သုည/People’s Spring
ရန်ကုန်မြို့ရှိ မြို့နယ် ၄ခုတွင် AJAYနှင့် လူငယ် သပိတ်ကော်မတီတို့ ပူးပေါင်းပြီး စစ်အာဏာရှင် ဆန့်ကျင်ရေး စာသားများရေးသားသည့် ကလောင်နီလှုပ်ရှားမှု ယနေ့ (စက်တင်ဘာ ၄) ပြုလုပ်ခဲ့သည်။
တော်လှန်လူငယ်များက “ တပ်ကိုဖျက်တာ မင်းအောင်လှိုင်” ၊ “ မင်းအောင်လှိုင်သေမှအေးမှာ” ဆိုသော စာသားများ အပါအ၀င် စစ်အာဏာရှင် ဆန့်ကျင်ရေးစာသားများကို တာမွေမြို့နယ်၊မင်္ဂလာတောင်ညွှန့်၊ သင်္ဃန်းကျွန်းနှင့် မရမ်းကုန်းမြို့နယ်တို့ရှိ မလွှကုန်းဘူတာ၊ ငမိုးရိပ်ဘူတာနှင့် ဝေဇယန္တာလမ်းမကြီးတို့တွင် ရေးသားလှုပ်ရှားမှု ပြုလုပ်ခဲ့ခြင်း ဖြစ်သည်။
Public Service Announcement
ကလောင်နီသည် လူထု၏အသံ ၊ လူထု၏ ကလောင်ဖြစ်သည့်အတွက် ပြည်သူတိုင်း စစ်အာဏာရှင်ကို ဆန့်ကျင်သည့် ကလောင်နီလှုပ်ရှားမှုတွင် ပူးပေါင်းပါ၀င်ကြရန်လည်း သပိတ်လူငယ်များက တိုက်တွန်းလှုံ့ဆော်သည်။
ဓာတ်ပုံ – စစ်အာဏာရှင်ဆန့်ကျင်ရေးရန်ကုန်အင်အားစု AJAY
