အင်ကြင်း/People’s Spring
ဧရာဝတီနှင့် ချင်းတွင်းမြစ်ဆုံရာဒေသ၌ ထင်ရှားသည့် တော်လှန်ရေးသမားဖြစ်သူ မန္တလေးတိုင်း၊ မြင်းခြံခရိုင်တပ်ရင်း (၁)မှ ရဲဘော်ကိုဇင်ကျဆုံးခဲ့ကြောင်း သတင်းရရှိသည်။
မြင်းခြံခရိုင် တပ်ရင်း(၁)၊ 27 Revolution Force အဖွဲ့မှ (၄၁)နှစ်အရွယ် ကိုသန့်ဇင် ဝင်း(ခ)ရဲဘော် ကိုဇင်သည် ကျန်းမာရေးမကောင်းသဖြင့် ဇူလိုင် ၂၈ရက်က ကျဆုံးခဲ့ကြောင်း တပ်ရင်း(၁)၏ တာဝန်ရှိသူက ပြောသည်။
Public Service Announcement
ရဲဘော်ကိုဇင်သည် နွေဦးတော်လှန်ရေးစကတည်းက လက်ရှိအချိန်ထိ တော်လှန်ရေးတစ်ရပ်လုံးအတွက် အထောက်ပံ့ကောင်းဖြစ်ပြီး မန္တလေးတိုင်း၊ မြင်းခြံခရိုင်၊ စစ်ကိုင်းတိုင်း၊ မြောင်မြို့နယ်နှင့် မကွေးတိုင်း၊ ရေစကြိုမြို့နယ် တို့ တိုင်း သုံးတိုင်းဆုံစည်းရာ ဧရာချင်းတွင်းမြစ်ဆုံ ဒေသများကို တော်လှန်ရေးအားကောင်းအောင် ဆောင်ရွက်ပေးခဲ့သူတစ်ဦးဖြစ်ကြောင်းဒေသကာကွယ်ရေးရဲဘော်များက ပြောသည်။
“မြင်းခြံသားတွေထဲရေလယ်ကျွန်း၊ မြောင်ဘက်မှာအစောဆုံးရောက်ရှိပြီး စစ်ကိုင်း၊မကွေး၊မန္တလေးတိုင်း၊ မြင်းခြံခရိုင်ဘက်တွေမှာ ဖက်ဆစ်မြန်မာအကြမ်းဖက်စစ်တပ်ပြုတ်ကျရေးလုပ်ငန်းစဉ်တွေမှာအများကြီးကြိုးစားဆောင်ရွက်ခဲ့သူလည်းဖြစ်တယ်။ နွေဦးတော်လှန်ရေးကာလမြင်းခြံသမိုင်းမှာမေ့ထားခဲ့လို့မဖြစ်တဲ့ရဲဘော်တစ်ဦးလည်းဖြစ်ပါတယ်။”ဟု မြင်းခြံနယ်ခံတစ်ဦးက ပြောသည်။
ရဲဘော်ကိုဇင်၏ နာရေးအား ယမန်နေ့ (ဇူလိုင်၂၉ရက်)က စျာပနကျင်းပပြီးစီးခဲ့ပြီး ဒေသကာကွယ်ရေးအဖွဲ့များ၊ ပြည်သူများအများအပြားလိုက်ပါပို့ဆောင်ခဲ့ကြသည်။
မြင်းခြံခရိုင်သည် မန္တလေးတိုင်းအတွင်း တော်လှန်ရေးအားကောင်းရာဒေသတစ်ခုဖြစ်ပြီး စစ်ကောင်စီ၏ ဖမ်းဆီးသတ်ဖြတ်ခြင်း၊ နေအိမ် မီးရှို့ဖျက်ဆီးခြင်းများ မကြာခဏ ရင်ဆိုင်နေရသည်။
(ကျဆုံးခဲ့သော ရဲဘော်ကိုဇင်၏ နာရေးအား တွေ့ရစဥ်။ ဓာတ်ပုံ – CJ)
