နိုင်ပကောင်း/People’s Spring
ကရင်ပြည်နယ်၊ ကြာအင်းဆိပ်ကြီးမြို့နယ် ၊ ကျုံခဝန်ရွာကို စက်တင်ဘာ ၉ ရက် က လူအများအိပ်မောကျနေချိန်မှာ ဗုံးကြဲတိုက်ခိုက်တာကြောင့် ကလေး ၁ဦီးအပါအဝင် အရပ်သား ၂ဦး ထိခိုက်ဒဏ်ရာရခဲ့တယ်လို့ ကရင်သတင်းရင်းမြစ်ထံကသိရပါတယ်။
မနေ့ စက်တင်ဘာလ ၉ ရက် မနက် ၂ နာရီခန့်က ကျုံခဝန်ရွာ မှာ တိုက်ပွဲမဖြစ်ဘဲ ရွာထဲကိုစစ်ကောင်စီလေတပ်က လေယာဉ်နဲ့ ဗုံးကြဲတာကြောင့် ကလေး ၁ ဦီးနဲ့ အမျိုးသား ၁ဦီး စုစုပေါင်း ၂ ဦီး ဒဏ်ရာရခဲ့တာပါ။
လူကြီးပိုင်းအမျိုးသားကတော့ ဒဏ်ရာပြင်းထန်တယ်လို့ ကရင်သတင်းရင်းမြစ်က အသိပေးပါတယ်။
Public Service Announcement
“ပေါင် ၅၀၀ ဗုံးသုံးလုံး ကြဲသွားပါတယ် ၊ရွာထဲကို” လို့ နယ်မြေခံသတင်းရင်းမြစ်က လူမှုကွန်ရက်ကတဆင့် အသိပေးပါတယ်။
အခုလို ဗုံးကြဲခံရတဲ့ ကြားအင်းဆိပ်ကြီးမြို့နယ် ၊ ကျုံခဝန်ရွာဟာ KNU တပ်မဟာ ( ၆ )နယ်မြေလည်းဖြစ်တယ်လို့သိရပါတယ်။
ကြာအင်းဆိပ်ကြီးမြို့နယ်ထဲမှာ ပြီးခဲ့တဲ့ရက်ပိုင်းတွေအတွင်း ဘုရားသုံးဆူ – သံဖြူဇရပ်လမ်းပိုင်းကို စိုးမိုးထားတဲ့ အနန်းကွင်း ဗျုဟာစခန်းတိုက်ခိုက်ခံရပြီး အနီးတဝိုက်ကရွာတွေ ဗုံးကြဲတိုက်ခိုက်တာခံခဲ့ရပါသေးတယ်။
အနန်းကွင်းကျေးရွာနဲ့အနီးတဝိုက်ကရွာတွေမှာတော့ လက်နက်ကြီးနဲ့လေကြောင်းရန်ကြောင့် ကျေးရွာ ၅ ရွာထက်မနည်းက ဒေသခံပြည်သူတွေ ဘေးလွတ်ရာကိုထွက်ပြေးနေရတယ်လို့သိရပါတယ်။
