ဟာနာဆန်/People’s Spring
မကွေးတိုင်း၊ ချောက်မြို့နယ်၊ ရေဆားလယ်ရွာရှိ ပျူစောထီးစခန်းကို PDFများ ဝင်ရောက်စီးနင်းတိုက်ခိုက်ရာ သေနတ် ၂လက်အပါအဝင် ခဲယမ်းများနှင့် ကားတစ်စီး သိမ်းဆည်းရမိခဲ့ကြောင်း သတင်းရရှိသည်။
ယမန်နေ့(သြဂုတ်၁၀) နေ့လယ် ၂ နာရီခန့်က ဆားလယ်ကျေးရွာအုပ်စု၊ ဆားလယ်ကျေးရွာရှိ ပျူစောထီးစခန်းအား ဒေသကာကွယ်ရေး ပူးပေါင်းတပ်များက ဝင်ရောက်စီးနင်းတိုက်ခိုက်ခဲ့သည်။
Public Service Announcement
တိုက်ခိုက်မှုကြောင့် ပျူစောထီး နှစ်ဦးဒဏ်ရာရပြီး အခြားပျူအဖွဲ့ဝင်များထွက်ပြေးကာ Carbine ၂လက် ၊ Honda Civicကား တစ်စီး၊ဆိုင်ကယ် နှစ်စီးနှင့်ကျည်များ သိမ်းဆည်းရရှိခဲ့ကြောင်း ဒေသကာကွယ်ရေးအဖွဲ့များက ပြောသည်။
” ရေဆားလယ်ရွာထိပ်မှာ စစ်တပ်က ဘန်ကာချပြီး ဂိတ်လုပ်ထားပေမဲ့ ညဘက်ပဲ စောင့်ပြီး သောက်စားမူးရူးပြီး နေ့ဘက် ဂိတ်စောင့်မရှိလို့ ရွာထဲထိအလွယ်တကူဝင်ပြီး ပျူခေါင်းဆောင်အိမ် သွားပစ်ခဲ့တာပါ။နှစ်ကောင် ကျည်ထိမှန်လဲကျသွားတယ်။”ဟု Chauk Guerrilla force (C.G.F)အဖွဲ့၏ တာဝန်ရှိသူက ပြောသည်။
ပျူစောထီးများကလည်း ပြန်လည်ပစ်ခတ်ခဲ့၍ တိုက်ပွဲချိန် ၄၅ မိနစ်ခန့်ကြာမြင့်ခဲ့ပြီးနောက် ပျူစောထီးများမှာ ရေကြောင်းမှတဆင့်ထွက်ပြေးသွားကြောင်း ဒေသကာကွယ်ရေးရဲဘော်များက ပြောသည်။
အဆိုပါ စစ်ဆင်ရေးကို မကွေးခရိုင် (ပ.က.ဖ) အထူးတိုက်ခိုက်ရေး တပ်ဖွဲ့ ၊ချောက်မြို့နယ် (ပ.က.ဖ) ၊ Chauk Guerrilla force (C.G.F) ၊ အာဠာဝကမြို့ပြပြောက်ကျားတပ်ဖွဲ့ ၊
Chauk Revolution Army ၊ Oak Awe (UG) ၊ Bagan Bo Cho ၊ Burma Ranger Revolution ၊ YRF တပ်ရင်း (၁၂) ၊ မင်းသားကြီး တပ်ဖွဲ့ ၊ Yenathar Youth Force ၊ Kyaukpadaung special Defense Force မဟာမိတ်တပ်ဖွဲ့များ ပူးပေါင်း တိုက်ခိုက်ခဲ့ခြင်းဖြစ်သည်။
