Connect with us

Hi, what are you looking for?

LuduNwayOo

သတင်း

ကျောက်မဲမြို့ခံစစ်ရှောင်များ ပြန်လည်နေထိုင်

ဇွန်လ ၂၅ရက်မှစတင်သည့် တိုက်ပွဲကာလ၌ ကျောက်မဲမြို့တွင် တိုက်ပွဲအပြင်းအထန်ဖြစ်ခဲ့ပြီး အရပ်သားသေဆုံးမှုများလည်းရှိခဲ့သည်။

(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ - CJ)
(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ - CJ)

ယောနသံ/People’s Spring

တအာင်းတပ်မတော်(TNLA)ထိန်းချုပ်ထားသည့် ကျောက်မဲမြို့ပေါ်သို့ ပြီးခဲ့ရက်ပိုင်းက တိုက်ပွဲများကြောင့် တိမ်းရှောင်နေသော ဒေသခံပြည်သူ များမှာ ပြန်လည်ဝင်ရောက်နေထိုင်ကြပြီဟု သတင်းရရှိသည်။

ရှမ်းပြည်နယ်မြောက်ပိုင်း၊ ကျောက်မဲမြို့တွင် ဇွန်လ ၂၅ရက်မှစ၍ တိုက်ပွဲပြင်းထန်စွာဖြစ်ပွားပြီးနောက် ဒေသခံများသည် မြို့အပြင် အနီးနားကျေးရွာများသို့ သွားရောက်တိမ်းရှောင်ခဲ့ကြပြီး ဇူလိုင် ၅ရက်ကစ၍ တဖြေးဖြေး ပြန်ဝင်ရောက် လာခြင်းဟု သတင်းရရှိသည်။

(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ - CJ)
(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ – CJ)

” စစ်ဘေးရှောင်နေတဲ့မြို့ခံတွေ ပြန်ဝင်လာကြပြီ။ မြို့ထဲမှာက တိုက်ပွဲမဖြစ်တော့ဘူး။ လက်နက်ကြီးနဲ့ လေကြောင်းအန္တရာယ်တော့ကြောက်ရသေးတယ်။ ဒါပေမဲ့မြို့ခံတွေပြန် ဝင်လာကြပြီ”ဟု မြို့ခံတစ်ဦးက ပြောသည်။

Public Service Announcement

Public Service Announcement

ကျောက်မဲမြို့ပေါ်ရှိ စစ်ကောင်စီစခန်းများနှင့် ဌာနဆိုင်ရာရုံးများအားလုံးကို TNLA ပူးပေါင်းတပ်က တိုက်ခိုက်သိမ်းယူထားသည်။

မြို့မြောက်ဘက် (၂)မိုင်အကွာရှိ စစ်ကောင်စီ ခြေမြန်တပ်ရင်း အမှတ်(၅၀၁၊ ၅၀၂)တပ်စခန်းနှစ်ခု ကျန်ရှိနေသေးသည်။ ယင်းနေရာကို တိုက်ပါက စစ်ကောင်စီကမြို့ကို ဗုံးကြဲတိုက်ခိုက်နေ၍ TNLAက ထိုးစစ်ရပ်ထားခြင်းဟု ဒေသခံအချို့က ပြောသည်။

” TNLA တပ်သားတွေက မြို့ထဲကင်းပတ်တယ်။ ရဲတပ်ဖွဲ့က လုံခြုံရေးရော၊ တခြားအမှုကိစ္စတွေပါ ထိန်းနေတယ်”ဟု မြို့ခံတစ်ဦးက ပြောသည်။

(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ - CJ)
(မြို့သိမ်းတိုက်ပွဲဆင်နွှဲသည့် ဇွန်လ ၂၅ရက်က ကျောက်မဲမြို့မြင်ကွင်း။ ဓာတ်ပုံ – CJ)

အနက်ရောင်ဝမ်းဆက်ယူနီဖောင်းဝတ် TNLA ရဲတပ်ဖွဲ့ဝင်အများအပြားကို ကျောက်မဲမြို့နေရာအများစု၌တွေ့ရပြီး ဆိုင်ကယ်ဖြေးဖြေးမောင်းရန်၊ ကားမှန်ချမောင်းရန် ပြောဆိုကြောင်း ကိုယ်တိုင်တွေ့ရှိခဲ့ ကျောက်မဲမြို့ခံတစ်ဦးက ပြောသည်။

မြို့သည်ပြန်လည်စည်ကားခြင်းမရှိသေးသော်လည်း နံနက်ပိုင်းစျေးများ ပြန်ဖွင့်ထားကာ စားသောက်ကုန်များဝယ်ယူ၍ရကြောင်း သိရသည်။

ဇွန်လ ၂၅ရက်မှစတင်သည့် တိုက်ပွဲကာလ၌ ကျောက်မဲမြို့တွင် တိုက်ပွဲအပြင်းအထန်ဖြစ်ခဲ့ပြီး အရပ်သားသေဆုံးမှုများလည်းရှိခဲ့သည်။

လားရှိုး၊ ကျောက်မဲ၊ နောင်ချို၊ သီပေါ ၊ မိုးကုတ်၊ မိုးမိတ်မြို့နယ်များတွင် ဇွန်လ ၂၅ရက်မှဇူလိုင် ၆ရက်အထိ အရပ်သား ၄၄ဦး သေဆုံးပြီး ၅၇ ဦးဒဏ်ရာရခဲ့ရာ ကျောက်မဲနှင့် လားရှိုးမြို့တွေအများဆုံးဖြစ်ခဲ့သည်။

ဆက်စပ်သတင်းများ

သတင်း

ကျောက်မဲမြို့တွင် ဇူလိုင် ၁၄ ရက်ညနေပိုင်းက စစ်ကောင်စီလက်နက်ကြီးပစ်ခတ်မှုတွင် အရပ်သားနှစ်ဦးထပ်မံဒဏ်ရရှိခဲ့ကြောင်း သတင်းရရှိသည်။

သတင်း

သီပေါမြို့နယ်၊ ကြံခင်းကျေး ရွာအုပ်စု၊ ကြံခင်းကျေးရွာ အတွင်း၌လည်း TNLA တပ်က SSPP/SSA တပ်ကို ပစ်ခတ်တိုက်ခိုက်မှု ရှိခဲ့ကြောင်း ဖော်ပြသည်။

သတင်း

တိုက်ပွဲဖြစ်ပွားချိန်တွင် စစ်​ကောင်စီ၏ဌာနဆိုင်ရာဝန်ထမ်းများသည် ကိုယ့်အစီအစဉ်နှင့်ကိုယ် ထွက်ပြေးပုန်း‌​​အောင်းခဲ့ကြရသည်ဟု သတင်းရရှိသည်။

သတင်း

TNLAနှင့် စစ်ကောင်စီတပ်တို့သည် ဇွန်လ ၂၅ရက်မှစတင်၍ ကျောက်မဲ၊ သီပေါ၊ မိုးကုတ်နှင့် နောင်ချိုမြို့နယ်တို့၌ တိုက်ပွဲများဖြစ်ပွားခဲ့ရာ စစ်ကောင်စီတပ်၏ စစ်ရေးလှုပ်ရှားမှု အခြေအနေကို လွေးယေဦးက ရှင်းပြခြင်းဖြစ်သည်။