ကျော်ဇော/People’s Spring
တနင်္သာရီတိုင်း၊ ပုလောမြို့နယ်တွင် စစ်ကောင်စီတပ်နှင့်ရဲများအထိုင်ချတပ်စွဲထားသည့် ပလရဲစခန်းကို ဒရုန်းဖြင့်ဗုံးသီး ၁၁ကြဲတိုက်ခိုက်ခဲ့ကြောင်း ပုလော(ပကဖ)၊ ဒရုန်းတပ်စိတ် (Shadow Squad)မှ တာဝန်ရှိသူတစ်ဦးက ပြောသည်။
ယမန်နေ့(ဇူလိုင် ၂၁)မွန်းလွဲ ၁၂ နာရီခွဲခန့်က စစ်ကောင်စီတပ်နှင့်ရဲ အင်အား ၇၀ ခန့်ဖြင့် တပ်စွဲထားသော ပလရဲစခန်းကို Shadow Squad တပ်စိပ်နှင့် ပြည်သူ့ကာကွယ်ရေး တပ်မတော် (PDF) မြိတ်ခရိုင်အမှတ်(၁)တပ်ရင်းတို့ပူးပေါင်း တိုက်ခိုက်ခဲ့ခြင်း ဖြစ်သည်။
Public Service Announcement
“၄ နေရာခွဲနေတယ်ပေါ့။ စခန်းထဲ ၇လုံးကျရောက်ပေါက်ကွဲခဲ့ပါတယ်ဗျ။ သူတို့ တန်း လျားတည့်တည့်ကို ၃လုံး၊ အမြောက်ခုံးနဘေး ၂လုံး၊ ဘန်ကာအပေါ် နှစ်လုံးပေါ့”ဟု ပုလောမြို့နယ် (ပကဖ)ဒရုန်းတပ်စိပ် (Shadow Squad)မှ တာဝန်ရှိသူတစ်ဦးက လူထုနွေဦးသို့ ပြောသည်။
ဗုံးသီးကြဲချတိုက်ခိုက်မှုတွင် ပလရဲစခန်းရှိ လိုင်းခန်း အမိုးပွင့်သွားပြီး စစ်ကောင်စီတပ်ဘက်မှ လက်နက်ကြီးလက်နက်ငယ်များဖြင့် ပြန်လည်ပစ်ခတ်ခဲ့သော်လည်း ရဲဘော်များအထိအခိုက်မရှိ ဆုတ်ခွာနိုင်ခဲ့ကြောင်း ၎င်းက ဆက်ပြောသည်။
ပလမြို့ရဲးခန်းအား ဒရုန်းဖြင့်ဗုံးသီးချတိုက် ခိုက်သည့် စစ်ဆင်ရေးသည် ယခုအကြိမ်မှာ တတိယအကြိမ်မြောက်ဖြစ်ပြီး စစ်ကောင်စီဘက်မှ ထိခိုက်သေဆုံးမှုအခြေအနေကို အသေးစိပ်မသိရသေးကြောင်း ဒရုန်းတပ်စိပ် (Shadow Squad)က အသိပေးသည်။
ဇူလိုင် ၁ရက်မှစပြီး ပုလောမြို့နယ်အတွင်းရှိ စစ်ကောင်စီစခန်းများဖြစ်သော ခလရ(၂၈၅)၊ ပလရဲစခန်း၊ ပုလောရဲစခန်းနှင့် မီးလောင်ချောင်းဂိတ်စခန်းများကို တော်လှန်ရေးပူးပေါင်းအဖွဲ့များက ဒရုန်းများဖြင့် ဗုံးသီးကြဲချတိုက်ခိုက်ခြင်းများ လုပ်ဆောင်ထားသည်။
