သုည/People’s Spring
အာဏာသိမ်းစစ်ကောင်စီက လုံခြုံရေးများတင်းကြပ်နေသည့်ကြားမှ ရန်ကုန်မြို့တနေရာရှိ အုတ်နံရံများပေါ်တွင် သပိတ်အင်အားစုလူငယ်များက စစ်အာဏာရှင်ဆန့်ကျင်ရေးစာသားများ ရေးသား၍ ယနေ့ (သြဂုတ် ၂၂) လှုပ်ရှားမှုပြုလုပ်ခဲ့သည်။
အဆိုပါ လူငယ်များက “တပ်ကိုဖျက်တာ မင်းအောင်လှိုင်” ၊ “တိုင်းဖျက်ပြည်ဖျက်စစ်တပ်” ၊ “မင်းတို့အရှုံးပြည်သူ့အပြုံး” ၊ “မင်းတို့သေရင်တို့ပြည်သူတွေပျော်တယ်@+” စသည့် စာသားများ ရေးသားခဲ့ကြသည်။
Public Service Announcement
စစ်ခေါင်းဆောင် မင်းအောင်လှိုင်ဦးဆောင်သည့် စစ်ကောင်စီ အင်အားချိနဲ့၊ ပြိုကွဲလာမှုကို ရန်ကုန်ပြည်သူလူထုက ဝမ်းသာပီတိဖြစ်ကြောင်း စစ်ကောင်စီရှုံးလေ ပြည်သူက ပြုံးလေဟုဆိုကာ လှုပ်ရှားမှုပြုလုပ်ခဲ့ကြသည်။
ယင်းလှုပ်ရှားမှုကို စစ်အာဏာရှင်ဆန့်ကျင်ရေးရန်ကုန်အင်အားစု- AJAY နှင့် လူငယ်သပိတ်ကော်မတီ တို့ ပူးပေါင်း၍ မြို့နယ်အသီးသီးရှိ ကျောင်းသား၊ပြည်သူတို့နှင့်အတူ ပြုလုပ်ခဲ့ခြင်း ဖြစ်သည်။.
