ဆိုင်းမင်း/People’s Spring
မန္တလေးမြို့ မှာ ပြီးခဲ့တဲ့ ရက်ပိုင်းအတွင်း သုံးဘီးအငှားယာဉ်မောင်း အမျိုးသား သတ်ဖြတ်ခံရပြီး သုံးဘီးကို လုယက်သွားတဲ့ လူသတ်မှု ဖြစ်ပွားခဲ့တယ်လို့ကာယကံရှင်မိသားစုနဲ့ နီးစပ်သူထံကသိရပါတယ် ။
အသတ်ခံရတဲ့ သုံးဘီးယာဉ်မောင်းဟာ အသက် ၅၀ အရွယ် ဦးညွန့်ဝင်း ဆိုသူဖြစ်ပြီး မဟာအောင်မြေမြို့ နယ် ၊မာလကာခြံ မှာနေထိုင်သူဖြစ်ပါတယ် ။
Public Service Announcement
သူဟာ ဇူလိုင်လ ၂၃ ရက်က ပုသိမ်ကြီးမြို့နယ်ထဲက အသဲစွဲတောင် အပန်းဖြေနေရာဆီ ခရီသည်လိုက်ပို့ ရာက နေ မိသားစုနဲ့အဆက်အသွယ် ပြတ်တောက်သွားတာလို့ သိရပါတယ်။
ညပိုင်း အိမ်ပြန်မရောက်လာတဲ့အတွက် လူပျောက်ရှာရာ မန္တလေးဆေးရုံကြီး ရင်ခွဲရုံမှာ အလောင်းရောက်ရှိနေတာကို နောက်တစ်နေ့ ဇူလိုင်လ ၂၄ ရက် မှာ မိသားစုက သိရတာပါ။
” အလောင်းမှာ ဓားခုတ်ဒဏ်ရာတွေ တော်တော်များတယ်၊ခုတ်ပြီး ပီနံအိတ်ထဲထည့်ပစ်ထားခဲ့တာ”လို့ သေဆုံးသူရဲ့ မိသားစုနဲ့ နီးစပ်သူတစ်ဦးကပြောပါတယ်။
လုယက်သွားတဲ့ သုံးဘီးယာဉ်မှာ ခြေရာခံစနစ် GPS တပ်ဆင်ထားတဲ့အတွက် ယာဉ်ကို ကျပ် သိန်း ၂၀ နဲ့ ပေါင်ထားခဲ့တဲ့ နေရာမှာ ပြန်ရှာတွေ့ခဲ့ တယ်လို့သိရပါတယ် ။
နာရေးကိုတော့ဒီနေ့နေ့လယ် ၁၂နာရီကတောင်အင်း၊မြောင်အင်းသုဿာန်မှာသဂြိုဟ်ခဲ့ပါတယ်။
ပြီးခဲ့တဲ့ မေလပိုင်းတုန်းကလည်း အိမ်ရှေ့မင်းထန်းတောဘက် သုံးဘီးအငှားလိုက်သူကို သတ်ပြီး သုံးဘီးလုယူမှုဖြစ်ပွားခဲ့ပါတယ်။
သုံးဘီးယာဥ်တွေ ကျပ်သိန်း၁၀၀ကျော်ထိ ပေါက်စျေးရှိလာပြီးနောက် သုံးဘီးအငှားယာဥ်မောင်းတွေကိုသတ်ပြီး လုယက်မှုတွေ မန္တလေးမြို့မှာ ဖြစ်ပွားလာတာပါ။
