မိထက်/People’s Spring
တာချီလိတ်မြို့တွင် ယနေ့(ဩဂုတ် ၁၄ရက်) နံနက်ပိုင်းက ပုံမှန်ထက်မိုးကောင်းပြီးနောက်မယ်ဆိုင်ချောင်းရေလျှံကာ မြို့ပေါ်ရပ်ကွက်များ၌ ရေကြီးရေလျှံမှု ဖြစ်ပေါ်နေသည်။
မယ်ဆိုင်ချောင်း ဘေးနေရာများဖြစ်သည့် မကာဟိုခမ်းရပ်ကွက်အတွင်း ဖလားဝါးကွင်းနှင့် ကြက်ခြေနီတပ်ဖွဲ့ရုံးပတ်ဝန်းကျင်၌ ရေကြီးရေလျှံမှုဖြစ်နေသည်။
Public Service Announcement
မယ်ဆိုင်ချောင်းရေသည် အကျမြန်သော်လည်း မိုးဆက်ရွာနေ၍ ရေပြန်မကျသေးကြောင်း၊ အခက်အခဲအလွန်တွေ့နေကြောင်း ဒေသခံအချို့က ပြောသည်။
မယ်ဆိုင်ချောင်းရေလျှံ၍ တာချီလိတ်မြို့တစ်ဖက်ကမ်း ထိုင်းနိုင်ငံဘက်တွင်လည်း ရေကြီးနေသည်။
မုတ်သုန်လေအားကောင်းနေပြီး ရှမ်းပြည်နယ်အရှေ့ပိုင်းအပါအဝင် ဒေသအများစုမိုးရွာနိုင်၍ ယခု(ဩဂုတ်လလယ်)ကာလအတွင် ရေကြီးရေလျှံမှုဘေးသတိပြုကြရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး၀န်ကြီးဌာန (MOHADM)ကသတိပေးထားသည်။
ထို့အပြင် ဩဂုတ် ၁၇နှင့် ၁၈ရက်များတွင် မုတ်သုံလေပိုမိုအားကောင်းလာနိုင်ကြောင်း သတိပေးထားသည်။
