'/%3E%3C/svg%3E){kind=small}
ဆိုင်းမင်း/People’s Spring
ရန်ကုန် – မန္တလေး အမြန်လမ်းမကြီး ရဲ့ မန္တလေးမြို့အနီး တံတားဦီးမြို့နယ်ထဲက မိုင်တိုင် အမှတ် ၃၅၆ အနီးမှာ လမ်းပေါ် ရေကျော်လာတာကြောင့် ကားတွေကို ဖြတ်သန်းသွားလာခွင့်မပေးတော့ဘူးလို့ ခရီးသွားတွေထံက သိရပါတယ်။
မန္တလေးကနေ ရန်ကုန်ဘက်အပြန် မိုင်တိုင်အမှတ် ၃၅၆ ၊ ၃၅၅ နဲ့ ၃၅၄ တဝိုက်ကရွာတွေ ရေမြှုပ်နေပြီး အမြန်လမ်းပေါ်ပါရေကျော်နေတာလို့ အဲဒီနေရာကို ရောက်ရှိနေတဲ့ ခရီးသွားတစ်ဦီးက ဓာတ်ပုံတွေနဲ့တကွ ဖေ့ဘွတ်ခ်လူမှုကွန်ရက်မှာ ဒီနေ့ နေ့လယ်ပိုင်းက အသိပေးထားတာတွေ့ရပါတယ်။
ရုပ်သံမှတ်တမ်းအရ အမြန်လမ်းပေါ် ရေကျော်နေပြီး ကားတွေ ပိတ်မိနေတာတွေ့ရပါတယ်။ အမြန်လမ်းပေါ်မှာ လှေကိုသုံးပြီးသွားနေတဲ့ ဓာတ်ပုံကိုပါတွေ့ရပါသေးတယ်။
Public Service Announcement
ဒီမနက်ပိုင်းက အမြန်လမ်းကိုအသုံးပြုပြီး မန္တလေးဘက်ဆီသွားခဲ့တဲ့ခရီးသွားတစ်ဦီးရဲ့ ရေးသားချက်အရ မနက် ၈ နာရီခန့်က လမ်းရေကျော်တာမရှိဘဲ အပြန်ခရီး မနက် ၁၁ နာရီ ခန့်မှာတော့ မိုင်တိုင် ၃၅၆ မှာ ရေကျော်နေတာတွေ့ရတယ်လို့ ဆိုထားပါတယ်။
အချိန်တိုအတွင်း အမြန်လမ်းကိုရေကျော်သွားတာလို့လည်း အဲဒီခရီးသွားတာ အသိပေးထားတာပါ။
“ရေခဏတာ ရေကျော်တာမဟုတ်ဘူး၊ ဘေးမှာရေပြင်ကြီးပါ မြင်နေရပြီ ၊ ဆက်တက်လာဖို့ပဲရှိပါတယ်”လို့ အဲဒီခရီးသွားက ပြောထားပါတယ်။
