ဟန်နွေ/People’s Spring
ရှမ်းမြောက်ရှိ မိုးမိတ်မြို့ကို အလုံးစုံသိမ်းပိုက်ခဲ့သည့် တအာင်းတပ်မတော်(TNLA) ရဲဘော်များအား မြို့ခံများကကြိုဆိုခဲ့ကြောင်း စစ်မြေပြင်မှ TNLA ရဲဘော်က ဓာတ်ပုံမှတ်တမ်း ဖော်ပြသည်။
TNLA ပူးပေါင်းတပ်များသည် မိုးမိတ်မြို့ကို ဇူလိုင် ၃၁ရက်တွင် အပြီးသတ်သိမ်းပိုက်နိုင်ခဲ့ခြင်းဖြစ်ပြီး ဟောင်ဝစ်ဇာလက်နက်ကြီးအပါအဝင် လက်နက်မျိုးစုံ ၄၀၀ကျော် သိမ်းဆည်းရရှိခဲ့သည်။
Public Service Announcement
” မိုးမိတ်မှာတော့ ပြည်သူအင်အားနည်းတယ်။ ဒါပေမဲ့ ပီတိဖြစ်ရပါတယ်”ဟု TNLA ရဲဘော်က ဓာတ်ပုံမှတ်တမ်းများ ဖော်ပြရေးသားထားသည်။
အဆိုပါ ရဲဘော်သည် မိုးကုတ်မြို့သိမ်းတိုက်ပွဲအပြီးပြည်သူများက တော်လှန်ရေးရဲဘော်များအား ကြိုဆိုသည့် မှတ်တမ်းဓာတ်ပုံများကိုလည်းပထမဆုံး အသိပေးဖော်ပြခဲ့သူဖြစ်သည်။
TNLAသည် ၁၀၂၇ စစ်ဆင်ရေးအပိုင်း(၂)၏ တစ်လကျော်အကြာတွင် နောင်ချို၊မိုးကုတ်၊မိုးမိတ်မြို့များကို အလုံးစုံ သိမ်းပိုက်ထားပြီး စစ်ကောင်စီတပ်ထံမှ လက်နက်ကြီး၊ လက်နက်ငယ်မျိုးစုံ များစွာသိမ်းပိုက်ရရှိခဲ့ရာ ဟောင်ဝစ်ဇာအမြောက်နှင့်လေယာဉ်ပစ်စက်သေနတ်အချို့လည်းပါဝင်သည်။
