ဟန်နွေ/People’s Spring
ကိုးကန့်တပ်မတော်(MNDAA) သိမ်းပိုက်ထိန်းချုပ်ထားသည့် သိန္နီမြို့နယ်ကို စစ်ကောင်စီက လေကြောင်း တိုက်ခိုက်မှုဆက်လက်ပြုလုပ်ခဲ့ကြောင်း MNDAAက သတင်းထုတ်ပြန်သည်။
ဩဂုတ် ၂၄ရက် ညနေပိုင်းတွင် စစ်ကောင်စီတပ်က တိုက်လေယာဉ်များဖြင့်သိန္နီခရိုင် လျင်ဟော်ဒေသ သံလွင်ကျေးရွာရှိ လူနေအိမ်များကို ဗုံးကြဲတိုက်ခိုက်ခဲ့ခြင်းဖြစ်သည်ဟု ဖော်ပြထားသည်။
Public Service Announcement
ထိုသို့ တိုက်ခိုက်ခဲ့၍ နေအိမ်သုံးလုံးထိမှန်ပျက်စီးခဲ့သော်လည်း လူထိခိုက်သေဆုံးမရှိဟု MNDAAက ထုတ်ပြန်သည်။
လေကြောင်းတိုက်ခိုက်မှုကြောင့် ထိခိုက်ပျက်စီးခဲ့သည့် အဆောက်အဦးများ၏ ရုပ်သံမှတ်တမ်းကိုလည်းဖော်ပြခဲ့သည်။
စစ်ကောင်စီတပ်သည် MNDAAက လားရှိုးမြို့သိမ်းတိုက်ပွဲဆင်နွှဲချိန်ကတည်းက တိုက်ပွဲဖြစ်ပွားမှုမရှိသည့် လောက်ကိုင်မြို့နှင့် သိန္နီမြို့များကို လေကြောင်း တိုက်ခိုက်မှုများ လုပ်ဆောင်ခဲ့ရာ အရပ်သား သေဆုံးထိခိုက်မှုများ ရှိခဲ့သည်။
အလားတူ ရက္ခိုင်၊ တအာင်းဒေသများတွင်လည်း တိုက်ပွဲမဖြစ်သည့် မြို့ရွာများကို စစ်ကောင်စီက လေကြောင်း တိုက်ခိုက်မှုများ ဆက်တိုက်ပြုလုပ်နေသည်။
ထိုသို့ တိုက်ခိုက်မှုကို တရုတ်အပါအဝင်နိုင်ငံတကာက ဟန့်တားပေးရန် ကိုးကန့်၊ တအာင်းနှင့် ရက္ခိုင်တပ်များက စုပေါင်းတောင်းဆိုထားသော်လည်း စစ်ကောင်စီက လေကြောင်းတိုက်ခိုက်မှုများ ဆက်လက်ပြုလုပ်နေဆဲပင်ဖြစ်သည်။
