“အကြမ်းဖက်စစ်တပ်စီကသိမ်းထားတဲ့ ၁၂၀ နဲ့ အကြမ်းဖက်စစ်ခေါင်းဆောင်ကို ပစ်ခဲ့တာပါ”
−KNDF ဒုတိယစစ်ဦးစီးချုပ်မာဝီ
ဒီပ/People’s Spring
အာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင် ယနေ့ (စက်တင်ဘာ၄) ကရင်နီပြည် ၊လွိုင်ကော်မြို့သို့လာရောက်စဥ် ကရင်နီအမျိုးသားများကာကွယ်ရေးတပ် (KNDF)က ၁၂၀ မမဖြင့်ပစ်ခတ် တိုက်ခိုက်ခဲ့ကြောင်း KNDF ဒုတိယစစ်ဦးစီးချုပ် မာဝီက အတည်ပြုပြောကြားသည်။
“အကြမ်းဖက်စစ်တပ်စီက သိမ်းထားတဲ့ ၁၂၀ နဲ့ အကြမ်းဖက်စစ်ခေါင်းဆောင်ကို ပစ်ခဲ့တာပါ” ဟု KNDF ဒုစစ်ဦးစီးချုပ်က လူထုနွေဦးသို့အတည်ပြုပြောကြားသည်။
Public Service Announcement
“သတင်းကြိုရတဲ့အတွက် KNDF ရဲ့ လက်နက်ကြီးတပ်ဖွဲ့ကို ကျနော််တို့ အမိန့်ပေး တိုက်ခိုက်ခိုင်းခဲ့တာပါ” ဟု ၎င်းက ဆက်ပြောသည်။
အာဏာသိမ်းခေါင်းဆောင် လွိုင်ကော််မြို့သို့ ရောက်စတွင် တိုက်ခိုက်ခဲ့ခြင်းဖြစ်ပြီးစစ်ကောင်စီတပ် ထိခိုက်မှုရှိသော်လည်း အသေးစိတ်အတည်ပြုရန် ခက်ခဲနေသေးကြောင်း သိရသည်။
စစ်ကောင်စီဝါဒဖြန့် တယ်လီဂရန်ချန်နယ်အချို့ တွင် အာဏာသိမ်းခေါင်းဆောင် လွိုင်ကော် ဒကစ အဝင် ညနေ ၃ နာရီ ၃၀ မိနစ်ခန့်တွင်တိုက်ခိုက်ခံရခြင်းဖြစ်ကြောင်းသိရသည်။
အာဏာသိမ်းခေါင်းဆောင်သည် လွိုင်ကော်မြို့ရှိ ဒေသကွပ်ကဲမှုစစ်ဌာနချုပ် -ဒကစ (လွိုင်ကော်) နယ်မြေအတွင်း နယ်မြေတည်ငြိမ်အေးချမ်းရေးဆိုင်ရာ ဆောင်ရွက်ထားရှိမှုများအား စစ်ဆေး ခဲ့သည်ဟု စစ်ကောင်စီဝါဒဖြန့် သတင်းဌာနဖြစ်သောMRTV ရုပ်သံက ယနေ့(စက်တင်ဘာ ၄)ညတွင် ကြေညာခဲ့သည်။ထိုအပြင် မင်းအောင်လှိုင် သည် ကယားပြည်နယ်အစိုးရအဖွဲ့ဝင်များ၊ ပြည်
နယ်အဆင့်ဌာနဆိုင်ရာ တာဝန်ရှိသူများ၊ မြို့မိမြို့ဖများနှင့် ဒေသခံပြည်သူများအား တွေ့ဆုံခဲ့သည်ဟုဆိုသည်။ မင်းအောင်လှိုင်သည် ရှမ်းပြည်နယ်တောင်ကြီး ၊ထိုမှ လေကြောင်းဖြင့် ကရင်နီပြည် လွိုင်ကော် မြို့ ထိုမှ တဆင့် ကားဖြင့် ရှမ်းပြည်တာင်ပိုင်း ဆီဆိုင်ဒေသသို့သွားရောက်ခဲ့ကြောင်းသိရသည်။
ထိုကြောင့် KNDF တိုက်ခိုက်မှုမှာ အာဏာသိမ်းခေါင်းဆောင်ကိုမူ မထိခဲ့ကြောင်းတွေ့ရသည်။
အာဏာသိမ်းခေါင်းဆောင်က လွိုင်ကော်မြို့သို့လာရောက်ခဲ့ခြင်းနှင့် ပတ်သက်၍ KNDF ဒုစစ်ဦးစီးချုပ် က “များများလာပေးပါ ကျနော်တို့ လက်နဲ့ အဆုံးသတ်ပေးလိုက်ရတယ်ဆိုတဲ့ သမိုင်းရေးချင်လို့ပါ အဲ့ဒါပဲပြောချင်ပါတယ်” ဟုမှတ်ချက်ပြုသည်။
(KNDF တပ်ဖွဲ့ဝင်များ ၊ ၂၀၂၃ နိုဝင်ဘာလတွင်လွိုင်ကော်မြို့သိမ်းတိုက်ပွဲ၌ ကရင်နီတပ်ပေါင်းစုက စစ်ကောင်စီတပ်ထံမှသိမ်းဆည်းရရှိသောလက်နက်ခဲယမ်းများနှင့် အာဏာသိမ်းခေါင်းဆောင်ကို စက်တင်ဘာ ၄ ရက်တွင် လွိုင်ကော် ဒကစ တွင်တွေ့ရစဥ်။ ဓါတ်ပုံ- KNDF ၊MRTV)
