဟူရာရွှေဘိုသား LPDF အဖွဲ့ဝင်ရဲဘော်များအား တွေ့ရစဥ်။ ဓာတ်ပုံ -File Video)
(စစ်ဆင်ရေးတစ်ခုတွင် စစ်ကောင်စီတပ်အား တိုက်ခိုက်နေသော မဟူရာရွှေဘိုသား LPDF အဖွဲ့ဝင်ရဲဘော်များအား တွေ့ရစဥ်။ ဓာတ်ပုံ -File Video)

ဇေအောင်/People’s Spring

စစ်ကိုင်းတိုင်း၊ ရွှေဘိုမြို့နယ်ရှိ ပျူစောထီးရွာ သုံးရွာအား ဒေသတွင်းတော်လှန်ရေးအင်အားစုများက သုံးရက်ဆက် တိုက်ခိုက်ခဲ့သည်။

မေလ ၂၅ ရက်က ရွှေဘိုမြို့နယ်၊ မြင်းချင်းပျုရွာနှင့်ကော့ရွာ၊ မေလ ၂၆ ရက်က ကော့ရွာနှင့် ရွှေဘိုမြို့ပေါ် အမှတ်(၅)ရပ်ကွက်အတွင်း တပ်စွဲထားသော စစ်ကောင်စီတပ်တို့အား ဒရုန်းများ၊ လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း ရွှေဘိုမြို့နယ် ပြည်သူ့ကာကွယ်ရေးအဖွဲ့ တာဝန်ရှိသူက ပြောသည်။

“မြင်းချင်းက တစ်ကောင်သေတယ်။ သုံးကောင် ဒဏ်ရာရတယ်။ ကော့ရွာက တစ်ကောင်သေနဲ့ ထိခိုက်ဒဏ်ရာ များတယ်လို့ သိရတယ်။”ဟု အထက်ပါတာဝန်ရှိသူက ပြောသည်။

Public Service Announcement

Public Service Announcement

အလားတူ မေလ ၂၄ ရက် နံနက် ၄နာရီခွဲခန့်က ရွှေဘိုမြို့နယ်၊ ညောင်ကိုင်းပျူစောထီးကျေးရွာအား ဒေသတွင်းတော်လှန်ရေးအင်အားစုများက တိုက်ခိုက်ခဲ့သည်။

တိုက်ပွဲမှာ ၅ နာရီခန့်ကြာမြင့်ခဲ့ပြီး ညောင်ကိုင်း ပျူစောထီးခေါင်းဆောင်စိုးနိုင်၏ သားအကြီး ကျောက်စိမ်း ၊ ဝင်းမြင့်၊ အောင်ဘုတို့ သေဆုံးကာ စစ်ကောင်စီတပ်သားနှင့်ပျူစောထီး ၁၅ဦးခန့် ထိခိုက်ဒဏ်ရာရရှိခဲ့ကြောင်း မဟူရာရွှေဘိုသား LPDFအဖွဲ့၏ တာဝန်ရှိသူက ပြောသည်။

“နှုတ်ခမ်းနီ(ကျည်)မလောက်တော့လို့ စခန်းမသိမ်းနိုင်ခဲ့တာ။”ဟု မဟူရာရွှေဘိုသားLPDF အဖွဲ့တာဝန်ရှိသူက ပြောသည်။

“ကျွန်တော်တို့ကတော့ ညောင်ကိုင်းပျူရွာကိုတိုက်တဲ့အချိန်မှာ တခြားရွာကပျူတွေ ထွက်မလာအောင် ကြားထဲကနေ ဆီးဖြတ်ပေးရတာ။”ဟု ဗိုလ်ကျားရိုင်းပြည်သူ့ကာကွယ်ရေးအဖွဲ့၏ ပြန်ကြားရေးတာဝန်ခံက ပြောသည်။

သို့သော် စစ်ကောင်စီတပ်နှင့် ပျူစောထီးများ၏ ထိခိုက်သေဆုံးမှုကိုမူ လူထုနွေဦးက သီးခြားအတည်ပြုနိုင်ခြင်း မရှိသေးပေ။

ညောင်ကိုင်းပျူစောထီးရွာ စစ်ဆင်ရေးအား မဟူရာရွှေဘိုသားLPDF ၊ ဗိုလ်ကျားရိုင်းပြည်သူ့ကာကွယ်ရေးအဖွဲ့၊ ဗိုလ်မဟာပြည်သူ့ကာကွယ်ရေးအဖွဲ့၊ ရောင်နီပြည့်သူ့ကာကွယ်ရေးအဖွဲ့ ၊နဂါးနီ၊ရွှေဘိုခရိုင်တပ်ရင်း (၂၁)၊ ရေဦးမြို့နယ် ပကဖ (Phoenix တပ်ခွဲ၊ Galaxy Force)၊ Zero Fighter Squad ၊CAF , 96 Soldiers, PLA နှင့် Ka Naung ကူညီတိုက်ခိုက်ခဲ့ကြပြီး ‌လက်နက်ကြီးပစ်ကူအဖြစ် Lightning Drone Force ၊ ကနီမြို့နယ် ပကဖ J PDF ဒရုန်းတပ်ဖွဲ့ နှင့် အရာတော်မြို့နယ် နောင်ရိုးတပ်ဖွဲ့မှ တပ်ကူပေးခဲ့ကြောင်း သိရသည်။

ဆက်စပ်သတင်းများ

သတင်း

စစ်ကောင်စီတပ်သည် TNLAနှင့် အပစ်ရပ်စဲထားသော်လည်း TNLA တပ်စခန်း ရှိရာသို့ လေကြောင်း၊ လက်နက်ကြီး တိုက်ခိုက်မှုများ မကြာခဏ ပြုလုပ်လျက်ရှိသည်။

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

သတင်း

စဉ့်ကူးမြို့သည် ဧရာဝတီမြစ်ဘေးရှိ မြို့ဖြစ်ပြီး စစ်ကောင်စီသည် ထုံးကြီးရွာအပါအဝင်မြစ် အရှေ့ပိုင်းကျေးရွာအချို့၌ တပ်စွဲထားသည်။