ကျော်ဇော/People’s Spring
တနင်္သာရီမြို့နယ်တွင် ရိက္ခာပို့စစ်ကြောင်းအား လုံခြုံရေးယူပေးသည့် အင်အား ၁၀၀ခန့်ပါ စစ်ကောင်စီတပ်စစ်ကြောင်းကို တစ်ရက်တည်း သုံးကြိမ်မိုင်းဆွဲတိုက်ခိုက်ခဲ့ကြောင်း မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း(၂)မှ တာဝန်ရှိသူတစ်ဦးက ပြောသည်။
ခမရ(၅၆၁)မှ စစ်ကောင်စီတပ်စစ်ကြောင်းသည် ၎င်းတပ်ရင်းထံ ရိက္ခာလာပို့သော အင်အား ၃၀ပါစစ်ကြောင်းအား လုံခြုံရေးယူပေးရန် တမုတ်ချူံးကျေးရွာအနီးစစ်ကြောင်းထိုးလာစဥ် မြိတ်ခရိုင်ပြည်သူ့ကာကွယ်ရေးပူးပေါင်းစစ်ကြောင်း(၂)၊ တနင်္သာရီ(ပကဖ)တောင်ပံနီအဖွဲ့တို့ ပူးပေါင်းတိုက်ခိုက်ခဲ့ခြင်း ဖြစ်သည်။
Public Service Announcement
မိုင်းဆွဲတိုက်ခိုက်မှုများကို စစ်ကြောင်းရောက်လာသည့် သြဂုတ် ၈ ရက် နံနက် ၅ နာရီခွဲတွင် တစ်ကြိမ်၊ နံနက် ၈ နာရီခန့်တွင်တစ်ကြိမ်၊ နံနက် ၁၁ နာရီ ၄၇ ခန့်တွင် တစ်ကြိမ်မိုင်းဆွဲတိုက်ခိုက်ခြင်းနှင့် ပစ်ခတ်တိုက်ခိုက်မှုများလုပ်ဆောင်ခဲ့သည်ဟု စစ်ကြောင်း (၂)က အသိပေးသည်။
“သတင်းထုတ်ပြန်မှုနောက်ကျသွားတာက ကျနော်တို့ လုံခြုံရေးအရ ဖြစ်ပါတယ်။ ရဲဘော်လူနာတွေ ထွက်ပေါက်ပိတ်နေလို့ပါ”ဟု မြိတ်ခရိုင် ပြည်သူ့ကာကွယ်ရေးပူးပေါင်းစစ်ကြောင်း(၂)မှ တာဝန်ရှိသူတစ်ဦးက ပြောသည်။
နှစ်ဖက်တွေ့တိုက်ပွဲများပြင်းထန်ခဲ့ပြီး တိုက်ပွဲများအတွင်း စစ်ကောင်စီတပ်ဘက်မှ လေးဦးသေဆုံးကာ ကိုးဦးထက်မနည်း ထိခိုက်ဒဏ်ရာရ၍ တော်လှန်ရေးပူးပေါင်းအဖွဲ့မှ ရဲဘော်နှစ်ဦး ဒဏ်ရာရခဲ့ကြောင်း ၎င်းက ဆက်ပြောသည်။
အထက်ပါ တမုတ်ချုံးတိုက်ပွဲတွင် ပူးပေါင်းပါဝင်ခဲ့သောတော်လှန်ရေးတပ်ဖွဲ့များမှာ
တနင်္သာရီ(ပကဖ)ဇုန်(၄)တောင်ပံနီ၊ မြိတ်ခရိုင်တပ်ရင်း(၂)တပ်ခွဲ၂ ကာကွယ်ရေးပြောက် ကျား၊ ရိုးမ၊ တောဗုံးကြီး၊ ကျွန်းစု(ပကဖ)၊
တိုင်းပကဖလုံခြုံရေး၊ ဒရုန်းအဖွဲ့ စသည့်အဖွဲ့များ ပါဝင်ကြောင်း သိရသည်။
စစ်ကောင်စီ ခမရ(၅၆၁)သို့ ရိက္ခာလာပို့သော အင်အား ၃၀ ပါစစ်ကြောင်းကိုလည်း သြဂုတ် ၉ ရက် ညနေပိုင်းတွင် မြိတ်ခရိုင် ပြည်သူ့ကာကွယ်ရေး ပူးပေါင်းစစ်ကြောင်း(၁)မှ ရဲဘော်များက ကြားဖြတ်တိုက် ခိုက်ခဲ့သေးသည်။
